Agoraleaks Agoraleaks
كاهن بوذي من اللي بعيشو من عطايا الناس قررّ يوم:
- يستبدل ثوبو بتياب شحاد، وضهر يستعطي
- كانت دهشتو كبيري لما كان يشوف الناس يمرقو من حدّو وما حدا يلتفت صوبو
- رجع لبس توبو وقعد بذات المطرح،
دهشتو كانت أكبر لما صارو الناس يتسابقو حتى يقدمولو الهدايا، لأنو عرفوه من توبو - لما بالمسا رجع على البيت،
خلع توبو، وركع قدامو، يمجدو ويشكرو ويقلو…
بشكرك عَ كل العطايا اللي وصلتلك عن طريقك،
بشكرك عَ كل التكريم اللي انتا سببو، عَ كل الاهتمام اللي حصلت عليه بسببك - اليوم عرفت انو بدونك انا ما بسوى شي
الزوادة بتقلي وبتقلك
- شو رأيك اليوم، تسأل شو التوب اللي لابسو
1) مركزك!
2) عملك؟
3) ثروتك!
4) جمالك؟
5) قوتك!
جرّب اليوم تطلع منن، وشوف شو بيبقى… - إذا اللي بيبقى راضيك جوهري عفاك،
بعدك انتا اهم من التوب اللي لابسو،
لكن،
إذا ما بقا شي، راجع حساباتك، حاول بدّل هالتوب العياري، والبس إنسان جديد، وقيم جديدي، بترجع حياتك الها معنى..
المصدر: صوت المحبة
