Agoraleaks Agoraleaks
– نحنا كقوات بلشت حملتنا
مقتطف من حديث رئيس القوات اللبنانية سمير جعجع وإعلان ترشيح “فادي سعد” عن مقعد البترون النيابي:
- بلشنا طبعاً نظّم أوضاعنا الإنتخابية، الإستاذ أنطوان زهرا من 3 سنين أبدى رغبة بعدم الترشّح مرة جديدي،
لمجموعة أسباب، وحدي من الأسباب انو نترك المجال لشباب جداد يجو،
وفي بعض الأسباب الأخرى كمان - من 4 أشهر شفنا انو واصلين على انتخابات نيابية، وحكيت مع رفيقنا طوني، وأصرّ ع موقفو
- بلشت الآلية الحزبية الموجودي بالنظام الداخلي اختيار مرشّح جديد لالنا بمنطقة البترون
- ما كنت احضر اجتماع لمنطقة البترون او لغير منطقة البترون، الاّ ما حدا يقلي، حكيم ما بدنا نعرف مرشحنا تنبلش نشتغلو،
بدأنا مشوف مين عندو رغبة، مين حابب يترشح، كيف وضع المنطقة، شو حسابات المنطقة - دعيت الأمانة العامة لاستشارات رسمية، وصارت من شي اسبوعين،
حملت انا شخصياً نتايج الإستشارات الحزبية، وطلعت فيا على الهيئة التنفيذية،
صار مناقشة طويلة بالعمق وطلع انو الرأي بأكترية ساحقة بالهيئة التنفيذية بنفس اتجاه يللي بينتو الإستشارات،
بوقت هيدي الإستشارات الحزبية اسما استشارات غير ملزمة، لأنو الهيئة التنفيذية بدها ترجع تبحث بالوضع ككلّ، بدها تشوف نتيجة الإستشارات بتتلاءم..
- بعد كل الإستشارات اخدت الهيئة التنفيذية في القوات قرارا النهائي بترشيح الدكتور فادي سعد لأحد مقاعد النيابية بالبترون
- اللي بدي قولو، من هاللحظة بدكم تعتبرو حالكم انو بلشت الحملة الانتخابية بمنطقة البترون،
هلق انتهى دورنا كقيادة حزبية، واجا دوركم - بدي اطلب من كل المكنات الانتخابية بكل مناطق لبنان تعتبر انو نحنا كقوات بلشت حملتنا تحضيراً للإنتخابات النيابية يللي بدا تحصل بهل كم شهر الجايين
رصد Agoraleaks.com
