نقولا صحناوي: ما حدا يخبرنا خبار.. دعم المسيحيي بالمنطقة شو؟ (Audio)

– عن علاقة التيار والقوات: في شدّ من الميلتين، وفي تصرفات ما بيفهما الواحد، وكن نجهد للحفاظ عليه

مقتطف من حديث الوزير السابق “نقولا صحناوي” ضمن برنامج “نهاركم سعيد” على قناة الـ”LBC”:

• قعدنا بلا رئيس سنتين ونصف، ولكن انتج انتخاب رئيس قوي،
  وصلحنا بوصول رئيس قوي بتوافق شبه جامع، صلحنا النظام، وصار في ممارسة جديدي فيها عدل وتوازن
• هلق اليوم في تصحيح جديد يخصّ قانون الإنتخابي،
  عم نعيش مع قوى سياسية مش عم تقدر تتوافق ع قانون،
  وبالنسبية كل القوى فيها تتمثل، حتى لو كانت موجودي بمنطقة معينة أو بكل لبنان
• في سلبي ما بدو حل، معناتا بدو الستين أو التمديد،
  وفي سلبي انو عم يطلّع انو في احد المعايير يللي بدو يحكي فيها، ونحنا هيدا الشي ما منلاقي سلبي،
  منلاقيه ايجابي، ايه منحكي فيه
• شتغلنا عَ طرح انطلاقاً من القوانين السابقة المطروحة، وتأمّن إرضاء تيار المستقبل والثنائي الشيعي وجنبلاط بشكل أخذ هواجس الجميع

هل تم تبليغ التيار بموافقة المستقبل والقوات والكتائب بانتظار ردّ الثنائي الشيعي ليس لتطمين نفسه بل لتطمين حلفائه؟ 

• لم نتبلّغ أجوبة من احد، في الإعلام نقرأ هذا الأمر، نحنا ناطرين الأجوبة،
  الكل طلب 48 ساعة لدرس القانون
•  اللي جاوبنا قلال، بآخر دقيقة بيخلص كلشي، لأنو كل فريق بدو يعمل تحسين لوضعو
• الجو عم يكون مريح، ما في تشنجات، إذا ما وصلت لنتيجة كل هيدا ما بفيد ورايحين على مشكل
• اللي حامينا بهاللحظة، مش انو عندن روح مسؤولية، اللي حامي لبنان ما حدن عندو قدرة

عن علاقة التيار والقوات

• في شدّ من الميلتين، وفي تصرفات ما بيفهما الواحد
• نشالله رح نضل نجاهد لحماية هيدا التقارب

عن قانون الإنتخاب

• قواعدنا بتقلنا ليه ما بتبقو هلى هيدا القانون، عم نقلن مش عدد نواب التيار
• مش عم نقيسا على عدد نواب التكتّل،
  عم نقيسا ع مصلحة اللبنانيي والمسيحيي لإستقرار سياسي بالبلد، ولديمومة الشراكة
• يمكن الحل النهائي والأبدي، نصير مواطنين كلنا عنا هالتطلع لتصير الهوية اللبنانية الهوية الوحيدي، وتكون هويتنا فقط لبنانية
• بمحل من المحلات بدو يفهم الواحد انو الأقليات عندا قلق، وقلق وجودي، بيطلع شوي بالمنطقة ويشوف..
  بكون الواحد عم بيتضحك علينا إذا قلنا ما حدا يقلق.. كيف ما بدنا نقلق
  الأقليات عم تتهجّر بكل بلدان المنطقة.. لاق مش كلشي تمام
• الأقلية المسيحية بالمنطقة (بلبنان مش اقلية) بيتطلع فيها بالمنطقة دعما شو؟ دعما بالقانون
  تطلعي بالأقلية الشيعية بلبنان، ايه عند دعم ايران بالسلاح والمال
  بتطلعي بالأقلية السنية بلبنان، بتدعما السعودية وعدة بلدان عربية قد لبنان 20 مرّة
  نحنا طبيعي انو نحمي حالنا بالدستور وبالقوانين، ما حدن يجي يخبرنا خبار،
  بعدان ينتبهو هوديك الأفرقاء انو ما عنا خيار الاّ الدولة، بيقدرو يسلمونا حتى إدارة الدولة، لأنو ما عنا غير الدولة

رصد Agoraleaks.com