Agoraleaks Agoraleaks
✝ المهم مش قديه عم تطلّع، وين عم تطلّع… (مارينا شليطا) 🙏
في رجال غني كان دايماً لما يقعد لوحدو، يقول: شو بعد ناقصني عندي كل مكونات السعادة، وبعدني عم حسّ بوحدة، وفراغ بعمق نفسي…
شو لازم إعمل حتى عبّي هالفراغ..!!
راح الغني لعند رجال حكيم، حتى يستشيرو ويطلب منو حل لمشكلتو..
* ♰ *
طلب الحكيم من الغني، يطلّع من الشباك ويقلو شو عم يشوف؟
جاوبو: عم شوف السما..
بعدا قلّو طلّع على الطريق وقلي شو عم تشوف؟؟
قلّو: عم شوف كتير من الناس..
وهوي عم يراقب الناس من الشباك، بجِبلو الحكيم مراية ثمينة ، وسألو كمان مرة شو عم تشوف؟؟؟
جاوبو الغني: عم شوف حالي…
هون بقول الحكيم: هيك إنتا. ملتهي كتير بصورتك، وراكض ورا
- المال
- السلطة
- الشهرة
اللي بينقصك حتى تصير سعيد، انك تتطلّع بشغلتين:
- تتطلّع عَ السما ،
- عَ يللي حوالَيك،
وهيك بِتْدوق طعم الفرح، لأنو المهم مش قديه عم تطلّع، ولكن لوين عم تطلّع…
