Agoraleaks Agoraleaks
دقيقة سمط – الراحة بالصراحة (صوت المدى) ..
- فيشي ما بعرف إذا يُعدّ منيح او إذا فيّ احسبو من الحسنات أو السيئات،
مش كتير واضحة براسي الصورة بعد - قبل من شي 10 سنين يمكن كنت بس كون مسافر، ويعرفو الناس اللي اتلاقى فيون انّي من لبنان،
يقولولي Oh Yeah لبنان حرب وقتل وضرب ودمار،
وانا كنت جاوب بعنفوان: لاه يا جماعة هيدي قديمي القصة وخلصت،
ok في شوية مشاكل عَ الخفيف، بس لبنان هوي الجمال والطبيعة الحلوة، والضيافة، والمحبة، وحرية التعبير، وجبران خليل جبران، والرحابنة وصباح، ووديع، ولبنان الشوح والأرز والسنديان والتبولة والكبة النيّة وكاس العرق..
***
- هلق بآخر سفرة سألتني صبية انتا من وين؟
وجاوبتا from Lebanon،
فلزقتني Oh Yeah ذاتا، “اوه ياه” مريم كلينك يللي بفتو فيها “Goal” ورولا يموت يللي مهري شباكا من كترة “الغوال” و Yeah هيفا وهبي، ودومينيك، لبنان الواوا (WaWa) - أنا استحيت بصراحة، وجاوبتا لاه يا إختي، لا يا حبيبتي، أنا من لبنان القتل والضرب الدمار،
عَ الوهلة جاوبت هيك، وانسحبت تكتيكياً من الحوار - هلق بعدان بس بعدت عنّا حلّلت:
ولقيت بشكل من الأشكال بعدو الوضع ذاتو، بالحالتين (أيام الحرب وهلق) في ناس عم يحاولو يهيجو هالشعب،
أو يهيجو ضدّ بعضو، أو يهيجو عَ بعضو،
المهم يبطّل هالشعب يستعمل عقلو ويفكّر..
متل ما كان يقلي جدّي: بيلهو الناس بالتحتاني، تما يعودو يشغلو الفوقاني
ما حدا يزعل لأنو الراحة بالصراحة
رصد Agoraleaks.com
