Agoraleaks Agoraleaks
حرية الإعلام خط احمر وحرية التظاهر خط احمر، والإثنين ما فيهن يعملو اللي بدن ياه هناك ضوابط
مقتطف من حديث النائب الان عون لقناة “الجديد”:
بداية شكرت الإعلامية نانسي السبع تكتل التغيير والإصلاح، ورئيس الجمهورية العماد ميشال عون، الذي فور وصوله تمّ ضبضبة المعتدين على قناة “الجديد”..
ومما قاله النائب الان عون:
- كل ما علاقة له بالأمس مستنكر،
لأنو لا يجوز أن يعبّر أي انسان عن أي احتجاج أو اعتراض بطريقة عنفية،
واذا تطور هالشي الى طريقة عنفية، عملياً بيسقط الحجّة اللي كان عم يطالب فيها، ويحتجّ عليا - على كل حال، بعتقد انو حركة امل أصدرت بيان وبرئت حالها من هالشي،
هيدا الموضوع لازم ياخود مسارو بالقضاء - نحنا اليوم بلبنان، ببلد بسرعة كتير الأمور فيها تدهور،
وبسرعة كتير المشاعر بمجتمعات شرقية اقوى بكتير من المنطق والعقل،
بدنا نضل حاطين ضوابط لعلاقاتنا مع بعضنا - بعتقد بعلاقاتنا مع بعض لازم يضل في خطوط حمر،
أولاً حرية الإعلام خط احمر، إمّا بذات الوقت ما لازم تسمح لأي إساءة لحدن
وحق التظاهر كمان خط احمر، وبذات الوقت ما لازم يكون في أي اعتداء على أي شخص - لازم نحط الضوابط بين بعض كسياسيين وكاعلاميين،
السياسة ما في ضمن النفوذ اللي عندو ياه، يقدر يعمل شو ما بدو بالبلد،
وبذات الوقت وسائل الإعلام ضمن الحرية اللي عندن ياها، كمانا ما فيون يعملو اللي بدن ياه - لا تبرير ولا بأيّ شكل من الأشكال ولا بأيّ أسباب تخفيفة الى كل العنف اللي صار ولا الى كل الإعتداءات اللي صارت
