Agoraleaks Agoraleaks
– ليه الله ما ييغفر لإبليس خطيتو؟؟؟
مقتطف من عظة الراهب المريمي مروان خوري عن العصر المريمي:
- هيدا العصر بسموه بامتياز عصر مريمي،
لأنو إذا منقرا تدخل مريم بتاريخ القرن الأخير، منشوفو فعلاً تاريخ بخصّ مريم - هالصرخة اللي صرخلا ياها ابنا على الصليب،
قلها يا امرأة، بتهتمي هيدا ابنك،
يوحنا تحت الصليب ما كان يوحنا، كان بمثلني وبمثلكم..
وقت اللي سلمّا يوحنا فهمت انو نحنا ولادا
- من هيداك النهار أخدت قرار، متل ما ربّت يسوع تربيّنا،
هيدا سرّ طهر مريم،
بتولية مريم، بقيت تتقدر تكون امّ الكلّ… امومتا شاملة
وحتى نصير عن حق وحقيقة كلنا ندعيها امنا.. - اذا بعد اليوم في شمس بتطلع، وفي حياة قادرين نعيشا، هوي بفضل تدخل مريم..
لولاها لكانت قوة الشر بالعالم زالت ألعالم من الوجود.. - فضل مريم كبير علينا، وما زالت عم تدخل علينا نسمعلا
- بظهوراتا بمديوغوريه،
عم تطلب بنداءاتا أمر مهم، عم تطلب من البشر، 5 أشيا
- ما بخلّص العالم، لا الدبابة لا راجمة الصواريخ، ولا معاهدات السلام اللي بتعملا الدول،
ولا السياسة ولا الدبلوماسية.. ولا كلشي عم ينتجو البشر
السلام عطية من إبني يسوع،
طالما الإنسان مخانق الله، ما رح يعرف ع الآرض السلام
وما بيرجع السلام على الأرض الاّ مايرجع الصلح بين الإنسان و الله - الله منو مخانقني… بس انا مخانقو
الله ولا مرة زعل منّي.. ولا مرة لغاني… - هيّن الخلاص بس بدو ايمان،
بس نسمع كلمات العدرا، مُخنا بيستخّف فيهن، انو معقول!!
إذا بقدّس وبعترف، وبصلي المسبحة، وبقرا بالإنجيل، وبصوم..
هودي الخمس اشيا بخلصو العالم!!!
بتعرفو الجنرال “فوش”، بس خلصت الحرب العالمية، وقف بفرنسا رفع المسبحة بيمينو ورفع الفرد بشمالو،
- بقلن لشعبو، اللي وقف الحرب مش الفرد، هيدي المسبحة
- العدرا اليوم بنداءاتا بمديوغورية، بتقول:
الإعتراف بدمّر إبليس؟
سألوها للعدرا، ليه الله ما بيغفر للشيطان، بتعرفو شو جاوبت؟
لأنو ما بيعترف، وما بقرّ انو خاطئ - تصورو قدامي مريض وأنا حكيم، وعارف شوبو، وعندي حلّ لمصيبتو،
وما بدو يصحّ.. ما فيّي صححو بالقوة
ما توقفو تعترفو.. - العدرا بتقول الإعتراف مش بس لأنك خاطئ،
لأنو حبك بحاجة يتجدّد،
تيصير حبك حب بيشبه يسوع،
متل الأم كل يوم بتوعا وبتنضّف البيت،
مش لأنو بيتا مجوي، بس تّ يضلّ بيتا نضيف - فوت عَ بيتك الداخلي، وجرّب انو كل شهر قطاع عَ كرسي الإعتراف
ونضّف حالك،
- ما بتتصورو بس تعترفو قديش ابليس بيبعد عن حياتكم، لأنك عم تصربو بطبيعتو
هوي لا يعترف، وانتا بس تعترف عم تضربو بطبيعتو… - بتطلب العدرا نفتح قلبنا لالها.. وبتقول إذا ما بتفتحو قلبكم، ما بقدر اعمل شي
- سألوها مرّة لماريا، قالولا شو بتحسي بس تشوفي العدرا،
رح تتفاجأوا شو جاوبت،
قالتلن أنا بحسّ أنا ملكة، والعدرا عايزتني،
تأملو امّ الله، عايزتنا.. من دون حريتنا الله ما بيقدر يعمل شي من مشروعو
- مصيبة الله والعدرا عم تصطدم بقلوب مسكرّة
الإنسان يللي دايماً بينتقد، وبيطلق احكام عَ الآخر، ودايماً بقول أنو هوي ضحية الغير ،
هيدا انسان ما بيقدر يعمل الله معو شي - إذا قلب قاسي، رح تحكي بالقساوة، تبع قلبك..
إذا قلب مسكّر، ما رح تحسّ بألم الآخر حدّك،
رح دايماً تحسّ شو بدو قلبك، - يا ما في ناس بروحو معي على مديوغوريه، وبيرجعو وبقولولي، لا حسيت بشي ولا شفت،
ويا ما في ناس بروحو معو، وبقضوها كل الأسبوع،
أبونا شفت هالغيمة.. بصورلي ياها، شفت العدرا فيا،
يا خييّ طوّل بالك، حاش تنبّش على العدرا فوق بالغيم..
فوت لجوااا.. العدرا بدها تشتغل فيك من جواا
بقضيها هربان، اعتراف ما بيعترف، وبس طالع عم ينبّش عَ علامة تيرجع يقول، أنا شفت العدرا
- والعدرا عم تحكي كل يوم.. فتاح قلبك؟؟
- أوقات بكون بزيارة.. وأحاديث عادية، فتحنا سيرة العدرا.. من كلمة لكلمة، صرنا عم نعرّف أهالي زحلة
سألوني وكم سؤال.. وبلشو يكرّو، وهيدا الـ20 سنة مش معترف،
وهيدا ال 25 سنة مش معترف.. - رجعو بعد هالقعدة، مجموعة وراحو 45 شخص على مديوغوريه..
ابسط الأمور العدرا بتحكينا
لو العدرا قالت لاق للملاك ما كان تمّ الخلاص.. - حرية العدرا سهّلت مرور الرب، وامانتها ومن انفتاح قلبا.. عبر يسوع من خلال مريم،
وتمّ الخلاص
العدرا عم تخرق العالم… الطبي
- راحت معي هيديك المرّة حكيمة بنج..
بآخرالأسبوع بمديوغوريه بتقلي.. أخدت قرار كتير مهم بحياتي..
قلتلا خير..
قالتلي: أنا وعدت العدرا وتبكي…
وعدتا ما بقا فوت عَ عملية ما الها عازة..
قلتلا نعم!! ما فهمت عليا،
قالتلي: ايه.. انا حكيمة بنج، تلات رباع (3/4) العمليات يللي بيعملوهم الحكما بيعملوهن بس تَ يقبضو من التأمين، وما الهن لزوم،
وفيهن يستغنو عنن..
أنا سمعت الخبرية، ماي مسقعة نزلت عليّ…
شو هالملحمة بقلب المستشفى؟؟؟
قالتلي: أوقات كتير بفوت مضطرّة بنجهم، وعارفي،
بس مغلوب على أمري، مني قادرة…
نقلت لاق، بيشحطوني من المستشفى، ب بنج المريض، بيفتحو للزلمي، وبيسمعو غنيتين.. وبيرجعو يقطبو، وبفوترووو - شو اللي حسيتو أنا قدام هالعادة؟؟
حسيت انو العدرا عم تخرق جهاز الطب، تَ ترجع تصلحو من خلال اشخاص سلموها حريتهم..
