Agoraleaks Agoraleaks
– شعارات التيار ما حدا بيسرقا، اهلا وسهلا فيون..
مقتطف من حديث منسّق مجالس الأقضية في التيار الوطني الحر وليد الأشقر:
- شعارات التيار ما حدا بيسرقا، أكبر دليل على هيدا الشي،
الشعارات السابقة اللي انطلقت خلال التسعينات: “حرية – سيادة – استقلال” بعدنا لليوم الكل بقول هيدا شعار التيار الوطني الحر - اليوم نحنا شعارنا هوي التغيير والإصلاح ومحاربة الفساد،
لما بدّو يجي بعض الأشخاص او بعض الأحزاب أو المجموعات، تستعمل شعارات التيار،
هيدا مش يعني سرقولنا شعاراتنا،
نحنا بالعكس منقول، انو كبرت الدائرة اللي عم تطالب فيها بمحاربة الفساد، - أهلا وسهلا بكلّ اللي عم يمدّوا ايدن لإلنا تنحارب نحنا وياهن الفساد المستشري بالدولة
عن طبيعة الحراك الشعبي الأخير الرافض لإقرار السلسلة
- إذا بدّك صارت نوع من شعارات فارغة شوي،
لأنّو البعض اللي هني عم يحكو من كم يوم، انو هنّي ضدّ الضرايب،
كانو مشاركين بالحكومات السابقة، ومشاركين باللجان النيابية المتخصصة وكانو موافقين على معظم اللي نحكى فيه - نحنا كنّا رأس حربة بالموضوع، وكنّا أوّل طرف سياسي طلبنا تكون الضرايب اللي بدها تغطّي سلسلة الرتب والرواتب، تكون ضرايب تطال الطبقة الميسورة والغنية أكتر ما تطال الطبقة الفقيرة، وهيدا اللي صار
- الهدف من إقرار السلسلة إعطاء حوالي 200 – 300 الف موظف وعائلة حقوقن،
ونحنا منعتبر انو هيدا حق مكتسب لالن، كنا عم نناضل تَ نعطين حقوق اككتر من هيك،
إنما بالتركيبة السياسية بالبلد، وبالطريقة اللي كنا عم نناضل فيها داخل الحكومة ومجلس النواب، وصلنا لما توصلنا اليه،
فكرة تنزيل مقابل شارع هيي فكرة غلط
- منحيّي النايب سامي الجميل، ومنعرف كيف كان يشتغل بقطاع الطلاب بالتسعينات،
كنا نلتقى سوا كتير.. بعرف الأسلوب اللي بيتعاطى فيه سامي، هيدا أسلوب بشكل واضح وصريح أسلوب اعلامي وهمروجة لا أكتر ولا اقل..
المصدر: Agoraleaks.com
