محكمة الشعب 3 – والد الشهيد علي الحاج حسن: والله، تمام سلام راعي معزي أو غنم بالضيعة ما بحطو لأنو بضيّع الغنمات (Audio)

– مستعدّ ضحي بولادي كرمال الوطن، هني (قهوجي – الحريري – سلام) بدّن مصاري..
– بهنّي الحريري لأنو ابن أصل.. وقهوجي ما عندو كرامة ولا شرف ولا تضحية…

الله بلسان الشعب.. كلام والد الشهيد علي يوسف الحاج حسن: (يوم زفّ ابنه عريساً شهيداً في 8 أيلول 2017)

• اللي بيقتل القتيل بيمشي بالجنازة،
  نحنا مش من هالجماعة هيدي.. نحنا ابننا شهيد،
  شهيد الجيش اللبناني، وعندو قيادة جيش، وعندو رئيس جمهورية، وهوديك ما عنا شغل معن، لا من قريب ولا من بعيد.
• نحنا منشكرللشيخ سعد،
  فعلاً ابن أصل.. ورح قلك ليه بالتحديد،
  والله بشكرو من كل قلبي، لأنو فعلاً مخلص للسعودية،
  أخد السعودي وفلْ ، ودشرلنا ولادنا بالجرد… يُشكر ونحنا ممنونينو

• بهني قائد الجيش،
  رح اعملو تمثال بأول شمسطار، تمثال الخيانة، وقلّة الكرامة، وقلة الشرف…
  بدي اعملو التمثال، لجان قهوجي
• جوزيف عون عَ راسنا، هوي خينا، وبطلنا، وهوي اللي حرّر ولادنا.
• بحيي فخامة رئيس الجمهورية بيْ لبنان، وبشكرو من كل قلبي..
• بحيي سماحة الأمين عام السيد نصرالله (الله يطول بعمرو) وعَ كل حال ما فيا نحكي شي بالنسبة للسيد حسن، حمدالله حمي لبنان كلو، وما حدا عاجبو..

يعني شو بدي قلك، ليه ما بتروح عَ مجلس الوزرا، شو بدي روح قلو..

• تركني 3 سنين بالجرود،
  جان قهوجي، ومجلس الوزرا عم يودي سياراتو لعرسال، عم يجيبو “أبو طاقية” وعم يجتمع هوي وياهن بمجلس الوزرا
• شو بدي قلن؟
  ما هودي أنا عايشن 3 سنين،
  أنا بعرسال كنت انتبه، حتى أهل عرسال والله براء منو..

ورداً على قول أنّ كلامه نابع عن حرقة قلب، يقول والد الشهيد يوسف الحاج حسن:

• انتبه أنا عامل عرس لإبني،
  إذا ما كنا عم نوزّع بقلاوة حقكم عليّ.
  لاق مش حرقة قلب أبداً، هيدي حقيقة، ما بدكم الحقيقة اصطفلو، انا ما الي علاقة، بس اللي عندي بدي احكيه
• لعنة الله ع كل واحد شارك بقتل هالمظلومين،
  مين ما يكون،
  بس انا عم بهنيه لسعد الحريري، لما اخدو، واجتمع هوي وياه بجونية، ووعدو برئاسة الجمهورية (جان قهوجي)
  بعد ناقصنا يجي رئيس جمهورية متل هيدا..
• الرئيس تمام سلام، ليلة قدر إجت عليه. وطلع رئيس مجلس وزرا،
  هيدا بيحلم كون رئيس وزرا،
  لا والله، راعي معزي أو غنم بالضيعة ما بحطو.. لأنو بضيّع الغنمات..
  عيب عليون هودي.. عيب ينذكرو بالتاريخ..
  هودي مزبلة التاريخ.
• تجاوبني الدولة عن ابني وينو.. هيدا خرج يعلقولو نجوم،
  هيدا ابن بيت وابن عيلة وابن ناس؟؟
  هيدا عندو كرامة الوطن.. لك الوطن غالي..
  انا ولادي كلن عم يقاتلو بسورية كرمال الوطن.. انا هلق بضحي بولادي كرمال الوطن. هلي يجي يندبحو كرمال الوطن.. مين بدو الوطن؟ بدّن المصاري.. ليك في عنا كم دنوم أرض، منبعلن ياهن، تنعطيهن ياهن. بحبو المصاري..

رصد Agoraleaks.com

https://www.youtube.com/watch?v=J_XVkwmncwo