Agoraleaks Agoraleaks
– في مسؤول يروح ع سورية وياخود معو كل السوريين المتعاطفين، ما يقوص من بعيد، وعَ الفاضي. وهيك بيستريح لبنان.
عينّة من دعم الشعب لعملية “فجر الجرود” لتحرير السلسلة الشرقية: (نجيبة عكاري – منيارة 19 آب 2017)
- صباح النور والنصر والكرامة. معك نجيبة عماري من منيارة.
مد السما خيمة وعلّي
فوق العسكر اللي خلص لبنان من ألف علّة وعلّة
لك ضراب يا حامي بلادنا أغبيا.. ما بيعرفو غيرالمذلة
لك عميان، لك ما سألو عنك بنهر البارد،
ولا سألو بعبرا كيف فلْ بطلن هيك الفلّة.
نسو انو لبسو تنورة. وهربو مع نسوة من كل ميلة وميلة.
لك خبّط يا جيش لبنان ، ما تخاف
لك خلي مخباطك تقيل، لك لأنو ما النا عنك بديل،
ما تركوك ترتاح. بعدن عم يجربوك أكتر ما المسيح الشيطان بالبرية جربوه.
لك انهزم الشيطان، وانهزمو معو وخجلو من حالن، وصارو باسمك هلق يغنو.
خانوك يا عالي الجبين. خانوك يا عالي الجبين يا معلم السياسة والجيران، يللي عطيتن درس بحفظ الأوطان.
يا أصحاف النفوذ، يا ولاد الأفاعي، تآمرتو عَ وطن، نبت بأرضو القديسين، وعَ جيش كسرت سواعدو روس المحتلين.
***
- لهالمسؤال كان مسؤول عم يستضيفو. (يمكن بكلام الناس، نسيت)
قديش كان غبي هالمسؤول، قديش كان غبي هالمسؤول عن الشعب اللبناني،
قديش كان قلبو غليظ، حتى ما شعر باستبداد الحكم السوري الجائر، وقت تواجدو بلبنان.
ليش ما تحرك ضميرو؟ (بيعرف حالو) وشعورو؟ لما كان هوي وأمثالو من السعادة والمعالي.
لما كان السوري عم يدمّر، وعم يقتل، وعم يخطف بطرابلس.
ليش ما تحركت نخوتو هالمسؤول؟ ليه ما تحركت نخوتو ونخوة أمثالو؟ لما كان عم ينقلو الجثث من باب التبانة ويحطوها بالمستشفى الإسلامي؟ وممنوع ع ذوين انو يروحو يتعرفو عليون.
الويل لالو والويل لأمثالو، قديش كانو مستفيدين من هؤلاء المجرمين، ع حساب شعبن، وعَ حساب وطنن.
***
- ليش عم يتعجبو هلق من اجرام السوري بسورية. وما بيستغربو كيف وقف هوي وأمثالو عم يتفرجو عَ القصر الجمهوري.
وهوي وعم يضرب بصواريخ الطيران السوري ما يضرب بعبدا.
بعبدا عاد ل الا بطلا.
بعبدا عاد ل الا بطلا. زرغط.
وهيدا المسؤول هوي واللي متلو. يروحو وياخدو معن، كل السوريين اللي متعاطفين معن. ياخدوون عَ سورية. وهونيك يروح يحارب حافظ الأسد، وابنو ونظامو، ونحنا من كون لالو شاكرين كتير.
حاش يقوصو من بعيد، وعَ الفاضي. وهيك منستريح، وبيستريح لبنان من كل هودول المسؤولين، ومن قذارتكن.
وشكراً. ويعيش الجيش اللبناني.
رصد Agoralaks.com
