زياد أسود: لازم يعلم الكلّ انّو فهمانين اللعبة منيح.. شيلو الآلة الحاسبة (Audio)

دارين دعبوس – مع اخفاق كل صيغة يُقدّمها التيار، يزداد تصميمه

على تقديم مزيداً من الإقتراحات والصيغ الانتخابية للوصول في النهاية الى قانون انتخابي عادل.

• مولود انتخابي ثالث سيُبصر النور قريباً والاّ فالأرثوضكسي الحاضر الأول والأخير.

يقول النائب زياد اسود:

• نحنا رح نضل نقدّم قوانين، رح يكون فيشي قريب من المختلط، ما بين النسبي والمختلط،
  ومع قواعد جديدة بالتقسيم الجغرافي
• علناً ومش مستحيين، متل ما بلشنا رح نخلص،
  بلشنا بقانون الأرثوذكسي، رُفض لأسباب، رح ننتهي بقانون اللقاء الأرثوذكسي لأنو لازم يعلم الجميع انو فهمانين اللعبة تمام
• نحنا فهمانين تماماً انو بدن يضربو العهد الذي اسمو عهد الرئيس عون

هل العودة الى القانون الأرثوذكسي تهويل؟ يقول أسود:

• لاق منو تهويل، القوانين اللي عم تنطرح من قبلنا جدية،
  وكل الرفض منو جدّي

رئيس الجمهورية المتمسك بلا للتمديد، ولا للستين، يسعى احداث خرق في مشهد الجمود الإنتخابي، وسلاحه هذه المرة الدعوة الى الحوار في قصر بعبدا، يضيف أسود:

• الحوار امر اصبح على نار حامية
• فخامة الرئيس من موقعو كحكم وليس كطرف رح يكون عراب الحوار،
  ولكن لازم يدركو كل المتحاورين انو نقل المشكل من مكان الى مكان منا لعبة ذكية
• لو دعينا للحوار بدو يكون حوار عملي،
  مش حوار لكل واحد يعمل تصريح بدل ما يعملو على الكاميرا بيعملو على الطاولة
• المناقشة بالإشكاليات ووضع جدول لتصحيح الخلل،
  بوجود الرئيس عون بالحوار تختلف الأمور عن وجود الرئيس سليمان،
  معنا وقت من هلق لنيسان حتى انو يكون في خطوات يعملا فخامة الرئيس،
  اللي بدو ياخود على التيار الوطني الحرّ احتساب الجملة والمفرّق يشيل الآلة الحاسبة من ايدو

العودة الى طاولة الحوار لإنتاج قانون انتخابي احد ابرز الخيارات التي سيعتمدها العهد، إضافة الى امكان توجيه رسالة الى مجلس النواب يحثّه فيها على تحمّل مسؤولياته الدستورية..

رصد Agoraleaks.com