وديع عقل: سنشهّر بأي مدرسة تكب أي تلميذ بسبب القسط.. التعليم رسالة مش ابتزاز للأهل (Audio)

– شاركوا بانتخابات لجان الأهل.. وفي فضايح بمدارس المجانية وشبه المجانية.. (صوت المدى)

***

مقتطف من اتصال مستشار وزارة مكافحة الفساد المحامي وديع عقل لإذاعة صوت المدى: (2 تشرين 2 – 2017)

الزودات بالمدارس الخاصة

• في طرح عم يتقدّمو فيه المدارس، عم يقولو انو خلّي الدولة اللبنانية تتحمل نفقات الزودة الممكن تصير على الأهالي، تيدفعو للأساتذة
• هون لازم ننبّه المواطنين اللبنانيين، الكلام انو الدولة لازم تتحمّل.. (الدولة معناتا المواطن) يعني بالمتل اللبناني عم “نبرم بأرضنا” وحوالينا… بدل ما نقلن للأهل تعوا دفعو دغري، عم نعمل “برمة” أنو تعو دفعو ضريبة:
  – بالسوبرماكت، أو
  – بتنكة البنزين، او
  – بفاتورة التلفون..
• هيدا الشي مرفوض، وأنا بدعي الأهل ما يمضو، وما يقبلو بالزيادات، المدارس منا بحاجة لزيادات، وأي مدرسة ما بتكشف الموازنة ما حدن يقبل بالزودة
• المدارس عملت زودات بالخمس سنين الماضية على أساس بدها تدفع للأساتذة، وما دفعو..
• في فضايح كتير كبيري بالمدارس، خاصة:
  – بالمدارس شبه المجانية، 
  – المدارس المجانية،
  – مدارس شؤون الاجتماعية 
  هيدا الموضوع يشوبه فساد رهيب
• وزير التربية مروان حمادة ضبط الأمر، بشكل لا بأس به، ولكن ما راح لحل جذري.. بعدن المدارس آخدين الولاد رهاين، وآخدين الأساتذة رهاين… ونعم في مدارس بلبنان قسوطتها 4000 $ و 3500$ الإستاذ عندن الإستاذ بيقبض مليون ليرة.. هيدا الشي مش مقبول..
• الزودات اللي بدها تصير ما بتخلّي المدارس تنهار..
  ما حدا بدّو القطاع الخاص ينهار…
  ولا حدا بدّو الأساتذة ما ياخدو حقوقن..
  والمواطنين اللبنانيين مش قادرين، الوضع الاقتصادي ما بيسمح يصير في إبتزاز للبنانيين.
• ادعو الأهل للصمود، وما حدن بحطلكن ولادكن برّا..
  يسترجو.. وعم احكيها وبقصد، وأعني ما أقوله.

نعيد التحذير

• كبّ أي تلميذ برا لأنو ما دفع القسط.. بدنا نفضح المدارس اللي بتعملا
• التعليم رسالة.. 
  والرسالة ما معناتا انو تهينو الأهل، 
  وتهينو الولاد بالمدارس.
• أدعو الناس للتحرّك بأي اعتصام.. ولازم تكون المشاركة كتير كبيري بالإنتخابات تبع لجان الأهل… في انتخابات بأكتر من 300-400 مدرسة كبيري بلبنان
• لبنان من 50 سنة لورا، المدارس الرسمية كانت هي الأقوى بلبنان. تعززت المدارس الخاصة بمساعدة من الدولة اللبنانية.. وشو صار بالنتيجة، نضربت المدارس الرسمية..
• واليوم صرنا بوضع قطاع المدارس الخاصة بلبنان موضع أزمة وموضع ابتزاز للناس، مش مقبول.. مش هيدي رسالة المسيح، ومش هيدي رسالة الأديان.. 

رصد Agoraleaks.com