جيسكار لحود لنبيه بري: أبداً انتا مش طائفي، بس كم موظّف مسيحي وسنّي موظّف عندك بالمجلس (Audio)

نقلاً عن “دقيقة سمط” لِ “جيسكار لحود” عَ إذاعة “صوت المدى”:

• ما فيك، شو ما كانت مآخذك عَ الرئيس نبيه بري،
  ما تحترم ذكاه، وقدراتو، ومسيرتو، وخبرتو
  خبرتو بتدوير الزوايا وحطّ النقط عَ الحروف، واحترافو بابتكار التسويات والتركيبات
• رجال بيحترف اللعبة السياسية،
  وهوي عنجدّ “داهية” السياسة اللبنانية

إيه

• أنا وغيري عم نقول كرمال نصحّح التمثيل بالمجلس النيابي،
  خلّي كل طايفة تنتخب نوابا، لمرة واحدة فقط..
  وبعدان منعمل قانون عظيم، وطني ومتطوّر
• كل طايفي تنتخب نوابا كرمال نصحّح التمثيل،
  وعَ طريقنا منصحّح الإعوجاج، ومنصحّح “التنصيب”، والإحتيال، والسرقة
• بفاجئني الرئيس بري مؤخراً بقولو: لن نوافق على التصويت الطائفي،
  طيب. يا أستاذ نبيه، فيك تقلنا حضرتك وبما أنو أبداً منك طائفي،
  كم موظّف ماروني بالمجلس، بما إنّو التوظيف بيخضع لقرارك الشخصي بالمجلس
  كم موظف مسيحي في بالمجلس؟؟
  مش مسيحي يا استاذ؟
  كم موظّف سنّي؟؟ فيك تجاوبنا
• بكل صدق وأمانة، إذا اتضحلي أنو الأرقام رح تكون متوازنة، او 3/4 متوازنة،
  أو نص 1/2 متوازنة،
  أو 1/4 متوازنة
  أو 1/10 متوازنة،
  أو 1% متوازنة،
  ساعتا رح قول وبصوت عالي: لن نوافق على التصويت الطائفي
• ما نحنا لأنو حضرتكم عملتو اللي عملتو، عَ مدى عشرات السنين،
  سنين الأخيرة، مضطرين نحكي بتصويت طائفي،
  لأنو إختنقنا..
  ما الطائفية طافتْ علينا استاذ،
  يا ريت بتكون الطائفية غيمة، ومارقة..
  هيي بالفعل وبكل العالم، غيمة ولازقة.
  لازقة عَ قلوبنا
• استاذنا، أو بتخترعو شي طعم ضدّ الطائفية، ومناخدو كلنا ومنرتاح،
  أو كل طايفة تنتخب نوابا،
  ومتل ما متفقين، بالمناصفة بين المسلمين والمسيحيين،
  وما بقا حدا ينكرانو مش طائفي، لأنو متل ما le Rouge attire les Taureaux، الطائفية تجذب اللبنانيي.

ما حدا يزعل. الراحة بالصراحة

• مش مستعدّ حدا ينتخبلي نوابي،
  الاّ إذا أنا بنتخبلو نوابو..
  وكل نواب بتطرقو يُسجّل عليكم كجريمة اغتصاب.

رصد Agoraleaks.com