الأب مجدي علاوي: بتمّنى نعمل خليّة بكل لبنان.. وخليّها تغصّ بقلبي.. عم تحسدو أطفال الشوارع لإهتمامنا فيون! (Audio)

– عن مرأة اغتصبت روحياً ونفسياً وجسدياً وأطفال الشوارع
– عن 3 أطفال نايمين بأوضة مكنة سحب مصاري لبنك بيبلوس.. 

***

عظة للأب مجدي علاوي يدقّ فيها القلوب (يدكّ القشور).. تحضيراً لعيد ميلاد 2017: (ت2)

مع قول المسيح للبعض: الويل لكم، إنّ العشارين والزواني يسبقونكم الى ملكوت الله…

  • قولكم هيدي الآية بتعمل خيبة أمل عنا..
    او بتشجعني انو انا لازم إتغيّر…
    برأيكم بالتكّة الوحدي، قديه الله بيعطينا فرص..

ونحنا

  • ملتهيين بقشور الأرض،
    ومنحبّ بشروط،
    وأنانيين…
  • لما خلقنا، خلقنا عَ صورتو ومثالو.. لمّا تجسّد وصار إنسان كرمالنا، حتى يألهنا.. وقال لكل واحد منّا “انت مشروع قديس”.. حافظنا على هالشي؟؟
  • عطانا وزنات، شو عملنا فيون؟
    نهار الأحد عزمنا للملكوت، وقلنا: تعالوا يا مباركي أبي خذوا الملكوت المعدّ لكم منذ إنشاء العالم.. عيّطلنا، وقلنا تعا خدو الملكوت، تعو خدو الميراث..!! بس كلشي بتعملو مع هؤلاء الصغار، بي فعلتموه…

الأولوية لإلنا، وبدنا كلشي لإلنا.. ايه فضلاتنا اللي بدنا نكبن منعطيُون للفقرا..

  • بذات الوقت بدنا نساعد بشروط
    يللي هني من جنسيتنا
    وبدنا نهاجم ونحط عصي بالدواليب لأبونا مجدي وسعادة السما، ليه عم يهتمو بالمسلم، وبالسوري، وبالجوعان.. لأنو يسوع بانجيل متى فصل 25: كنت جائعاً وكنت عطشاناً.. ومتى يا رب رأيناك؟؟؟

بتعرفو ليه مش رح نشوف…؟

  • لأنو ولا مرة حسينا بالجوع؟
    مناكول بشراهة.. وبيبقا الأكل ومنكبو…
  • ما حدن منّا حسّ بالبرد، لأنو عنا كل وسائل التدفئة..
  • صرنا نغار من الولاد اللي عن نهتمّ فيُون؟؟ 
    أو نحسدن؟؟

الصرخة

إذا بدّي إحكي عن أطفال. يللي امّو هالولد،
حِبْلتْ فيه  باغتصاب… 
إغتصبت جسدياً ونفسياً وروحياً.. 

عذبها.. دمرها.. سبها… بيضربا كل يوم…
وهيي وكل يوم حبلى بالطفل- الجنين عم تتعذب وتنضرب، وعم تنهان..
اكتر الناس على الطرقات مجبورين يقعدو…

من بعد ما ولدتّو ، اخدو هيدا الشخص اللي حِبلتْ منّو… اخد الولد تاني نهار وباعو لحدن حتى يشغلو عَ الطريق…

من هوي وببطن امّو هوي عَ الطريق… ورجع عاش عَ الطريق كل الوقت… وبعد 4 – 5 سنين رجعو نزلو على الطريق..

تعرّض لكلشي:
– تحرش
– إغتصاب
– قتل
– جاع
– بِرِد… وكلشي.. وممنوع يرحع على البيت قبل ما يجيب المطلوب…

  • هودي الولاد حاملين جروحات كتير..
    هودي الولاد أنا عم اتحاكم بالمحاكم.. وعم إطلع بسند إقامة..
    ومضطّر اقعد بمخفر جونية..

ليش؟؟

  • لأنو عم حبّن من دون حدود
    وبحزن احكي… خليّها تغصّ بقلبي… أحسن..
    صلولن وصلولي
  • هودي ولاد قرية “مريم” هودي ملاك حارس لأبونا مجدي وسعادة السما..
    ولاد قرية مريم زاعجين عالم كتير، والمنزعجين عندن نفوذ كبير بالمنطقة..
    بس مش أكبر من يسوع هنّي..

3 أطفال نايمين بالسقعة حدّ مكنة بنك بيبلوس..

  • ساعة أنا بيجيني صورة لَ 3 ولاد نايمين بتبع اللي بيسحبو منّا مصاري بالسقعة (ببنك بيبلوس) أطفال عمرن سنتين و4 سنين، و7 سنين، بجديتا عَ طريق زحلة…
  • بلا ما تحطولي عصي بالدواليب..
    ومن مين أخدت إذن تتفتح بيت جديد؟؟
    ولشو عم تفتح لهودي السوريين.. ولاد الطرقات؟؟
    مش احسن ما يكونو قنبلة مؤقتة، ومجرمين ومدمنين.. هودي الله خلقن تيكونو مشروع قديسين، انو عرفهم عَ يسوعي، وبلا ما يكونو متل شاوول يصيرو متل بولس..

قلوبنا قسيتْ.. ايه

  • نحنا نعبد قيصر
    ونعبد الكرسي
  • بحزن انو قضيتْ سبت، وإتنين، بالمحاكم والمخافر وضيعّت وقت بلا ما كون مع الولاد ومع الناس.. ناطر شو بدّو يقلي القاضي…
  • بس إبعتْ على الفايسبوك شي؟ بقولولي: مينن هودي الولاد؟؟ شو جنسيتن؟ شو كذا؟؟ بكرا بالسما بيبقا يجاوبك يسوع؟؟

حالة طارئة

  • عنا 86 ولد على الطرقات.. من دون بيت
    عنا 47 ختيار وختيارة عَ الطرقات.. 
    بيوتنا فولّت...
  • آخر بيت فتحناه، اليوم عم نتحاكم عليه كيف ما أخدت إذن؟؟
    وليش ما خبرتنا؟؟
  • أنا بس لاقي ولاد عَ الطرقات، وبقول لحدن يقدملي بيت.. أنا بيْ وهيك يسوع بدّو ياني.. بس بسأل انو بتركن تحت الشتي عَ الطرقات؟؟؟

صلاة

  • الصلاه هيي الأساس. صلّولي.. وبدّي ايديكم، تطوعوا.. عندكم وقت.. ما تقولولي ما عندكم وقت.. عنا وقت لكلشي..
  • فيشي اسمو SOS من أقصى الشمال لأقصى الجنوب.
    بس يجينا صورة ختيار أو طفل او ام عم تتعنّف عَ الطرقات..
    كل واحد بمنطقتو ينزل يشوف هيدا لشخص ويهتّم فيه…
    ممنوع يبقا عَ الطريق..
  • بتمّنى نقدر نعمل هالخليّة..
    واللي بدّو يكون هيك، بدّو يكون يسوع بقلبو..

الحصاد كثير امّا الفعلة (مش عم احكي عن الكهنة) فقليلون..

  •  اجمل كلمة ساعة عم يعطونا جائزة نوبل.. مش أد كلمة يسوع “طوبى لكم”
  • طوبى للحزانى
    لأنقياء القلوب
    وطوبى لكل شخص بيقبل كل إضطهاد…
  • بكرا منشوف كل النشاطات والرعايا، والأبرشيات عم تعمل بنهار عيد الميلاد.. تاني نهار خلص…
  • عم نحضّر حالنا لعيد الميلاد،
    عم نشتري زينة ومغارة وتياب..
    يسوع بدّو ياني غيّر بقلبي.. بحواسي.. بعقلي..
    نتحضّر لإستقبال المسيح..
  • إذا بخبركم شو يللي منشوفن.. مش مقبول؟
    علمو ولادكم، تعطو الشي اللي بتحبو.. والفقراء مش مكب “سوكلين” أبداً.. ما بدنا فضلات..

قديه يسوع بحبنا.. بش اطلّعت بيسوع عَ الصليب.. وطلب مني “إغفر لهم…” نطلع بالمصلوب ونخجل، وعم احكي عن حالي وجرّ.. 

رصد Agoraleaks.com