جويس عزام اوّل امرأة لبنانية لتسلّق القمم السبعة والوصول الى القطبين، وإمضاء “الجنرال” على العلم دفع معنوي كبير (Audio)

  – لا بدّ أن يستجيب القدر… والجبل (آلاء الترشيشي)

لم تهب صعود الجبال، وايمانها بقدراتها أوصلها الى القمم،
هي اللبنانية جويس عزام، التي وضعت هدفاً واضحاً ونحوه بدأت تسير، أو تتسلق..

تقول جويس عزام:

• عم بشتغل انو حقّق انجاز جديد للبنان، وكون أوّل امرأة لبنانية بتسلّق أعلى 7 قمم بالعالم، وبوصل على القطبين الشمالي والجنوبي
• بنك BLC آمن بقدراتي وعطاني كلّ الدعم لكون عم حقّق حلمي

حتى اليوم تسلقّت جويس 4 قمم من أصل 7، تقول:

نوع العواصف بتجي ما بتخليك تقشع قدامك. وبجيب هوا كتير قوي ومسقع.. وتلج

الشهر المُقبل ستتسلّق جويس عزام قمة “كلمنجارو” مجدداً ولكن هذه المرّة برفقة 3 فتيات لبنانيات، تتراوح أعمارهنّ بين 13 و 15 عاماً، لتكون خير مثل لهنّ، ولغيرهنّ من اللبنانيات، وفي أيار تُكمل نحو القمة الخامسة.. وهي من جبال لبنان بدأت، والى قمم العالم وصلتْ،

تضيف عزام:

• رح اتسلٌّق خامس قمّة يللي هيّي “دينالي” وبتعتبر اعلى قمّة بأميركا الشمالية (الولايات المتحدة الأميركية)
• عنا طبيعة بتخلينا نمارس هالنوع من الرياضيات، ونتمرّن
• اكيد اللي حبّبني امشي اكتر بالجبال اللبنانية، هوي من خلال المسابقات اللي كان ينظما العميد شامل روكز،
  لأنو بس يكون عندك هدف، وسبق ب 48 كلم بالجبل، بدّك تتمرن، وما في الشخص يتمرّن بالساحل،
  بدّك تتمرن بالجبل

انجاز لبناني ستصنعه امرأة لبنانية، حملت علم الوطن ورفعته عالياً، تقول:

• العلم اللبناني كتير مميّز بالنسبة لإلي ولقلبي، لأنو فخامة الرئيس الجمهورية ميشال عون ماضيلي عليه
• وهوي من الأشخاص بس عرف عن هيدا المشروع كان من الداعمين الأوائل
• هيدي المضية عزيزة عَ قلبي وبتعطيني دفع معنوي عالي جدا

جويس عزام ترجمت قصيدة أبي قاسم الشابي مؤكدة، أن الطموح لهيب الحياة وروح الظفر، وإذا طمحت للحياة النفوس فلا بدّ أن يستجيب القدر أو الجبل…

المصدر: OTV
رصد Agoraleaks.com