الزوادة من تريزيا الصغيري للتغلب على المصاعب… (Audio)

سألو القديسة تريزيا الصغيرة، شو بتعملي قدام الصعوبة؟

جاوبت:

• بقفز من فوقا

وإذا كانت كتير كبيري؟

• ما بهمّ بعلي أكتر، وبقفز من فوقا

سألوها: وإذا كانت كتير كتير كبيري، وما قدرتي تقفزي،

• قالتلن: ساعتا بمرق من تحتا..

الزوادة بتقلي وبتقلك:

– القديسة تريزيا قدام الصعوبة، بتحاول تحلها وتتخطاها، وهيدا القفز من فوقا

ولأنو في صعوبات ما بتقد لا تحلها ولا تتخطاها، تريزيا بتقلك
مروق تحتن، وحملن، خليهن هني يصيرو صليبك بدربك للقيامة..

يا رب إذا قفزنا فوق مشاكلنا، عطينا ايدك تسعفنا،
وإذا مرقنا من تحتا عطينا كتافك تحمل معنا، انتا لدعيتنا الك، كل مرة بيتقل الحمل علينا..

آمين