Agoraleaks Agoraleaks
– يعطي العافية وزير الداخلية عمل واجباتو، اللي عند أهلو عَ مهلو، بس انتهى قانون الستين
مقتطف من حديث رئيس مجلس النواب الأسبق ايلي الفرزلي لقناة الـ”OTV”:
رداً على سؤال مطالبة منظمات المجتمع المدني ان تحصل الانتخابات بوقتا، وتستند بكلامها على مطالعة المجلس الدستوري، وتقول لا سبب لتأجيل الانتخابات بحجة القانون غير عادل. يقول الفرزلي:
- أيا مجلس دستوري، مين بيقدر يرفع صوتو بالمجلس الدستوري،
مجلس دستوري غير شرعي،
مجلس دستوري مدّد لنفسو.. - هيدي مؤسسات المجتمع المدني ما بتجي غير غبّ الطلب،
في سفارات بتحركا لتبرّر Elections Now، متل ما صار سنة 2005، اليوم بدها تبرّر قانون الستين، - مؤسسات المجتمع المدني غبّ الطلب..
يدورو عشي غير معنا، تحركت وقت رئاسة الجمهورية،
بيجي التلفون، تحركو خلقو أجواء ضاغطة، هيدي ما بتنفع معنا،
ما بتنفع ما في نوت، وبقلن لمشغليها شو بدكم ما تتعبو وما تصرفو مصاري - المجلس الدستوري اجا مدّد لحالو بنصف أعضائو دون وجه حق، مخالفة دستورية وقانونية صارخة،
أنا بعد بحسبلو حساب، مع احترامي لأعضائو على المستوى الشخصي،
انا بتربطني صداقات بكيتهم إذا مش بمعظمهم، المؤسسة صارت غير دستورية وقانونية، تفل عَ بيتا.. - المؤتمن الوحيد اليوم عَ الدستور بالبلد، هوي رئيس الجمهورية، ولن يوقع على الدعوة على قانون الستين،
- وزير الداخلية نهاد المشنوق الله يعطي العافية عمل واجباتو، يعملا عَ مهلو، اللي عند أهلو على مهلو،
بس لا انتخابات على أساس الستين
