رامي عن حالة شقيقته رنا يطمئن الأحباء:
- المجد لله،
بحب بقلكن، رنا كل يوم أحسن من يوم،
قطعنا أشواط كتير كبيري، شلنا الـ”tube” وشلنا “الأكسيجين”، وعملنا “IRM”، ونتيجتها كتير منيحة، أحسن بكتير مما متوقينو - في شوية اضرار حاصلة، بسبب انقطاع الأكسيجين،
وهيدا الشي عم يأخر الوعي الدماغي لعند رنا - رنا وعيتْ، وعم تفتّح عيونا،
بتلحقنا بنظرا، بتضحكلنا، عم تبلش تتفاعل معنا…
لكن
- في عنا مشوار كبير بدنا نمشي،
نزلنا رنا، على الكرسي المتحرّك، وشاركت بالقداس الإلهي من بعد الحادثة اللي صارت،
واول مرّة بتتناول القربان المقدس، وهيدا الشي فرح لالنا - بلشت تاكول من تمها.. وشلنا “النربيش” من منخارا،
وحاصرنا الحرارة، وعم نعطيها الأدوية المناسبة، ووعيا عم يتطور نهار ورا نهار.
وعم تتجاوب بالـ”فيزيو”، وحتى تمشي مع سند لالها.. - عم تفرجينا انو هيي بطلة،
وإنو صلواتنا ما عم تروح ضيعان،
وعم تفرجينا قديه عم تعرف تختبر محبة الله بحياتا،
بالصليب اللي عم تحملو، وبالقيامة يللي إن شاء الله نوصلها - أهم شي نصلي، وما نوقّف صلا، ونشكريسوع على محبتو، وعلى ثقتو، وانو اختار رنا بين كل العالمن تتودّي حب الله للعالم كلو.
- منشكرو علىالعزا اللي عم يعطينا ياه..
ونكفي صلا، تتقدّس رنا، ان كان رح تصحّ، أو إن كان تحملشي بجسما، او اي شي، يكون لمجد اسمو - انا بتشكركم كلن سوا، ونضل متحدين بالصلا..
رصد Agoraleaks.com