لشو رحت قسمتْ يا مجدوبْ (زوادة)

– عن مثل الإبنين الضالين والعجل المسمّن وتحرّك الأحشاء..

عظة أحد الآباء بخصوص الإبنين الضالين إنطلاقاً من مثل الإبن الشاطر…

• لما يكون في مثل، رح نطرح سؤالين،
  1) بدنا نفتّش على يسوع بقلب المثل، وبعدان منبّلش على حالنا فيه
  2) وكيف منتحّد بيسوع
• في عنّا البيْ يللي هوي الآب السماوي يللي عم ينطرْ رجعة ولادو،
  لوقا بس يوصل عند متل الإبن الشاطر،
  قبلو بنصين، في قصتين الأولى: الدرهم الضايع + الخروف الضايع،
  1) بالدرهم الضايع في مرأة بتضيّع درهم بتفتش عليه بكلّ البيت، ولما بتلاقيه بتنبسط فيه كتير
  2) بالخروف الضال، بكون في 100 خروف، بضيع واحد بفتّش عليه الراعي، بلاقيه وكمان بينبسط في كتير
• هودي النصين ما حطّو عبثاً قبل مثل الإبن الشاطر،
  الدرهم ضاع بقلب البيت،
  الخروف ضاع خارج البيت،
  بقصة ابن الشاطر الإبن اللي جوا هوي درهم ضايع، والإبن اللي برا هوي خروف ضايع،
  فاذاً المتل ما اسمو الإبن الضال، اسمو متل الإبنين الضالين
  ايه لأنو الإبنين بعقلاتن قسمو
• وينو الإبن المنيح.. ؟؟
  1) العجل المُسمّن هوي يسوع
  2) والبيْ لما يخرج يلاقي الإبن، بقول النص: “تحركت أحشاؤه”
  وتاني مرّة لما لاقى ابنو الكبير، لوين ضهر.. خرج لإبنو الكبير، معناتا كان ضايع كمان
• بالمطرحين في تحركت أحشاؤه وخرج..
  الأحشاء تتحرك ويحصل خروج اثناء الولادة
• الإبن هوي، هوي المولود من الآب قبل كل الدهور
  لما تحركت احشائو البيّْ وخرجَ.. بعت ابنو الوحيد لخلاص الإبنين،
  الإبنين خاطيين

كيف أتحّد بالمسيح ؟

• شو بيعمل الأب (الآب) بس يشوف الإبن الصغير،
  بيعبطو وبقبلّه.. البوسةْ في الكتاب المقدّس تعني الغفران
• المسيح غفر للجميع على الصليب،
  كيف بتحّد بالمسيح حتى يسكّر ايديه عليّ، لا شيل مسماري وشيل مسمار خيّي
• تحت الصليب في 3 مواقف:
  1) بقدر قول: أنا معذّب متلو، وانا مصلوب حدّو، وبضلني نق كل حياتي، وما بشيل ولا مسمار
  2) بقدر قول: بدي شيل مسمار واحد، وبس موت بقولو: قد تمّم واجباته الدينية (عمل فروضو) برافو
  بشيل تبعي ويصطفل خيّي بمسمارو
  3) وفيّي كون قديس شيل مسماري ومسمار خيّي
• بس شيل مسماري ومسمار خيّي بيعبطك وبيعطيك قبلة الغفران،
  اللي عم احكي مش شعر، بدّك تتحمّل كل خطأ عكل وجّ الأرض

• إذا في أملاك او بدك تفوت على “حقلة” بينكتب “الملك لله،
  شو بقلو الآب للإبن: كل ما هو لي هو لك،
  لشو رحت قسمتْ يا مجدوبْ
  كل ما هوي لي هو لك
  ما تسأل عَ شي، لأنو كلشي لالك
• بدي اتحمّل مسؤولية كل خطأن حتى لو مش منيّ.. كيف؟
  بدّي اركض صوب المسيح..
  قد خطئت الى السماء وأمامك ولست اهلاً لأن أُدعى ابناً،
  هوي بسكتني وبقلّي: تفضّل لباس البدلة البيضا،
  ما خلاه يكفّي جملتو للإبن.. قطشو
• العودة الى المسيح، هي عودة ابن ضال، وتذكرو بقلب البيت ضالين، واللي برات البيت ضالين،
  كلنا ضالين وبحاجة الى راعي واحد، لبيْ واحد هو الله

رصد Agoraleaks.com