العميد علي قانصو: داعش انتهى وعسكرنا هوي عم يقلنا، بدي قاتل قبل ما عم نقلو.. ومصير المخطوفين أولوية (Audio)

– لا تنسيق مع حزب الله والجيش السوري، ولماذا اليوم تحرير الجرود، لأن صار في فخامة رئيس وغطا سياسي وقرار من الحكومة (التفاصيل)

 

أعلن مدير التوجيه في الجيش اللبناني العميد علي قانصو، خلال مؤتمر صحفي من وزارة الدفاع، أن الجيش اللبناني بدأ هجومه على تنظيم داعش الإرهابي الساعة 5 فجراً، ومما قاله:

• مهمتنا استعادة الأرض من داعش، حتى الحدود اللبنانية – السورية.
  عناصر داعش مخبايين بمغاور، ومموهين، والقتال معن منو قتال عادي.
  يقدّر عديدن بالاراضي اللبنانية بحوالي 600 ارهابي.
  عندن خبرة عالية بعمليات القنص، وطبيعةالأرض تساعدهم
• نحنا بالمبدأ مبلشين من قبل اليوم بتضييق الطوق على عناصر داعش،
  واستهدفناهم بعدة محلات، وبعتنا أخبار استهدافن للإعلام،
  ما رمو شي على اي بلدة، وعندن صواريخ 105 مم – معن صواريخ مضادة للدروع – عندن صواريخ ل 4 كلم مدى

مصير العسكريين

• نحنا كمفاوضات جدية ورسمية مع “داعش”، بعد ما حدا حكي معنا بالموضوع.

التنسيق مع حزب الله والجيش السوري

• ما في تنسيق بين لا مع حزب الله ولا مع الجيش السوري،
  العملية ما تزامنت، نحنا عمليتنا مبلشة من وقت ما اتخذ القرار بعملية تضييق الطوق، وتحرير المرتفعات اللي عم نقاتل فيا اليوم.
• لقينا نفسنا جاهزين، اخدنا “حقاب خزعل” و “ضهر الخنزير” وبلشت العملية العسكرية بتحديد العماد قائد الجيش
• العملية ما عندا أمد زمني، حسب طبيعة المعركة، شو بصير معنا عَ الأرض، وهني قديش محصنين، وقديش عندن ذخائر محتفظين فيا

الخلايا الأمنية

• في خلايا نايمة، ومديرية المخابرات اوقفت بالإشتراك مع الأجهزة الأمنية عدة خلايا قبل المعركة. وهلق عم ننشط. ولهلق الوضع مضبوط بالداخل

الأولوية للمخطوفين

• نحنا كجيش، موضوع العسكريين المخطوفين هوي أولوية،
  كشف مصيرن هوي أولوية، وبداية اي تفاوض
• الحرب مش مخوفتنا، وفتنا بالمعركة وعارفين حالنا رح نربح،
  ورح نربح 100%
• القضاء عَ داعش هدفنا، ودون مصير معرفة العسكريين ما فيشي ممكن نعالجو

أفق المعركة عند داعش

• بدو ينسحب أو يهرب، هوي ضمن نطاق الإستهداف على الأراضي اللبنانية.
  ضاق الطوق على داعش من سنة 2014.
• لا خوف على اهالي المنطقة، وقبل المعركة بقيت العالم،
  كيف هلق نحنا بوضعية المهاجم. والمنطقة كلنا معنا،والناس كلنا معنا، ولبنان كلو معنا

عن الطعام المؤمن لداعش

• ما الن زمان فالين المخيمات بمدينة الملاهي.
  انتهو مع انتهاء معركة النصرة، كان يستفيدو من المدنيين الموجودين هونيك
• كان في 10 آلاف مدني موجود بالمخيمات، وهودي خارج بقعة سيطرة الجيش.
  وكان الزامي تفوت اطعمة ومواد غذائية

الإستفادة من تحرير حزب الله لتحرير جرد عرسال

• وحدات الجيش انتشرت بمكان تحرير جرود عرسال
  اليوم هيي عم تآزرنا بالمعركة هلق

لماذا تُرك تنظيم داعش منذ عام 2014، وداعش لا تتعاطى مع النصرة ليأخذو طعام!!

• داعش والنصرة كانو حلفا لما هاجمو مراكز الجيش،
  بقيو حلفا، والتنازع بين بعضن، لما ما ينعطو مواد تغذية، بس هني نفس الفكر ونفس العقيدة
• نحنا من سنة 2014، الجيش كان عندو انتشار، وطور انتشارو وحقق تماس مع النصرة ومع داعش وسكرنا كل الجبهة، و عنا عمليات احتلال “التلة الحمرا” سنة 2015
• قصفنا المركز الرئيسي للاتصالات لقيادة داعش سنة 2015،
  كنا عم نقاتل ونستهدفن بشكل يومي. وما كانو مرتاحين
  اجتنا مساعدات مشكورة من الأمركان والبريطانيي، وصرنا جاهزين، وصار في غطاء سياسي، وصار في فخامة رئيس، وفي مجلس وزرا، ونعطينا الغطاء السياسي، والغطاء العسكري، وكلفنا بمهمة تحرير الجرود، وعم نفذهها
• من اصعب المعارك اللي عم يخوضها الجيش، من ناحية الإرهابيين وطبيعة الأرض. 600 ارهابي، يعني 600 انتحاري
• ارادتنا كتير قوية، وعسكرنا هوي عم يقلنا، بدي قاتل قبل ما عم نقلو روح.. أسلحة عنا، وذخيرة ومدافع وطيارات، وعنا الإرادة. والبقعة رح نحتلا، وداعش رح ننهي، وشو منلاقي رح نفرجيكم عليه.

رصد Agoraleaks.com