بالفيديو – سكارليت حداد: محاربة الفساد للقضاء والاّ دخلنا بالإنتقام السياسي👌 الصراعات الداخلية إنتقلت من المسيحيين للسنة..👆

– بالزمانات كانت كلمة أميركا تصير، اليوم بلا صِغرة لبنان قادر يقلها لاق بمكان ما 💯

***

مقتطف من حديث الكاتبة السياسية والصحفية في “L’ Orient le Jour” لقناة الـ”OTV”، ضمن برنامج “حوار اليوم”: (12 آذار 2019)

(1) الساحة السنية
– في اليوم معركة حقيقية، وهيّي بداخل البيت السنّي وبخارج البيت.. 👌
– إذا منتذكر، الساحة المسيحية كانت هيّي الأكثر تقلبات وصراعات.. اليوم صار كل واحد معروف شو حجمو، ومعروف مطرحو، وما حدا لغي حدا 💯 بالساحة السنية لاق.. بعدا عَم تتكوّن ✔

(2) الفساد
– محاربتو مهمة القضاء ⚖ الجهة السياسية فيها ترفع الغطاء السياسي أو تعطي غطاء، والاّ بصير الفرق بين محاربة الفساد وبين الإنتقام كتير بسيط 💯
– مشكور حزب الله عَم يِعمِل هالشي.. وأكيد وقت هوّي بيَعطي هالإندفاعة، أكيد يعني في جدية أكتر، وساعتها بقية الفرقاء ما فِيُن نحنا بدنا نغطّي الفساد.. والسقف العالي حتى الكل يلحقو 👆
– صحيح عنّا فاسدين، ولكن الفساد هوّي سيستام كلّو سوا بغذّي بعضو..

(3) الإرتباطات
– نص لبنان، بيِسمع للغرب، لو كلُّن بقولو “ما بدنا”.. ونحنا منِعمل مصلحة بلدنا، ما كانو بيِقدرو يِحكو.. 😉
– بضلّ الخارج يلعب عَ التمايزات، والدليل بكل بلد بس يِجي وزير خارجية، بشوف وزير الخارجية، وبس يِجي رئيس الجمهورية بشوف رئيس الجمهورية، وبس يِجي رئيس مجلس النواب بشوف رئيس مجلس النواب.. عنّا وزير الخارجية بدّو يشوفُن كلُّن.. ⁉

ليه.. ⁉
لأنو بيعرفو في تمايزات، وبيلعَبو عليها 💯

(4) مرحلة جديدة
– نحنا بالمنطقة في مرحلة جديدة، وما حدا عَم يفهما مزبوط إنّو ضِعفِت أميركا 😉 بالزمانات كانت أميركا مجرّد تقول كلمة تصير..✔ اليوم ضعفت، وبلا صِغرة بلبنان قادرين نقلها لاق بمكان ما.. 💯

– رغم لقاءات ساترفيلد، وقبلها هيل.. بإجتماعاتن مع قوى 14 آذار… ما رجعت 14 آذار؟؟ حتى فرقاء 14 آذار ما بقا بدُّن يحطّو إيدُن معا بقا.. 😉

https://youtu.be/d1aqmXVAnq4

(حوار اليوم – otv، آذار 2019)