أخبار عاجلة

عَ مدار الساعة


شهادة مؤثرة من وديع عقل عن الفساد وعن مرشحين صورة بلا مضمون.. (Audio+Video)

– لحماية كاشفي الفساد شعبياً وقانونياً ووظيفياً…

***

شهادة المحامي وديع عقل حول الفساد في فندق “فينيسيا”:

بمواجهة الفساد ما تنطرو حدا..

بخبّركم عن تجربة شخصية، وانا من عمركم..

إشتغلت بملفات فساد، بفكرّو مدعوم.. مش مدعوم..

عملتُن بإرادة خاصة..

لمّأ فتت بملف اللي بعتبرو، أفضل ملف خضتو. ملف كازينو لبنان..

فِتتْ بالملف، كنت لحالي.. لقيت شخص واحد…

وهيدا الشخص جاب المستندات، وكان موظّف آدمي.. وهيدا الشبْ طُرد من وظيفتو، وكان هلق الأساتذة عم يحكو عن حماية كاشفي الفساد…

انا لليوم مش قادر ردّو عَ وظيفتو.. أسبوع الماضي، كان بعد عندو فرش المطبخ بالبيت باعو…

رغم انّو تغيّرت الإدارة، انا مش قادر ردّو عَ وظيفتو…

فتحنا ملف فساد كبير… فيّي ضلني ساعدك.. وهيدا كلنا معرضين الو…

نعم بدّن حماية، بس الحماية الشعبية أكبر..

حماية الناس أكبر..

أنا بترجّاكم ، نحنا جايين على موسم انتخابات.. يللي بدّو يزوركم على الإنتخابات، طلبو منّن تزبيط البلد. فرضو عليُن طلبات جديّة للعمل.. سألوهم للنواب وللمرشحين:

  • شو عملتو..!!
  • شوفي بماضيكم؟؟

هلق في الـ”Social Media” ، بجيبو شخص بيعملّن شوية صور، وبصير يعملولو فيديو أو خبرية.. وبكون فارغ ما في مضمون جوّا..

في مرشّح بلا مضمون..

هيدا نحنا بحاجة لمرشّح بمضمون.. ونعم نحنا بلشنا، وفي أكل كتير كبير، وأكيد منقدر نغيّر لبنان..

رصد Agoraleaks.com