ايلي أسود: موقف الكتائب والقوات مثير جداً بخصوص بشير الجميل، وعبدو الحلو: Uff ما سامي مش تارك ملف ما فاتحو..!! (Audio)

– مطرح ميشال سليمان كنت بعمل رحلة طويلة، تنسّي الناس… ولسعد الحريري: مسوك المستقبل (التفاصيل)

***

مقتطف من حديث نائب رئيس هيئة قدامى ومؤسسي القوات اللبنانية ايلي أسود لقناة الـ”OTV”: (أيلول 14 – 2017)

عن ذكرى بشير

• حلم بشير جميل حلو بالرغم من كلشي مَرَقْ.
  الحلم كان توحيد المسيحيين، ومن ثم توحيد لبنان من خلالن.
  وكان بالنهاية ضدّ التفرقة، قُتل للأسف..
  واليوم منتأمل إنو نقدر نحققو بهيدي الإيام، رغم المصاعب الهائلة اللي عم عم تعترض العهد الحالي.
• بوقتا كان حلم بشير أنو نطلع من:
  – الحرب
  – هالشباب يرجعو يتعلقو بالوطن، ويشتغلو
  – توقف الهجرة
  – ناخود سيادة لبنان بكل معنى الكلمة
• اليوم كل إحتفال بيحصل باسم بشير الجميل وما بكون جامع ما بكون عم ينفذ ارادة بشير، في رفاق لبشير الجميل، متل حكايتي ، وفي مجموعة كبيري، شو هول تبخرو!!!
  لاق هودي موجودين.. وينن؟ لو بشير طيّب، ما بيدعينا!!

• أنا رقمي 4 بالقوات والخصوم كانو آنذاك، حتى ما نقول أعداء، اليوم صارو استقلاليين جدد، وبعلمونا السيادة والإستقلال، وبدنا نسمعلن على الإذاعات، وعَ التلفزيونات… وأنو هنّي وهنّي… وكل هودي كان أغلبن بالخط الآخر، وقت كنت بالجامعة، كانو خصومنا. والبعض قاتل منن ضدنا.
  اجو عَ طريق الصواب، عال. بس ما يركبو عَ ضهرنا.
  انا من الرعيل اللي عاش العملية على الأرض.
  
  وقت كنت منظمة طلاب بالوطنيين الأحرار، عملت 4 آلاف طالب سنة 1977، قلي بشير: لو أنا مطرحك، ما قدرت جمعت 400.
  بلشنا خطوة ورا خطوة، وعشنا كتير أمور، وكنت صارحو، وكنت شديد بأمور عديدة. في أمور كان فينا نتفاداها. بس اليوم في تفرقة بالصف الواحد منا مقبولة.

تسأله الإعلامية ريتا نصور انجيليني: ولكن بعد 25 عاماً، أعيد فتح ملف محاكمة قتلة الرئيس بشير الجميل، وهذاالأمر لم يحصل الاّ بعهد الرئيس عون، يقول:  

• بمعزل عن الخصومة، اللي بدي قولو،
  فوجئت انو الادعاء حملته زوجة بشير الجميل (الرئيسة الأولى) صولانج جميل لوحدا بالأول، ومن ثم حملو نديم الجميل عنا لاحقاً، وما في ادعاء مباشر لا من الكتائب ولا من القوات.
• فوجئت بالتمام، ما كان عندي علم.
  حزبي الكتائب والقوات مش مدعيين؟؟ وهيدا الشي يثير الإستغراب!!

يعلّق الإعلامي عبدو الحلو، ولكن الإستاذ سامي الجميل، عم يفتح كتير ملفات بهالفترة، ما عم يلحق.. 

يضيف ايلي أسود:

• بالنهاية بشير الجميل كان رئيس جمهورية،
  عم يتحاكم متل كأنو شخص عادي، ولو..!!
  فوجئت بموقف الكتائب والقوات وما كان عندي علم فيا..
• ما بعرف ليه عم تصير، بس على كلٍّ، رح يطلع الحكم بشهر 10.

سورية

• سورية 18 مرة مساحة لبنان، 24 مليون نسمة.
  الحرب مبينة وكأنو عم تنتهي، السؤال: نحنا شو بدنا نعمل معا:
  أولاً: في إتفاقيات عديدة، منها الكهربا وغيرو، وعم ينحكا عن إعادة الإعمار.
  ثانياً: يا بدنا نحترم الجغرافيا، هلق إذا بشار الأسد بقي، وبقي لولد الولد. شو منعمل مثلاً؟؟
  ثالثاً: نكون واقعيين، في عنا مليونين نازح سوري، كيف بدنا نشيلن، عملياً؟ بقلولك الأمم المتحدة، الأمم المتحدة ما بالها وكانت عم تدفعلن مصاري….
• ما فينا نضل معلقين، ونزتّ شعارات، وخبريات. خلي أجرينا على الأرض.

عرسال

• صارت بالتحقيق، وواضح في تقصير ما.
  من وقت الرائد بشعلاني، وزهرمان، وسحلن..
• انا برأيي القصة إذا بدنا نفتح التحقيق، مفروض تبلش من سنة 2000، وأحداث الضنية، وقت استشهاد الرائد النداف، يعني شُنّع به، ومروراً بنهر البارد، ما ننساهم (170 من شهداء الجيش، وفي 1000 او اقل شوي من الجرحى) وكمان هيدي بدها تحقيق. إضافة عم يللي ماتو يمين وشمال، وصولاً لعرسال.

يسأل أسود، عن مسدس الرئيس الأسبق ميشال سليمان الموضوع تحت مخديتو، وقوله “لو خسر الجيش، كان قوّص حالو”، يقول:

• هلق هوي حرّ بنفسو،
  ولكن مطرحو، كنت بعمل رحلة طويلة، تنسّي الناس كل شيء حصل معو.
• آن الأوان بلبنان، ينعقد مجلس أعلى لمحاكمة الرؤساء والوزراء، لنقدر نشوف بالزبط من أخطأ ومن أفلح.
• الحريري قال لبعض المقربين منه: هيدا تيار سعد الحريري،
  يا سعد الحريري، مسوك المستقبل.
  لأنو في كم واحد فلتو، وعم يعملولنا مشاكل. ضبطن.

علمتني الحقيقة، ان أكرهها، فما استطعت، خلقنا هيك، ومارسنا هيك، ومنموت هيك.

رصد Agoraleaks.com