خاص – “الكلمة” بالصوت.. قصة شاب مع حبيس.. (Audio)

♱ ما نخاف بفترة الصوم ننسحب من ضجّة هالدني (مارينا شليطا)

***

“كلمة” الموقع مع الإعلامية مارينا شليطا :

الخبرية عن حَبيسْ عايش لوحدو من فترة زمنية طويلة…
وصار معروف بخبرتو الروحية، وعمق إختبارو للصمت والصلا..

سألو احد زواره الشباب: شو هيي بالنسبة الك أهمية الصمت والصلا..؟

ما جاوبو.. أخدو لحدّ بير ، وزَتّ كمشة حجار ، وقلو: اطلّع قلي هلق ، شو عم تشوف بالماي..!!

جاوبو الشب: ما عم بقدر شوف شي.. !!

وبعد لحظة قلو: هلق اطلع ، وقلي شو شايف ؟؟

اطلع الشب وجاوبو: عم اقدر شوف حالي..

هون بقول الناسك:

هيدي هيّي خبرة الصمت، فيا الإنسان بيقدر يقشع بوضوح حياتو، خارج ضجّة وعجقة هالدنيْ على ضو كلمة الله ومحبتو..

***

إذا كانت أفكارنا مشوشّة ، نجاحاتنا ، همومنا كبيري، ولاهيتنا عن الله، ما نخاف بفترة هَالصوم ننسحب من ضجّة هالدني.. تنقدر نشوف بوضوح جياتنا على ضوء الله، ونعرف إنّو قيمتنا الحقيقية هيّي لمّن نشوف صورة الله اللي فينا، وبِ اللي حوالينا..