بالفيديو – صالح الغريب: كمين مسلّح وسيارتي أصيبت 14 رصاصة.. 😔

– قصة الناس بدها فيزا حتى تفوت بعدا بأذهان البعض 😔

***

مقتطف من حديث وزير الدولة لشؤون النازحين صالح الغريب، لقناة “الجديد” بعد ساعات من الكمين المسلّح لميليشيا الإشتراكي، على إعتباره أنّه موكب رئيس التيار الوطني الحرّ جبران باسيل: (30 حزيران 2019)

(1) تجنبنا المتظاهرين
س – أدم شمس الدين: كنت بقلب الموكب فشو صار، من أطلق الرصاصة الأولى❓
صالح الغريب: لو بدنا نتعرّض لحدا ما كنا تجنبنا الطريق اللي فيها ناس ومتظاهرين.. وهودي المتظاهرين نحن نعتبرهم أهلنا..
– مرقنا طريق فرعية، من عيناب مروراً البساتين لعين كسور على إعتبار كانت فاتحة الطريق لما رِحنا عَ شملان شفنا الوزير باسيل

(2) كمين الإشتراكي
– من دون أدنى مبالغة، كمين مسلّح حصل، وسيارتي فيها 14 رصاصة
– كنت فاتح شباكي حتى يعرفو إنّو أنا..

س: حكيت معُن للمتظاهرين؟
– ما صرلي إحكي معُن.. الإستهداف مباشر بالسلاح.. ومش عجيبة إذا مرافق بيحمل سلاح، بس تظاهرة سلمية من وين إجا السلاح بين الناس اللي عَم تتظاهر❓
– معقول الشباب اللي معي هنّي قوصو بعضن..❗عَ كل حال في فيديو ونحن نثق بالقضاء، ونأمل إحقاق العدالة، وما رح نمشي بتغطاية السماوات بالأبوات بقا 👌

س – هل صحيح الطريق الفرعية من شملان، وتحديداً الطلعة المؤدية الى الشارع العام كان مرمي زيت ع الأرض..؟
– نعم وكان في مسلحين عَ راس الشارع، وتصدولنا، وعرفو إنّو أنا.. ونحنا رحنا لنسحب فتيل الأزمة، والتقينا بالوزير باسيل..

(3) إنسحاب باسيل
– الوزير باسيل أبدى رغبة بتأجيل الزيارة حقناً للدماء وسحباً للتوترات
– عَ أساس نحلّ الموضوع، وراجع أنا على الضيعة.. وإذا نتفاجأ بيللي صار

س – أكرم شهيب يقول إنو دخول باسيل الى هذه المنطقة ما فايت من الباب⁉⁉
صالح الغريب: ما حدا بحدّد البواب وين💯 وسؤال برسم الرأي العام الدرزي، ما طلع الوزير باسيل على الشوف.. شو عدى ما بَدَى..🤔 ليه هون غير فوق 😔 هيدا الدم اللي سقط غالي علينا كتير وأغلى من أي إستحقاق.. وما فيشي بيضمن ضبط الأمور الاّ إحقاق الحق ⚖

– الوزير باسيل بشملان.. وتوافقنا نحنا وإياه على تأجيل الزيارة، لأنو منا الزيارة إستفزازية.. قصة الناس بدها فيزا حتى تفوت على المناطق بعدا يبدو بأذهان البعض😔

https://youtu.be/CSJu3dgpqMQ

(وزير الدولة لشؤون النازحين – 30 حزيران 2019)