الأب مروان خوري: ما بعرف كيف.. بعرف الكلام سمعتو بدينتي، كنت قاعد مع “ميريانا” ببيتا: قالتلي انتو (الكهنة) الجسر (Audio+Video)

– بدنا نصلي حتى يكونو كهنتنا قديسين، ومنفتحين لقلب العدرا مش عم يحاربوها

مقتطف من حديث الراهب المريمي الأب مروان خوري
(Retraite 11- 12 Mars 2017. St Jabal Adma Fataa).

• كلن باخدن من قوة المذبح من قوة القربان.. ، كل جروحات الناس والمشاكل حلها عند الكاهن والقربان،
  هيدا اللي بدو يصلّي، هيدا اللي بدو عرفو، هيدا اللي بدو باركو، هيدا لللي بدي جوزو،
• لما كان ماشيين الشعب العبراني بالعهد القديم، بالصحرا بدن يفوتو عَ أرض الميعاد،
  أشرس معركة صارت معن بأريحا، بس وصلو عَ اسوار أريحا لاقو مافي قوة بتكسرها، واسوار شاهقة وعالية
  شو عمل الشعب.. صرخو لموسى: ما رح نفوت عَ أرض الميعاد، لأنو هيدي الأسوار ما في قوة بتهدّها، والعدو محصّن وراها،
  موسى صرخ بدورو للرب، هيدا الكاهن
• انت بتجي عند الأبونا بتطرحلو مشكلة، وبتقلو يعجز الطب أو تعجز الإرادة البشرية اني اطلع من المشكلة!
  الكاهن بيحمل هالمشكلة وبروح فيها لعند يسوع، بخاطبو فيها،
  شو إرادتك لهالشخص؟
  بدك يطلع من مشكلتو.. شو بدّك ارشدو؟

• بقلو الرب لموسى: نزّل الكهنة بيمشو قدام الشعب، وبضربو بالأبواق وهم سائرون حول السور
  شو معنى الكاهن الذي يضرب بالبوق؟ البوق هيي كلمة الكاهن
• كلمة الكاهن هيّي بوق يُنذر الخاطئ ويغذّي النفس اللي بدها تعرف إرادة الله،
  يعني سماع من الكاهن. عندك مشكلة سماع نصيحة الكاهن،
  الكاهن يمكن يقلك: انتا خاطي بدّي ياك تعترف.. اعترف
  ممكن يقلك انك ماشي بطريق منا سليمة.. بدك تغيّر الطريق
  ممكن يقلك في بقلبك معشعش حقد.. بدك تتحرّر من الحقد لأنو الرب عندو شي لالك..
• بقلن كمان: بتقول للكهنة يحملو تابوت العهد عَ كتافاتن، وينزلو فيه على الأرض عَ أرض المعركة،
  شو هوي تابوت العهد، بالعهد القديم.. كان رمز لحضور الله
  طلبو من الكاهن ينزل يسوع (القربان) عَ أرض معركتك
• الكاهن عندما يُصلّي، هو قوة الله.. ويعلن قوة الله ومجدو وسلطانو
  صلاة الكاهن منّا صلاة المؤمن
  ميشان هيك العدرا بتقول: لمّا الكاهن بصلّي، حتى العدرا بتقول مش متل أنا بصلّي
• الشرير عندما يسمع صوت الكاهن، يدق في قلبه الذعر لأنه يعلم بسلطانه الذي هو من المسيح،
  باعمال الرسل فصل 19، لما اجو ناس يعملو متل ما عم يعمل القديس بولس،
  جابو شخص ممسوس في روح شريرة، وقالولو: نُقسّم عليك باسم يسوع الذي يُبشّر به بولس..
  شو قلن الروح الشرير: إني اعلم بولس من هو، وأعلم يسوع، أمّا أنتم فمن أنتم؟؟
  بيحملو صورة الله ومجبور طيعن، انتو مين؟ ووثب عليهم..
• طلبو القربانة من الكاهن ونزال فيها على أرض المعركة
  تابوت العهد هو جسد الرب يسوع واسم الرب يسوع

• عندما تتناول من يد الكاهن، تبدأ المعارك الروحية التي هي بداخلك،
  يعلم عندما تتناول القربان، وعندما تطلب صلاة الكاهن، بوق الكلمة، القربان يعلن للعدو ان الله حاضر معك، ويعلم عدوك مسبقاً أن خسارته مؤكدة، لأن حضور الرب لا يُقاوم، ثم استعمل اسم الرب يسوع وتذكّر كلماته،
  مهما سألتم باسمي فذلك افعله
• بقولو برمو 7 برمات.. هيدي التساعيات اللي منعملا بالكنيسة،
  مش أوّل نهار بالصلا بتنحلّ المشاكل..
  الكاهن هوي الشخص اللي بتستدعي ينزل على معركتك بصلاتو وبكهنوتو، بسلطانو، بقوة الدم اللي بايدو فاستنجد فيه،
  إذا بيعرف الكاهن يستعمل ايمانو مع الشعب، والشعب يستعمل بايمان ثقتو بالكاهن، ما في اسوار قد ما تكون متينة بتقدر تهدّي
• كل علو سينخفض، وكل وادٍ سيمتلئ وسيعود المجد للإنسان
• رجاء خاص كنيستنا اليوم، بتقول ميريانا (رائية مديوغوريه):
  يسوع بدّو ينتصر.
  مظاهر انتصار قلب يسوع ومريم رح نشوفها، والشيطان سيتدحرج
  النصر سيكون جسر العبور للمؤمنين، ونصر قلب العدرا ويسوع هوي الكاهن
  ما بعرف كيف؟
  بعرف هيدا الكلام سمعتو بدينتي.. كنت قاعد بجلسة مع “ميريانا” ببيتا: قالتلي أبونا، انتو الجسر اللي بدها تربح فيه العدرا وينتصر قلب ابنا وقلبا
• ميشان هيك بدنا نصلي حتى يكونو كهنتنا قديسين، ومنفتحين لقلب العدرا مش عم يحاربوها
  ويكونو مستسلمين لإرادة الرب، لأن كل ما كان في كهنة مؤمنين بحقيقة كهنوتم، النصر رح يكون قريب، ونحنا اللي عم نتأخّر
  بدنا نصلّي لبعضنا، حتى نقدر نأمّن لمجتمعنا ولحياتنا الفرح والسلام

https://www.youtube.com/watch?v=IgmEPfsW2_A&feature=youtu.be

Agoraleaks.com