بالفيديو – زياد اسود يوقف الكذب: بدن يقفزو فوق المناصفة عبو الدولة مياومين.. وبري ذكرني بِ”بوجي” بيحكي شي وبيعمل شي 😕

– أسود يكشف كذبة البروباغاندا: أي مواطن لو نجح بمجلس الخدمة المدنية بالقانون الدولة حقا ما توظفو 😉

***

مقتطف من حديث النائب في تكتّل لبنان القوي زياد أسود، لقناة الـ”otv”، ضمن برنامج “حوار اليوم” الجزء 2: (31 تموز 2019)

(1) تصحيح 👈
– حتى لو قدّم المواطن فحص عَ مجلس الخدمة المدنية بالقانون ما تكرّس الو الدخول إذا الدولة ما عِملِت خيار تاخدو 😉 وعلى مدى سنوات هيدي التجربة قائمة ماشية 👍
– بعد مرور سنتين ما فيُن يخلقو بقانون الموازنة قانون جانبي يخرق القانون 😉

(2) المناصفة 👈
– لأنن بدُن يقفزو الستة وستة مكرّر، وما بدُن يجيبو سيرتو.. شو عملو ❓ تركو ملاك الدولة يفرغ.. وعبّو الدولة بِ:
* مياومين
* متعاقدين
* خدمة
* اجراء..
في 270 الف موظف، اللي بالملام 40 ألف.. والباقي مدحوش دحش.. في بالقليلي 100 ألف موظّف مش بحاجة منُن، وفي منُن ما بيحضرو.. 😕
– يعني الدولة بالنسبة للموظفين في العدد الكافي بس مش موزّع مزبوط 😉
– فكرة المياومين هدفها يهربو من التوزيع الطائفي الحقيقي، حتى ما تنكشف نواياهم والأعداد 😔
– إحصاء المعلومات للدولية عن عدد المسيحيين، مش هوي اللي بخليهُن يفوتو عَ الإدارة، هيدي حجّة لتبرير يللي عَم نِعملو بالإدارة من 30 سنة، وعم نغرقا بأعداد هائلة من طوائف من لون واحد، تحت عنوان ما عندكم العدد.. مبلا عنا العدد.. بس ما في شفافية ولا مصداقية بامتحانات مجلس الخدمة المدنية، وهالشي عم يخلّي المسيحيين برا لأنو في سلوك ميلشياوي داخل الدولة 😎

(3) بري غلطان 😎
– بمعزل اللي صار من غش، بس يقول شطبت 3 مرات، شو يعني..⁉
– بري مش قايِل للشباب: أنا حليتا.. 😉
– بيعرفو كيف اللبنانيين كيف منصوّت بمجلس النواب.. صُدِّق..!! صُدِّق..!! إذا بدك تعدّي يمكن ما يطلع صُدِّق..😉 ما مِنعدّ.. وما منستعمل المكنة الإلكترونية حتى يبيّن العدّ مزبوط.. 😉 بدُن يمَرقو اللي دّو يمَرقو.. 😎
– بري بذكرني بالله يرحمو “سهيل بوجي” يحكو شي بمجلس الوزراء بيطلع المحضر شي تاني 😏 هيدا منو شغل مؤسساتي ولا إحترام للقانون 😎

(الخلاصة)
من هيك صار بعض النواب هني وعَم يتسمعو.. في إنزعاج.. وانا واحد من النواب اللي بيِعتِبِر مجلس النواب ما الو طعمة… 😎 فولكلور وصُدِّق.. 😉

https://youtu.be/7zFLd_T0hIA

(حوار اليوم- otv؛ 31 تموز 2019)