Agoraleaks Agoraleaks
– المناطق الحدودية منا مناطق بعيدي، هيي سياج الوطن، والسور اللي عم يحمي قلب الوطن
مقتطف من حديث محافظ بعلبك الهرمل بشير خضر:
- منطقة البقاع الشمالي عانت كتير بالمرحلة الماضية من الإرهاب ووجود التكفيريين بالجرود، اليوم الجيش عم يعمل واجباتو عَ أكمل وجه
- أهالي القاع ورأس بعلبك، والهرمل وكل الضيع المحيطة ببعلبك – الهرمل متحمسين للمعركة،
في اجراءات كتير اخدناها بهيدا الصدد، من بعد ما تواصلنا مع جميع البلديات اللي وضعو كل امكانياتن بتصرف الجيش - حماس الأهالي عم نحاول ننظمو، ليكون عم ينحط بالمحل الصحيح،
كتار متحمسين للتبرع بالدم، ولإقامة مطابخ ميدانية. - بدعي جميع اللبنانيين يكونو مشتركين بالمعركة، كل واحد من موقعو.
– البعض يمكن بصلا،
– أو بكلمة،
– وآخرين يمكن بالتبرع بالدم
– او بالدعم المادي للبلديات الداعمة للجيش بموضوع المطابخ الميدانية - معركة الجرود معركة الجميع،
المناطق الحدودية منا مناطق بعيدي، هيي سياج الوطن، والسور اللي عم يحمي قلب الوطن - نحنا مستعدين للمعركة قد ما تطول،
وقد ما تكون سريعة، وبجميع الأحوال… وحساباتنا بتاخود بعين الإعتبار كل الإحتمالات - تم تحضير مستشفيات ميدانية، ومستوصفات ميدانية.. والصليب الأحمر جاهز
رصد Agoraleaks.com
