Agoraleaks Agoraleaks
ما تنسا تشوف الخلاصة
أخبار اللبنانيين العفوية أفضل من 1000 تقرير إخباري موجّه، اليكم ما دونتّه الناشطة السياسية “جويل موسى” عبر صفحتها الخاصة، وهي عائدة من قضاء عكار:
انا وراجعة من عكار وقفت وسألت الشب اللي ناطر هالغالونات… قديش الغالون؟
قلي ٢٢٥ الف … بفضيلك البنزين وبيضل الغالون معي واذا بدك الغالون كمان… حقو ٣٠٠٠ ليرة.
قلتلو هيدا بنزين مزبوط؟
قلي ايه والله العظيم جايبنهن من بيروت…
سألتو كيف عم تجيبُن من بيروت؟
قلي بعبي السيارة وبرجع بفيضي البنزين بالغالونات..!!
قلتلو والله بتطلع منيح بالهتجرة…
قلي انا ما خصني بشتغل عند صاحب هيدي السيارة (مرسيدس ٢٨٠ ) بطلع ٨٠ الف بالنهار مش احسن ما روح اسرق؟
الخلاصة:
١- عكار ما فيها ولا محطة بنزين فاتحة لأنو ولا صهريج عم يقدر يوصل او حتى عم يسترجي يقطع لأنو “المحتجين” عم يصادروهن..
٢- الطوابير ببيروت (من شكا، مرورا بعمشيت وجييل…) فيها نسبة كبيرة من اصحاب المرسيدس ٢٨٠ 😉
وعلى فكرة… بالجنوب في نفس المشهد بس هونيك صرافين 💱💱
