أخبار عاجلة

عَ مدار الساعة


بعد كلام السيّد و(Nicolas Eid) توجّس التوطين يتوسّع ومطالبات بدراسة متأنية لمشروع منح المرأة اللبنانية الجنسية لولادا 😎

– بعد كلام السيّد و(Nicolas Eid) توجّس التوطين يتوسّع ومطالبات بدراسة متأنية لمشروع منح المرأة اللبنانية الجنسية لولادا 😎
– التأني سلامة وبالتسرّع ندامة، كيف إذا كان للتماشي مع قرارات مجلس الأمن !!😉

***

مع تقدّم الهيئة الوطنية لشؤون المرأة مشروع تعديل قانون الجنسية لمنح المرأة اللبنانية حق نقل جنسيتها لأولادها، ومشروع خطة العمل الوطنية لتنفيذ قرار مجلس الأمن 1325، إلى الرئيس سعد الحريري. يتوجّس اللبنانيون خطر التوطين، سيما بعد كلام أمين عام حزب الله السيد نصرالله، ومساعي الأمم المتحدة الى تصفية القضية الفلسطينية، بتوطين الشتات منهم في البلدان المضيفة..

اليكم بعض ما يقول جزء كبير من الشعب اللبناني.. 

  •  Nicolas Eid

    سبع شهور طق حنك تا بالآخر طلع معك إنو يللي عمرو 18 إلا يوم بصير لبناني، و18 ويوم بينعطى green card وبعد 5 سنين إذا سجلو العدلي نضيف بصير لبناني تلقائياً!!!…
    يعني بمعنى آخر اعطيني عقل وحاسبيني… بعد هالتجارب كلا إنو يمكن أكتر من نص اللبنانيي ما عندهن إنتماء وطني!!!
    إنو هلأ جايين تقولو إنو هودي الناس عندن إنتماء وولاء للبنان يمكن أكتر مني ومنك!!!
    ولك يا عمي هودي 90% منهن سوريين وفلسطينيي… يا عمي لوين آخدتينا إنتو وحقوق المرأة تبعك!!!!!؟… إنو هيك بتكون حقوق المرأة اللبنانية إنا تتجوز سوري وفلسطيني وتجي بالآخر تفرض علينا إنو نجنسهن غصب عن الطبيعة!!!
    ما هوي القانون بقول لأ وهيي تجوزت وعارفة القانون كتير منيح… بعدين ما اولادا معهن جنسية سورية وفلسطينية، لشو بدا تعطيهن الجنسية اللبنانية!!!…
    بعد ما تعلمنا من يللي صار بمرسوم التجنيس المشؤوم سنة 1994 يللي جنسلنا 400.000 معظمهم من طائفة وحدة وطلع نصن يا إرهابيين ذبحوا الجيش اللبناني، يا سراقين وحراميي وشحادين ونشالين ومجرمين…
    شو رأيكن بكرا كمان تعملو حملة إنو المرأة فيها تصير خوري وتحتفل بالذبيحة الإلهية كمان!!!… هيدي هيي حقوق المرأة!!!…حقوق المرأة بتبلش بقلب بيتا وطايفتها وحريتها الشخصية وبحقها بالميراث وبحضانة ولادا وبشهادتها بالمحكمة يللي مش معترف فيا، مش بس بإنو تكون أداة للتبذير وبالآخر الدولة اللبنانية بدا تتحمل مسؤوليتهم…
    لو وضعتو إستثناء إنو بيتجنسوا الكل باستثناء الفلسطينيين والسوريين، لأن أصلاً الدستور بقول هيك كرمال حق العودة، كنا مندعيلكن كل يوم تا ألله يوفقك، هيدا مشروع تهجيري الجديد لما تبقى من مسيحيين في لبنان، كلنا رح نكون ضدكن.. ونحنا ما بقينا فيه أصلاً لولا نضال فخامة الرئيس…

  • Toni Moawad
    بلا تخبيص بالشغل… 
  •  Georges Nehme
    ست كلودين، في حقوق أهم للمرأة قبل حق إعطاء الجنسية لولادا. حقها بالميراث والمساواة والحضانة للأطفال. مش أهم من توطين ٧٠٠ ألف لاجئ؟
  •  Mary Ammar
    جنسية ماااااااااا في
  •  Chafic Nahass
    مش عم نجرح حدا ، قبل ما تتجوز ما كانت عارفه انو ما في جنسية ؟ انشاله يكون قديس ، مفي جنسية
  •  Atallah
    لا
  •  Wafa Audi
    لا…. 
  •  Carol Maalouf
    عم تغلطوا كتير
  • Karim Elie Salloum
    Chou 3am bisir bel 3alam kella janit
  •  Raymond Ayoub
    بلا فلسفة بيكون احلى
  •  Kamal Yaghi
    بصفتكم مين عم تعطي جنسيات؟
  •  Elie Abou Assly
    الكلمة النهائية لمجلس النواب وانا بعتقد ما بيقطع
  •  Siham Dagher
    مش معقوله.
  • Salim Sayegh
    شو هالتخبيص معقول فخام الرئيس مش عم يسمع؟؟
  •  Zeinab K. Ammar
    يعني جنسوا كل الموجودين ب لبنان… هيدا هوي قانون 7 اشهر
  •  Pierre Nehme
    لشو هلبرم والف هيدا أسمو جنون مع احترامي لك كنت بتمنى ما تفوتي حالك بهيك موضوع لانو أولا بضر الرئيس  وثانياً بضر العميد وثالثاً بضر التيار نصيحة انسي الموضوع لانو بخسر كتير وبلي تزوجت اجنبي وهي عارفي النتيجة كتير منيح تقبع شوكاً بايدا..
  •  Elias Joseph Choueiry
    هيدي اسما مسخرة
  •  Hassan Sleem
    أيه خطاب عم تحكو تجنيس فلسطيني يللي بقول نحن عملنا لبناني أو نسيتو شو عمل الفلسطيني بشعب لبنان ولبنان اذا نسيتو اسالوو وتذكرو
  •  Antoine B Daher
    هيدا القانون ما لازم يمر . وما فينا نتخبى ورا اصبعنا . لا لجنسية لبنانية ب الجملة . لا جنسية للسوري و الفلسطين و الاردني .
  •  Nemat Barakat
    مش مسموح يتجنس حدا كلهن عندهن دوله أردني وسوري ومصري وفلسطيني.. مش لبنان وجنسيتو للبيع قانون لن يمر الا على جثثنا يا شاطره يلي متزوجة اجنبي كانت عارفه شو جنسية ولادها مش ناقصنا نجنس من هب ودب
  •  Rami Abou Halim
    هيدا اسمه فجور سياسي، الاصرار عا ضرب الديموغرافية 
  •  Hassan Sleem
    عم تغلطوا كتير بلد تدمر من فلسطيني ومن سوري حرام عليكم
  •  Ziad Halaby

    و المرأة المسيحية المتزوجة من فرنسي او بلجيكي او حتى سوري و تعيش مع زوجها و اولادها في لبنان لا يحق لها منح جنستها لاولادها، هؤلاء الاولاد لا يحق لهم العمل او التملك في لبنان. اعطاء المرأة حقها اسوة بالرجل هو عين العقل و عقبال الغاء الطائفية السياسية لنتخلص من كل هالحكي الطائفي و الديموغرافي..

  •  Imad Madi
     … ana bel tayyar w dodd hal tare7 … w ma ra7 nessma7 yemche
  •  Jack Lakkis
    طولي بالك ست كلودين.
  •  Carol Maalouf
    إنتوا قد عدد الزيجات إلّي رح بتم بعد إقرار هيك قانون متخايلين شو رح بصير ؟
  •  Laudy Karam
    بتمنا تفكروي صح …. لا للتوطين ولا لي إعطاء الجنسية
  •  Siham Dagher
    عن أي هواجس عّم تحكي ؟ وهواجس المسيحية بهالقصة ؟
  •  Gma Baabda E Hanna
    وحتى المرأة الفلسطينية ؟؟ والسورية ؟
  •  Riad Elsibai
    ما في جنسية الا للمتفوقين ونقطة علي اول السطر وبلا مزايدات
  •  Hind Rajji
    أبداً ؛ هذا قانون من المستحيل أن يمرّ ؛ هو نوع من التوطين المقنّع…..نحنا لا كندا ولا أميركا ولا السعودية؛ ما عنّا مساحات شاسعة واسعة لنوطّن الناس فيها؛ البلد مش سايع ؛ افهموا يا عالم ؛ رح يبجّ.
  •  Zein Matar
    على اي دراسات قانونية وديموغرافية بانيين مشروعكن وطلبك وحاملينو وماشيين فيه ؟؟؟
    عيب عيب عيب
  •  Rania Dammous
    برافو كلودين ما عنّا ادنى شكّ بإنسانيتك ومبادئك وقيمك اللي عائلتك ترباية ميشال عون والست ناديل يتغنّوا بها.
    بس الهاجس الوحيد انّو الدولة مش قادرة تؤمن الحاجات الاساسية لأبنائها بعددهم اليوم من ضمان وطبابة وتعليم واستشفا وضمان شيخوخة ونهاية خدمة وتأمين
  •  Adnan Agha
    انو ليش ما بتخود جوزا وتروح تاخود هيه الجنسيه بي بلدو مش احسن لا كرامة الرجال والاولاد
  •  Bernard Sader
    طرحك خاطئ سيدتي … لن نكون عنصريين بل واقعيين … القانون اللبناني، كما العديد من القوانين في العديد من بلدان العالم، تعطي الطفل جنسية والده … هذا هو القانون !!!! فالمرأة اللبنانية التي تزوجت غير لبناني هي قد ارتضت على نفسها تطبيق القانون اللبناني ب…See More
  •  Raymond Ayoub
    تركو هالموضوع نايم احسن ما يخرب البلد…. الهيئة مش عارفين شو عم تحكي. خلي رئيس الجمهورية يهتم با لموضوع هيدا قانون ابادة نهائية ببعض مكونات الشعب اللبناني…

وكان وفد من الهيئة الوطنية لشؤون المرأة اللبنانية برئاسة السيدة كلودين عون روكز، زار رئيس مجلس الوزراء سعد الحريري في السراي الحكومي، وقدّم له مشروع القانون الذي يرمي إلى تعديل وإضافة مواد إلى قانون الجنسية اللبنانية لجهة إقرار حق المرأة اللبنانية المقترنة بأجنبي بنقل جنسيتها لأولادها، ومشروع خطة العمل الوطنية لتطبيق قرار مجلس الأمن 1325 حول المرأة والسلام والأمن، واللذين أعدتهما الهيئة بتكليف من رئاسة الحكومة اللبنانية.

وتعتبر الأمم المتحدة أن لبنان، بإعداده مشروع الخطة الوطنية، قد خطا خطوة جدية في مجال الالتزام بتطبيق القرار1325، إنما لهذه الخطوة أن تستكمل بالاعتماد الرسمي وبالتطبيق.

For your advertisements, send your booking order to ads@agoraleaks.com                                                                                             agoraleaks.com . All Rights Reserved ©2017 by AgoraLeaks