ميشال معوض من مركزية التيار: اتفقنا عَ التفاصيل وقريباً إنضمام قوى أخرى.. (Audio)

– باسيل مرحباً بمعوض: إتفاق لمرحلة ما بعد الإنتخابات.. ولإعادة التوازن بزغرتا

***

مقتطف من حديث رئيس حركة الإستقلال ميشال رينيه معوض، إثر لقائح رئيس التيار الوطني الحر جبران باسيل، بحضور الوزير بيار رفول: (23 آذار 2018)

إتفقنا على التحالف بالدائرة الثالثة بالشمال، وكان مفوض يكون الى جانب الوزير رفول، الصديق جواد بولس، ما قِدِر يكون بداعي السفر.. اللية بيرجَع، وإذا الله راد رح يكون معنا بكرا..

واللقاء كان فرصة حتى نتحدث بتفاصيل تشكيل اللوائح، وبتفاصيل المعركة الإنتخابية..

تفاهمنا عَ كل التفاصيل، وهيدا التحالف إذا الله راد، رح يكون نواة محلية ووطنية لإنضمام قوى أخرى، وبالإيام الجايي بتِتوضّح الصورة بالكامل..

ومما قاله جبران باسيل

رحبنا بضيفنا وبحليفنا الإستاذ ميشال رينيه معوض، وأكيد عم نِعلُن سوا عن تفاهم إنتخابي للمرحلة الجايي ، يللي منتأمّل من خلالو نِعمُل التوازن المطلوب بزغرتا وبكلّ الدائرة الإنتخابية.

• الأهّم بالنسبة النا نحنا، التفاهم السياسي على مرحلة ما بعد الإنتخابات، وهيدا كان أساس التفاهم الإنتخابي، لأنّو عنّا نيّة بهيدا التوازن نكرسّو ونمشي فيه لقدّام، بين التيار الوطني الحرّ وحركة الإستقلال ضمن عمل مشترك بالشمال، وعمل وطني بمشروعنا بناء الدولة.

نتأمل نكون عم نعطي صورة حلوة، عن تيارنا وعن حركة الإستقلال بتعاون انتخابي سياسي ديمقراطي حضاري، ونعطي صورة حلوة للناس وللمستقبل، ومنوعد الناس بالأحسن.

• وكمان هالشي رح يكون وعي ليضمّ ويستوعِب حالة سياسية أوسع على مستوى الدائرة، وعلى مستوى الوطني..