رئيس التيار: السياسة صعبة بلبنان ونحنا ما منترك الشيعة حتى لو في عقوبات عليي وانا بستبعد هيدا الشي.. وبخصوص المالية نحن ضد تكون لأمل ولنشوف المفاوضات لوين رح توصل..

باسيل: بالإنتخابات رح تشوفو قديه قوي التيار الوطني الحرّ..

لقاء مع جبران باسيل عبر ال zoom

س : اليوم عم نلاحظ في بعض المناطق طبعا مش الكل عم ينحكى عن ان التيار فقد شعبية واسعة بعد 17 تشرين ادي حضرتك مضطلع على هالامر وهل هوي صحيح؟

ج- الكل خسر شعبية بس ما بينخاف على التيار وبعد في عالم جديدة عم تنتسب، وقت الانتخابات بتشوفوا نحن قديش أقوياء
بخصوص القوات والأحزاب يلي عم بتهاجمنا اعلامن اقوى من شعبيتن عم يجيهن الملايين ونحن بشبابنا على التواصل عم نقنع العالم وعلى فكرة هلا بلشنا مشوار الإعلام بالتيار وتظبيطه وفي تركيز قوي عليه والotv رح تكون اقوى من قبل

س : على الصعيد السياسي عم نلاحظ دائما أن حزب الله عم بداري رئيس بري بكل كثير من المحطات اذا ما قلنا كلها هل التيار عم يحرج من هالامر ام انكم متفهمون وضع الحزب في هذا الخصوص؟

ج- كثير في عتب ومش مبسوطين بعدة امور بس في أمور كثير بتجمعنا رح نكفي مشوارنا بالسياسة والعالم كلها بتعرف انه نحن عم نشتغل ولو الكل نكروا هالشي عن حقد او عن كره. السياسة صعبة بلبنان بس نحنا ما منترك الشيعة وهني تحت ضغوطات وحتى لو في عقوبات عليي وانا بستبعد هيدا الشي، ما منغير سياستنا او نترك حليفنا.
وبخصوص المالية نحن ضد انه تكون من حصة الحركة لنشوف المفاوضات لوين رح توصل وقديش مفيدة للاصلاحات وبلا ما نستبق ألامور

س- هل شايف أمل بلبنان وكيف ممكن نقنع المسيحيين بالبقاء في وعدم الهجرة متل ما عم بصير اليوم؟

ج- نحن المسيحية بسبب خيارنا الحر، بكون متسرع ببعض الاحيان ودغري مناخد قرار نهاجر، بس انا وقت يلي كنت وزير خارجية تاكدت انه ما في لبناني مسيحي او اي طائفة اذا بحب لبنان الا ما بيرجع ..
وضع البلد تعبان والخطة يلي عم نطرحها، فيها امل للبنان ومنتمنى تظبط بس بنفس الوقت الحالي كمان لازم نقوي الزراعة والصناعة لان بالتصدير بفوت Fresh Money واللبناني بالغربة يلي بتعرفوه، لازم انتو تحكوه متل ما نحنا عم نحكيه تا يستثمر بلبنان وما توقفوا شغل للبنان