Agoraleaks Agoraleaks
مقتطف من حديث النائب جورج عدوان ضمن برنامج “وجهاً لوجه” على قناة “تلفزيون لبنان” مع الإعلامية روزانا بو منصف:
- قانون الإنتخاب شأن لبناني، انما هذا الشأن اللبناني يتوقف على طبقة سياسية،
في من ميل طوائف ومذاهب، ومن ميل اقطاعات، وفي طبقة سياسية ملقطة بكل هالأمور، وما بدهها التغيير
ورداً على سؤال، عن إمكانية إبقاء الوضع على حاله، قال عدوان:
- ما رح تبقا، يللي خايف يخسر الجزء رح يخسر الكلّ،
لأنو عنجدّ رايحين للخراب - اليوم في تكوين أول سلطة فعلية بعد الطائف، لأنو للي صار من التسعين لليوم هيي زعبرة أدّت الى اقصاء المسيحيين عن تطبيق اتفاق الطائف
- اذا البعض معتقد انو الطائف ممكن يستمر، أنا عم قلو انو رح تكتشف انو انتا غلطان،
ورح تكتشف انو عم تاخود البلد عَ محل، ما حدا بيعرف منا لوين؟
لَ نحنا ولا يللي عم ياخدو. هالقد خطورة الموضوع - الطائف نُفّذ على حساب المسيحيين، انما يللي عم نطالبو بقانون الإنتخاب لا يتعلق بالمسيحيين فقط،
أول شي ما عم نطالب نستعيد حقوقنا على حساب حقوق غيرنا، مش جايين نستعيد حقوقنا وبدنا ناخود من حقوقكم
يللي عم يجي ناخدلو من حقوقو يوقف يقول انتو بالقانون اللي عم تقترحو عم تاخدو من حقي،
الاّ إذا معتبر انو اللي اخدو بالطائف السوري صار حقو، وصار حقّو بالممارسة - مش بس المسيحيين هالقانون حاططن برات الدولة،
هالقانون حاطط برات الدولة 30-35% من كل الطوائف، مش عم ننكر المشكلة المسيحية بالتمثيل، بس في مشكلة بقية الناس، وينن بقية الناس بالقانون، بدن ياهم ما يكونو - انا بتمنى على الكلّ يعرفو انو بالبلد، ما حدا في يلغي الآخر ولا يربح على الآخر،
هيدا البلد فينا ننقذو بحالة وحدي، انو نقرّب على المساحة المشتركة، وحتى ننقذو بدّو دولة،
والدولة حتى تقوم بدها قانون انتخاب، وبدها محاسبة، لأنو الخطرين اللي على البلد مش بس خطر خارجي
رصد Agoraleaks.com
