بالفيديو – ميشال أبو نجم: سهى بشارة مناضلة.. لكن الكره للتيار ولباسيل ❓

– الإستهداف الأعمى والغوغائي، والعشوائي يكشف عدم وجود رؤية للبعض

***

مقتطف من حديث الصحفي والباحث السياسي ميشال ابو نجم لقناة الـ”OTV”، ضمن برنامج “حوار اليوم”: (18 ايلول 2019)

*(1) الواقع – المرتجى*
– كلامي عَ وسائل التواصل الإجتماعي ينطلق من محاولة جامعة، مش قضية “أبو ملحم” وعَم نجمّع..👍
– عَم نسعى نلاقي حقيقتنا اللبنانية المتناثرة بين ضفتي الصراع خلال الحرب، لأنو للأسف ما صار في نقد ذاتي حقيقي💯
– اليوم بذكرى الشهيد بشير الجميل، إمّا
👈 بشير حَيٍْ فينا وبطل واله ومخلص.. 🤔
👈 لكل كائن حبيب.. 😓
المزبوط إنّو تِنظُر لتاريخك، وإداء كل فريق سياسي عَ أساس شو قدَّم للبنان، وقديه معو حق.. سواء بمواجهة محتل خارجي عدو، أو سواء بمواجهة شقيق عَم يحاول يسيطر.. وكنت عَم تدافع عَن وجودك وحريتك وكرامتك.. 👆

*(2) شو الصح..*⁉
– كل القوى السياسية ضلّت الطريق.. ولكن كل القوى السياسية اللي أطلقت الحرب، واللي كانت وقود الها، كان عندا جزء ما حق بيللي ما تدّعيه.. ✔
– القوى اليمين اللبناني (ما سُميّت باليمين) وقت حملت السلاح للدفاع عن وجودا، بوجه المنظمات الفلسطينية المسلحّة.. معا حق وقت تنهار الدولة وفريق يوقَف بجانب المنظمات.. وما كان عندا غير حل للدفاع عن وجودا.. 💯
لكن ✋
بخياراتا ورهاناتا، وبذهابا الى إسرائيل وإشكاليتها مع سورية، حول تصرفاتها بالداخل وبرفضا الإصلاح السياسي، هون ندخل بالنقاش معا.. ومنقول إيه إنتي مغلطا أو لاء.. 🤔

كمان ✋
القوى اليسار اللبناني، والإسلام السياسي بدَعمو للفلسطينيين بالحرب، كمان مغلّط.. ولكن كان معو صح بالإصلاح السياسي، وبالمقاومة ضدّ إسرائيل.. 👍

– ما حدا في يمنعني قول: إنّو سناء محيدلي، أو رولا عبود، أو وجدي الصايغ بمثلوني.. بس أنا بذات الوقت، ميشال بيرتي، يللي إستشهد قدام صيدليتو بالأشرفية سنة 1978 بحرب الـ100 يوم، هوّي شهيد كل لبنان وهوّي بمثّلني..

– ما فينا نقول عَن “جوسلين خويري” انو نِزلِت تسرق المرفأ.. لاء نِزلِت حتى تدافع عن وجودا، وحِملِت السلاح حتى تدافع عن حريتا وكرامتها.. 🙏

– بفتِكِر كلامي يمثّل كتار من اللبنانيي، لأنو اغلبُن ما بدّو يضلّ بالمتاريس ✔

*(3) تمنّي* 🙏
– كل طرف سياسي أو طرف، بدّو يعرِف وبدّو يِقبَل يِقعُد بعيون الآخر شي مرّة.. جتى يفهم الآخر عَن شو عَم يِحكي..😉
– ما فيك تقعُد بمتراسـ(ك) وعقيدتـ(ك) وإيديولوجيتـ(ك) وتضلك مسكّر عن الآخر.. اللي عندو معاناتو وعندو جراحو وتاريخو.. 😔
– حتى لو إفترض يللي عَم يخونوه لبشير الجميل.. لو بتضلّك 100 سنة تقول “لكل خائن حبيب” ما رَح تشيل رمزية بشير من اذهان ووجدان محبيه.. وكذلك الأمر بالنسبة لتخوين الآخر واتهامه ببدء الرب، وإنخراطه بمحاور خارجية.. ما رح نتقدّم..

*(4) المسلمّات شيء والإتهام جزافاً شيء آخر* 😔
– لننطلق من أمور أساسية، العميل والمُرتكب اللي عليه دم.. ما في مجال للنقاش حوله.. إسرائيل عدو، ومن تعامل معها كان عميل.. 💯
– أي مُرتكب يروح يتصرّف متل ما تصرفّت الدولة بعد تحرير الجنوب بالقضاء والأمن.. ⚖

*موضوعياً..*
أي شي بيحصل بالصين.. وكأنو العهد مسؤول… نلاحظ كتير وسائل إعلامية وخاصة ممولّة من الخارج.. هيدا كلاما، والأمر الثاني أي تقصير يُرمى عالوزير باسيل 🤔

– شفنا فيديو عَ وسائل التواصل لنواف الموسوي، عَم يقول، حتى في ناس من جيش لحد تمّ إستيعابُن من قبل حزب الله.. ورِجعو قاتلو ضدّ اسرائيل.. فلَشو اليوم هيدا الإستهداف الأعمى والغوغائي، والعشوائي سواء للرئيس عون أو للوزير باسيل.. 👍

*(5) سهى بشارة* 😎
– المناضلة سهى بشارة، بدها تحكي عن تاريخ وعن المقاومة كل الإحترام والإجلال.. بدها تِحكي بالسياسة بدها تِلقى ردّ بالسياسة..

*(6) ليه الكره لباسيل* ❓
– بالتحليل اعتقد إنّو في بيئة ما.. سواء كانت ذات جذور يسارية أو بتوجّه إسلامي بفروعها (السنّية – الشيعية – الدرزية) في عندا نفور أو خوف أو كره لظاهرة جبران باسيل.. ليه..❓
– الكره لجبران لأنو بمثّل خط قوي وقيادة قوية ومواقفو صلبة بالدفاع عمَن يعتبره هوي محق بموضوع الشراكة والوطن وبناء الدولة.. 😉
– ما عَمْ يتعَّودوا ع الموضوع.. وسيما عَم يدافع عن المقاومة وسياسة حزب الله بالمحافل العربية والدولية، وهالأمر دفعّ الرئيس عون والتيار وباسيل الكثير.. (إذا كل هالأمور ما عم يشوفوهن) يعني في نظرة عميا أو مافي نظر أساساً.. 😉
– إذا أيدّت سهى بشارة المعارضة السورية مش مُلزم أيدها.. حتى لو قاومت الإحتلال الإسرائيلي.. هالشي ما بيَعطيها حصانة أو شرعية أو رمزية للتلطي وراها 😉

(صحفي وباحث سياسي، حوار اليوم، otv)

https://youtu.be/oWGxefTD3Yg