التيار يقدّم مبادرة قانون الإنتخاب بأخذ هواجس الجميع.. من يرفضه ليقل لنا السبب؟

– رفضو القوانين وما حدا بقدم طرح – بدنا نوقف مهزلة الحديثين، جوا شي وبرا شي.. 

مقتطف من حديث رئيس التيار الوطني الحرّ جبران باسيل:

• نعلن عن مبادرة جديدة، المشروع تحضرلو بشكل سابق واتصالات،
  نحنا صرنا بوقت لازم نكشف كلشي  امام الإعلام، الوقت صار داهم والناس لازم تعرف والجميع ينحط امام مسؤولياتو
• القانون منو قانون تيار ولا باسيل، هيدا قانون لكل اللبنانيين
• ما ننسى نحنا بمسيرة استعادة الميثاقية، بدأت مع رئاسة الجمهورية، استكملت بالحكومة، وهلق بمحطتا الأهم بمجلس النواب
• الأهم هوي المكونات مش المكتسبات، بقاء المكونات من بقاء الوطن،
  تيبقى لبنان متميز ومتعدد، بدا تكون المكونات المتعددة اللي فيه تبقا،
  مش تحافظ على وجودا، على حضورا وعلى دورا
• الإصلاح بالبلد ما بكون بلا قانون انتخابات، ولن يكون في استقرار سياسي وامني الا ما يكون في قانون انتخابات
• المشكلة الأساسية بقانون الإنتخابات، ما لازم نخبيها، هيي صحة التمثيل، واحترام المناصفة، والمشكلة هيي عند المسيحيين
• طرحنا النسبية، وكان في توافق عليا وفق 13 دايرة، ولكن ظهر انو كل طايفة بدها تحتكر التمثيل تبعا، وما بدها معارضة بقلبا
• طرحنا المختلط أساسا قدمو القوات والمستقبل والإشتراكي، كما قدم طرح مختلط من قبل بري،
  سنتان ما قلّع ولا أي قانون لعدم وجود معيار واحد
• دخلنا بالمختلط وطرحنا وجود معيار، اول قانون مختلط ع أساس كل مقعد بطايفتو هوي أكثرية بالقضاء، وكل واحد اقلية بروح عَ النسبي..
  وصلنا عَ مراحل متقدمة، ورجع نرفض من فريق امل وحزب الله
• نقلنا ع فكرة تانية منبثقة من طرح لبري، بموضوع التأهيل، (تأهيل ع مستوى الطوائف، ومنرجع منروح عَ النسبية الكاملة، كمان قدمناه، رجع نرفض من المستقبل

القانون

• صرنا علقانين هون ما حدا عم يقدّم، عملنا خلاصات من جميع الأفكار، ما حا بقدّم شي، نحنا شفنا رفض الفريقين وقلنا بما انو في إمّا فراغ او قانون جديد، ولأنو منآمن بحسن النية عند الجميع.. طرحنا فكرة اجمالية، منقسم المقاعد بالتساوي أكتري ونسبي
• النظام الأكتري بصير في اقتراع ع 14 دائرة، (الدوائر صار في موافقة عليهم بالقانون التأهيلي) منو مُنزل، وكان الجميع موافق عليه
  النص التاني منروح في عَ دوائر أوسع (5 دوائر) عَ النسبية
  ما نطرحه في متحركات، ونحن نظهر كل مرونة لنترك للأفرقاء اخذ رأيهم، وكل البدائل دارسينا وعارضينا
• هيدا القانون مراعى متطلبات الجميع بعدما تسمعنا على هواجس الكل..
• القانون الإنتخابي شو ما يكون صيغتو بحاجة لإصلاحات،
  1) نقل مقاعد: بتنقيص مقاعد،
  2) الإنتشار: يمكن تخصيص لهم 6 مقاعد،
  3) المرأة: والزامية تشكّل اللوائح من الجنسين
  4) الورقة المطبعية: تحدّ كثيراً من المال السياسي والإنتخابي
  5) بنود متعلقة حول الرقابة المالية والإعلامية
• نحن بانتظار أجوبة نهائية يوم الأربعاء، وفي افرقاء اعطونا اجوبة
• ما بدنا بقلب الغرف يللي عم نناقش فيها، كل واحد عم يطلّ‘ ع طايفتو ومنطلع برا نقول: لاق عم تعملو قانون طائفي،
  بدنا نوقف مهزلة الحديثين، جوا شي وبرا شي..
  نروح ع الأرثوذكسي منعرف كل واحد شو بيطلعلو
  نأمل ان تكون الأجوبة ايجابية، وإذا كانت سلبية للأسف رح نكون قدام مرحلة مؤسف ندخل لإلها، واللبنانيين يللي عم يطالبو معنا بانتخابات يتفضلو يواكبونا
• بالآخر بدنا نقول مش للإشتراكي للجميع، لتيارالمستقبل ولأمل وحزب الله،
  بالآخر كل واحد بدو يقبل انو يخسر شي،
  لما في ناس بدها تستعيد حقوقا بالتمثيل، يعني في ناس بدها تخسر شي
• عم تقضي ساعات تنفهم كل واحد شو بدو، وعم تنرفض قوانين على مقعد واحد.. نحنا عم نخسر 10 – 14 مقعد وعم نقبل،
  إذا مش قادرين نعرف انو أخطأنا ضدّ بعضنا، كل هالسنين، وغيبنا تمثيل الناس كل هالسنين، مش قادرين نعمل خطوة جزئية بتصحيح التمثيل، ما بتستاهل الميثاقية!
• نحنا مستنفرين كلنا سوا، مع تدوير أي مسألة، ولكن ضمن معيار واحد
  اللي بدو يرفض القانون بدو يقلنا ليه، لنعالج ؟؟

المصدر: Agoraleaks.com