بيار عطالله: سياسة ترامب كما وصفها وليد فارس امنيات ولبنان ليست أولوية لأميركا (Audio)

 مقتطف من حديث الإعلامي بيار عطالله لقناة الـ”OTV” ضمن برنامج “حوار اليوم”:

رداً على الكلام المنشور في صحيفة النهار يوم الخميس، نقلاً عن مستشاره وليد فارس وقول الرئيس الأميركي ترامب، انه مستعد لمساعدة لبنان من الوصاية الإيرانية.. إذا توافرت إرادة لبنانية للطلب بذلك.. يردّ عطالله:

***

– هذا الكلام مشروع مشكل بالبلد، ومشروع فتنة،
كلنا منعرف في دور ايراني بلبنان، متل ما في دور سعودي، ودور سوري

الواحد بدو يفكّر فيها بهدوء واعصاب باردة، لأنو الأمور ما بتنحل بالشكل هيدا

***

– اليوم بالوضع اللبناني الأمور متشابكة ومتداخلة، وحتى بالوضع السوري، وبأي وضع دولة بالعالم وخصوصاً بالمناطق اللي فيها توترات سياسية ومذهبية وطائفية واجتماعية ما بتقدر تفصلا عن بعضا بهالشكل متل ما يتفضل الإستاذ وليد فارس

***

– دونالد ترامب عندو مشاكل ما يكفيه تيجي ع لبنان ويزيد مشاكلنا
– يخلص مشكلة العراق ومن داعش، ومن المشكلة السوريي قبل ما يجو يفتحولنا بواب مغلقا بلبنان

– كل اللبنانيي متفقين انو بالبلد بتنحلّ فيه الأمور بالتفاهم والرواق والحوار، متل ما عم نشوف بقانون الإنتخاب

***

– لبنان بآخر سلّم أولويات الإدارة الأميركية