Agoraleaks Agoraleaks
– من يحمي الإستثمارات… وماذا عن كسارات التقدمي الإشتراكي؟؟
مع إشاعة اطلاق الرصاص على معمل للإسمنت قيد الإنشاء، خاص بآل فتوش في عين دارة في جرود ضهر البيدر، على خلفية رفض البلدية وبعض الأهالي تشييده.
يقول أحد عمال معمل الإسمنت الذي تعرّض لإطلاق الرصاص:
- كنا عم نفوّت البيوت الجاهزة للشغيلة، اجو جماعة البلدية ومعن مسلحين فوق 30 مسلّح
- انتشرو على الميلتين، وبلشو فينا قواص، وإجا الرصاص بين إجرينا
صاحب معمل الإسمنت بيار فتوش يقول:
- عنا شباب 3 دوامات، بيطلعو الصبح، وصلو ع 5:20 بلاقو حاجز وانتشار مسلحين من حزب الإشتراكي ومن عناصر رئيس البلدية.
- صار تلاسن، وقالولن مش رح يفلو، فصارو بدن يحرقو السيارة..
- الساعة 9 وصلت شاحنتين محملين بيوت جاهزة،
وصلو ع حاجز سألوهم لوين: قالولن لعند فتوش، قالولن ممنوع،
بلش اطلاق الرصاص على الشوفرييه تَ يفلو..
كانو 45 مسلح صار من بعدا شي 100 مسلح - اتصلنا بالأجهزة الأمنية ما حدا اجا،
إجا من بعدا كم عنصر، وقفو حدّ المسلحين، وبعدان فلو المسلحين
الجهة المتهمّة تقدمية اشتراكية الهوى، يقول فتوش:
- الحزب التقدمي الإشتراكي والوزير وليد جنبلاط واكرم شهيب ورئيس البلدية وبعض الأعضاء معترضين.. والأهداف مالية بدن حصة وبدن يستفيدو
- بطلب من فخامة الرئيس يحمي الإستثمارات
رفض البلدية وبعض الأهالي جعلهم يتحركون سريعاً، فقطعوا الطريق المؤدي للمصنع.
الحزب التقدمي الإشتراكي الرافض كل اتهامات، برأ نفسه من القضية،
يقول وكيل داخلية الحزب الإشتراكي في منطقة عاليه زياد شيا:
- لا علاقة لنا بالقضية لا من قريب ولا من بعيد، بما يجري بعين دارة
- بقولو انو وليد جنبلاط بدّو حصة،
اكتر من مرة حاول ياخود فتوش موعد من جنبلاد، وبعد مطالبة حثيثة،
دام الموعد 3 دقايق، جنبلاط قلو شو الي علاقة بالموضوع
بين نفي هذا وتأكيد ذاك، الأكيد أنّ قضية “عين دارة” لا بيئية اجتماعية فحسب، انما سياسية بامتياز
رصد Agoraleaks.com
