وديع عقل يحذّر المدارس من زيادة الأقساط: سنتابع الشكاوى…التربية منّا تجارة لتطليع المصاري، التربية لنربّي جيل جديد (Audio)

– ما بين الرسالة والتجارة: “الضميرُ الحيُّ”…
– معقول أستاذ لبناني بيقبض مليون ليرة.. ومدارس عم تتذاكى وتزيد بمصاريف التغذية!

***

في لبنان ٢٠١٧ “لا مدارس مجانية”،
فنترحم على لبنان البطريرك عريضة ومدارسه “المجانية” في العام ١٩٣٧.
يومها كان لبنان #بلد_الرسالة.

نقلاً عن (Wadih Akl)

***

 

هذا ويلاقي كلام مستشار وزارة مكافحة الفساد المحامي وديع عقل في موضوع غلاء الأقساط لدى المدارس الخاصة، والمسيحية، الإرتياح لدى المواطنين، لأنه ينقل بأمانة معاناتهم، ومما قاله لقناة الـ”OTV”:

– نحن على تواصل مع وزارة التربية ووزير التربية، وبعد عدد من المشاورات، طلب من المدارس، ونطلبها من لجان الأهل، ونذكرهم على الدوام، “ما حدا يدفع أكتر من “ثلث قسط سنة الماضية”..

يقول له الإعلامي جورج ياسمين: ولكنهم بيشحطوه على البيت.. يردّ وديع عقل:

– المدرسة اللي بها تودّي ناس عَ البيت، بدنا نجرصا وننشرا عَ سطوح بيروت. يروقو.

ما حدا يستفزّ الناس. بكفّي، الناس مستوية، ولازم نوقف حدّن.

• مبارح فخامة الرئيس بقول: كنا 400 شخص كلم 2 بالبلد، صفينا 600 شخص بالكلم2 واحد (لبناني وسوري وأجنبي)
• ضاق علينا البلد،
  بدكم يانا نفل!! مش رح نفلّ..
  اللبنانيي مش رح يقلو
• وبموضوع المدارس وصلت شكاوى انو بعض المدارس عم تزيد التكلفة فيما يخصّ “التغذية” مليون و200 الف ليرة. ما تتذاكو عَ الناس.
• ادعو الأهل ليعرفوا، أنّ وزارة التربية معكم، ومكافحة وزارة الفساد معكم ونحنا وراكم،
  في مصلحة بوزارة التربية (مصلحة التعليم الخاص) هونيك في مكتب شكاوى، وموجود ليستقبلكم..
  تفضلو بشكوى حكو عن الموضوع، والمدرسة يللي بدها تخالف بدها تتخاسب
• في تعميم من وزير التربية ممنوع الزيادات على الأقساط..
  وبدنا نهنّي المدارس اللي ما زادت،
  مدرسة الأنطونية بغزير، لم تزد على القسط ولا ليرة

بس عيب، كنت عم اسمع مؤتمر صحفي لمطران بيروت، بقول: ليه بدنا نزيد، كان عنا أستاذ بيقبض مليون، ومضطرين نعطيه مليون و800 الف ليرة.

• معقول أستاذ لبناني بيقبض مليون ليرة!
  في أستاذ بمدرسة القسط فيا 5000$ ومستوى عالي، وبتعطي استا بعلّم فيا مليون ليرة،
  هالمصريات ما بكفوه يجيبو عَ المدرسة
• الزَودات يللي نعملت بكل 5 سنين الماضية، ما زدتولو شي؟؟
  بدنا نحترم الإستاذ،
  وبدنا نحترم ولي الأمر..
  وبدنا نحترم الطلاب.
  وبدنا نحترم إدارات المدارس.

إسرائيل والتعليم

• أهمّ شي التربية والتعليم، إسرائيل لما كانت بحرب 1967، ووقت الفحوصات باكالوريا كانت بمصر، شو عملت؟
  سرقت أسئلة الإمتحانات،
  وحلّت الأجوبة،
  وذاعتن على الراديوهات،
  تيفسدو تلاميذ مصر..

انتبهوا من التربية… منّا مزحة.

التربية منّا تجارة.. مش لتطليع المصاري، التربية لنربّي جيل جديد..

شو عم يتسمعو الجيل الجديد: عم يسمع كل الوقت، انو بزيدو الأقساط، لاق ما بزيدو، أهلي ما معن.. ضربولن معنوياتو ونفسيتو…

رصد Agoraleaks.com