الأب طوني خضرا: كنت حابب شوف محمد قباني حتى إسألو كيف التوازن أكل هوا.. (Audio)

– رئيس الحكومة وقّف توظيف لأنو ما في توازن للسنة…
– تأجلت امتحانات 4 سنين ليجي ناس معينة.. ومعنا معلومات وأرقام!!
– المرجعيات المسلمة أصرّت ان تكون “لابورا” للمسيحيين بس..
– لدي 40-50 شخص ادخلناهم بدن يستقيلو.. لأنو لقيو الدولة “مغارة علي بابا”
– لدينا الحلول إذا بدهن توازن!!! إذا ما بدّن.. (التفاصيل)

***

رئيس مؤسسة “لابورا” الأب طوني خضرا عن دور “لابورا” الوطني بعد مضي حوالي 10 سنوات: (كانون الثاني 2018)

بتمنى إنو شعار “لبنان أولاً” يكون تطبيق مش بس حكيْ. يكون لبنان أولاً بالعمل بالوظايف والإهتمام.. وبمناسبة عيدي الميلاد رأس السنة أعيّد كل أسرة “لابورا” كوننا وجهّنا حوالي 91 الف شبْ وبنت. وحوالي 12,500 وظفناهم. وعنا 32 الف قدمّو طلبات توظيف.. وهيدي السنة الـ10 لوجودنا..

• همّ “لابورا” خدمة الإنسان. لأنّو قمّة العبادة خدمة الإنسان.
• نحنا كإعلاميين بس اسسّنا الإتحاد الكاتوليكي العالمي للصحافة، كنا عن نشتغل على الوضع الحالي على الأرض، فاكتشفنا في مشكل كتير كبير بالدولة اللبنانية، وفي غياب وإنسحاب وسَحبْ المسيحيين من وظائف الدولة.
• عملنا دراسات سنة 2007، ونصدمنا بالأرقام.
  سنة 1989: كان كل 100 مرشح على وظيفة الدولة كان في 48% مسيحي، و52% مسلم.
  سنة 2007: بصير عدد المرشحين المسيحيين بوظائف الدولة خلال مجلس الخدمة المدنية 13،5% . وهيدي كارثة.
• اكتشفنا انو الموظفين الثابتين بالدولة لا يتجاوز بوقتها 18 الف، اليوم صار 27 الف. تقريباً في شبه توازن. لأن الوظيفة كانت بالعهود السابقة من قبل إتفاق الطائف.
• سنة 2007، اكتشفنا انو 70% من وظائف الدولة هيي:
  – تقاعد
  – مستشارين
  – محسوبيات.. وهؤلاء الـ70% يشكلون 110 آلاف موظف، ولا يتعدى المسيحيون فيهم 9،5%. وهؤلاء المسيحيين اللي فاتو بهالفترة مش محسوبين على المسيحيين.

أمام هذا الوضع قلنا بدنا نعمل شغل. ودراسات، ولهذا السبب وضعنا مؤسسة ليس مهمتها فقط التوظيف، بل أيضاً يكون لها فكر استراتيجي لَ 20 و 30 و 40 سنة.. للمحافظة على التوازن..

الإرشاد الرسولي من أجل لبنان 1995، ومن اجل الشرق الأوسط 2010، كان في إصرار على بقاء التوازن..

إنطلاقاً من هيدي المبادئ وتفكير الكنيسة، وحاجة الشعب اللبناني، وبالتحديد اخوتنا المسلمين اللي عندن إصرار (وأشهد على هذا الشيء) وأثناء لقاءاتي للمرجعيات المسلمين لإنشاء “لابورا لبنانية” اكتشفت إصرار المرجعيات الإسلامية إنو لازم نعمل ” لابورا للمسيحيين ” وفقط للمسيحيين.. لأنو برأين في مشكلة ولازم يرجع المسيحي للدولة…

• وأستشهد بكلام الرئيس رفيق الحريري، كنت موجود بقريطم بآذار سنة 2002. وقلي: انو منزعج جداً من المرجعيات المسيحية الدينية والسياسية ، عندما تنعي لبنان، ولا تشجّع المسيحيين بالإنخراط بهذا البلد.. وبرأيو إنو من دون المسيحيين لا يوجد بلد لبنان…
• عنا مشكلة مع شبيبتنا بالتوظيف بالقطاع الخاص والعام.. وكل المحاولات اللي عملناها، وصلتنا لنتيجة بعد 9 سنين، انو: ان لم يكن الجو السياسي والوطني متوفر شو ما نعمل ما في حل جذري.. لكن

قدمنا حوافز للشباب، قبل:

– ما كانو يعرفو بالوظائف، صارو يعرفو فيها..
– ما كانو يتحضرو.. صارو عم يتحضرو..
بس بعد فيشي ناقص، بقولولك بعدنا مش حاسين الدولة انو النا… ومنا حاسين الجو العام بيحمينا..

• إذا عندي 2 بالقوى الأمنية، طايفة بتهتّم بابنها وبتعززو وبترقيه، وشخص تاني بيهملو، أو بينطرو على غلطة… من هيك في جو ما بشجّع المسيحي انو هوّي معنيّ بدولتو..
• إصرار “لابورا” بأوقات كتيري على بعض القضايا، انو يا جماعة بس عم نقول في مركز للمسيحيين، بدنا نحافظ عليه، ليس حباً لا بالمركز ولا بالشخص.. المقصود انو الشبْ او البنتْ اللي عم تدعيهم عَ وظيفة الدولة يحسو المسيحيين انهم متساويين بالقانون والواجبات، وبالحقوق..
• بأول 4 – 5 سنوات، صارو الشباب يلوموننا كيف عم نفوتهمْ على وظايف الدولة.
  وعندي اكتر من 50 – 60 شهادة، لموظفين، وكانوا يقولولنا: ليه علقتونا؟؟؟
  بدنا نقدّم استقالتنا ونفلْ.. نحنا فتنا على مغارة ” علي بابا “..

خلل بالتوازن الوطني

مديرية العامة للنفط : صار في مباريات ، واتصلنا بكتير مهندسين تاركين لبنان، من اصل 55 مهندس مسيحيي قدمو على وظيفة مجلس خدمة المدنية (وظيفة مهندس نفط) في 14 شبْ رجعو من الإغتراب ، بس تَ يقدمو طلبْ.. بناء على طلبنا وإصرارنا.. وعم يقولولنا إذا جينا عَ لبنان، رح يكون في استمرارية؟؟ رح ياخدونا لأنو كفوئين أو مش رح ياخدونا لأنو ما عنا واسطة..!!

هذه الأسئلة تجعل المسيحي ينسحبْ.. وهون بقول، مش ينسحبْ، يُسحبْ.. !!! أكيد في حهد بدنا نعملو، وبدنا نوجّه الشباب بموضوع الوظائف، وفي دور على مدارسنا وجامعتنا.. ولكن الدولة عليها تغيّر موضوع المؤسسات بالدولة، بدنا تطوير.. وبدنا لا مركزية إدارية بالمحافظات.. ولاد الشمال ما ضروري يروحو ع بيروت.. وولاد البقاع الشمالي، بيقدرو ينزلو ع زحلة..

تعليب

إذا الدولة بتقوم بمهامها نُقفل “لابورا” ولكن الفوضى الموجودة بالدولة، انو آلية الإمتحانات وطريقة التعاطي بالتوظيف عشوائية.. في بعض الوظائف تُعلن بشكل سريع، وتُسكّر بشكل سريع، واوقات في وظائف بتنعمل بطريقة معلبّة، ينجح ناس معينين..

ex: إذا عندي 50 تلميذ عم يتدربو على وظيفة، بكفّي إذا الأساتذة اللي عم يدربوهن، ونحنا منعرف انو بلبنان كل الطوائف والمؤسسات الحزبية بتعدّ جماعتها لدخول الوظائف.. إذا مجموعة موظفين الإستاذ يللي بدرّبهم، هنّي ذاتن بحطّو اللجان الفاحصة وبيوضعو الأسئلة.. بالتالي ما في لزوم يعرفو الأسئلة، الجو بكفي.. وأنا عندي إشيا حسيّة على هيدا الموضوع بالإسم والأرقام.. 

المشلكة بوضوح

• بقولو المسيحيين مش عم يقدمو على الوظائف.
  في وظيفة نعطى مجال 3 أسابيع.. وحكيت المرجعيات ليعطونا أسبوع، لأنو بدها إختصاص، ولقينا شابين (2) بباريس وبدبي، ومستعدين يرجعو ع لبنان ويقدمو.. حتى ما يكون المركز لطايفة وحدي.. مرجعيات ما قبلت تمدّد جمعة.. لاق بيسوا تمدّد..
• الجو العام ما بخلّي يشعر المسيحي انو متساوى..

لكن

• أرقام تقديم المسيحيين كانت 13,7 % سنة 2007، اليوم ما في وظيفة عم يتقدّم عليا تحت 25% كمعدّل عام.. ليه ما بكون نجاح 25%؟؟
• قلي أحد المسؤولين، وقت لجنة التحضير لقانون الإنتخابات، بس ننزركْ منقول ما بيطلع للمسيحيين الاّ هالقد..
  بعتذر هالجو موجود…

هيدا لبنان.. بدكم تغيرو وجه لبنان قولولنا..  

•  اليوم فوضى والتوظيف عشوائي وطائفي، من سنة 1990 لسنة 2005، كان في غياب للمسيحيين، وتقريباً امتلأ ملاك الدولة بطريقة غير سليمة وغير قانونية… اجو المسيحية عَ السلطة، (وانا قريب من كل المرجعيات المسيحية) المشاكل اليوم منها نابعة من اليوم..
• المشاكل نابعة من شخص بيحكي باسمك، وبياخدلك حقوقك، وبياخود الوظائف.. واليوم جيتْ تاخود حقك، ما بدن يعطوك اياه.. وهيدا المنطق غير مقبول..

بخصوص الوظائف العالقة، في أمور يجب أن تتغيّر.. بدك نحكي بصراحة: ليه تمّ تأجيل مباريات النفط 4 سنين؟؟ 

لأنو في مرجعيات بعتت شباب حتى تتخرّج، وتخصّصت بمادة، والشروط اللي نوضعت لحتى يقبلو طلبات الإنتساب، نعملت ع أساس شباب ياخدو و ظيفة معينة..

يعني: بس تقلي بدي شرط شهادة نفط، وبالجامعات اللبنانية ما في شهادة نفط.. يعني بدن يجيبو ناس معينين تعلمو غير محلّ.. مثلاً في شباب عاملي علوم سياسية أو محامية وبتقدر تشتغل صحافة وإعلام.. اليوم منقدر نطلب مش شهادة نفط، منقدر نطلب:

• حفر بالنفط
• امتدادات النفط..

تهميش للسنة أيضاً

أحد رؤساء الحكومات السابقة قبل تمام سلام، كنا عندو.. ضمن الجولة للرؤساء الثلاثة، لنتحدث عن التوازن، بقلنا: ما تعتلو هم وتشرحولي كتير، بلشنا نفهمكم، لأنو بلشت الشغلة تصير معنا..

• إذا ثلثين اللبنانيين مع إعادة التوازن،
  لنطرح آلية لإعادة التوازن..
  – إذا السنّي مغبون
  – الدرزي مغبون
  – المسيحي مغبون
  مين مش مغبون…؟؟؟
• ببعض الوظائف المسيحيي 10% الدروز 0%، أو السنة 3%.

بيقدر الوزير يقول، لأسباب معينة، ولوجود حاجة ملحّة، رح نضطّر ناخود من هالـ100 اللي نجحوا من 12 نوع وظيفة، رح ناخود 3 أنواع وظائف.. لأنو فيهم توازن، وبيطلع مرسوم، وبكون قانوني..

المشكلة هيي، هل في توجّه لإجراء توازن..؟؟
نحنا عنّا بـ “لابورا” كافة الحلول.. القصة بدها قرار.. ليه رفض احترام التوازن؟؟ يعني وقت (رئيس لجنة الأشغال النيابية النائب محمد قباني) بقول بالمطار ، انو التوازن أكل هوا ، إذا البلد كلّو أكل هوا.. خلينا نضبّ غراضنا… وحابب احكيه تشوف:

كيف التوازن أكل هوا…!!!

المادة 95 من الدستور، تم الغاء المناصفة من الفئة الثانية وما دون، مع مراعاة حرفياً مقتضيات الوفاق الوطني..

ماذا تعني هذه الجملة؟؟

من تمام سلام الى حسين الحسيني، لكل رؤساء الجمهوريات.. ماذا تعني هذه الجملة.

تمام سلام بقول: هذه الجملة الإبقاء على المناصفة بطريقة أخرى..

هل يجوز أن يقول سياسي، التوازن أكل هواااا ؟؟؟ وين رفقاتي بالبلد…!!!

• لازم التوازن يضلّ همّ عنا، في مؤسسات وأحزاب بيحكو باللاطائفية، وأكتر شي مش مسيحيي.. يشرحولنا شو يعني مش طائفية، لما موظّف فئة 5 بيندقْ فيه، رئيس حزبو ويمكن رئيس حكومة أو رئيس مجلس النواب بهزّ البلد.. وفي مدراء عامين (غلوريا أبو زيد) قلها 6 أشهر واقفة عن ممارسة مهامها.
• مع انو “غلوريا بو زيد” اسما فاطمة بوسف، كان صار هيك..!! وما بدّي فوت بهيدا الجدل، لأنو في مسيحيين ضد غلوريا، ومسلمين مع غلوريا..

ما تكذبو علينا وتقولو بدكم مشاركة.. واليوم سعد الحريري طلع من عند البابا فرنسيس من ساحة الفاتيكان، وقال: المناصفة لو بقيْ مسيحي واحد بلبنان.. والسنيورة قال: المناصفة الى الأبد، وقفنا العدّ.. شو معناتو هالكلام؟؟؟

يعني نحنا المسيحيين شركاء.. شو يعني شريك؟؟؟ انو بشتغل كل النهار، وبآخر النهار انتا بتقبض 100$ وأنا 10$؟؟

أنا مع توظيف الجميع ولكن… من بعد القرار بدنا نعرف كيف بدنا نكمّل؟؟؟

إنو بتجي تفوّت المياومين، على الوظائف، بتستعملن:

• ما معن ضمان
• ومش موظفين
• وهيدا اللي بموت على عامود الكهربا
• وهيدا اللي قضى كل حياتو..

انا ككاهن كيف الي قلب، قلو فلْ بعد 40 سنة؟؟ 

بس بالمقابل خلق الأمر الواقع، من سنة 1985، وسنة 1990 ، وسنة 2000، اليوم تسكّرت الدولة اللبنانية 25 سنة لقدام… يعني قول لولادك ضبوا غراضكم وفلّو.. لأنو من هلق ل 30 سنة بالبلد شغل ما فيه؟؟

القطاع الخاص

• كنا نوظّف كل شهر (من شباط 2008 حتى شباط 2016) بين 40 و 55 شبْ.. ونحنا كنا مبلشين كمؤسسة صغيري.. اليوم نحنا بـ”Labora” ورغم الأجهزة تبعنا، والضخامة عم نوظّف بين 4 و 6 أشخاص بالشهر…
• سوق العمل كان يحمل 6- 8 آلاف شبْ وبنت ، واليوم إذا سكّرت ملكات الدولة.. وحاططني أمام أمر واقع.. شو عم نقول للناس: ما تجيبو ولاد…!!!!
• انا المسيحي كنت مغيبني 20 سنة، ووالمسيحي عم يدفع 62% من ضرايب الدولة.. وبقول إذا كانو المسلمين مهمشين أنا طوني خضرا رح سمّي حالي محمد خضرا ودافع عنن لأنو عنا شيعة من بيت خضرا.. وبدافع بذات الطريقة وأعنف..

يا خيي رجعتْ المسيحي كيف بتصير؟؟ 

• بقصة الجبل، دفعوا لَ يللي مُصادرْ بالبيت.. أخدتو الدولة 15 سنة، وعبيّتو ملكات الدولة، واخدتو المصريات والمشاريع.. السؤال الرئيسي: بدّكن المسيحي يرجع أو لاق!!
• إذا كل اللي وظفو من سنة 1990 ل 2005 إذا أنا مُجبر فيهم، يمكن بكرا تدعي “لابورا” اللي بحب ما يدفع ضريبة للدولة لأنو ما عم ياخدو حقوقن..
• الملاكات مُلئت بطريقة عشوائية..
  متل ما في صندوق جنوب، بدي طالب لضيع بقاع الشمالي، وللشمال..
  أو بس بدي انا مصاري بصير منكوب..

عملو أجتماع وزاري لطرح موضوع التوازن بلبنان، وعنا حلول.. ونعمل لجنة وطنية قانونية، وقضاة ومحامين، ومدراء سابقين.. لنجد الحلول اللي عنّا ياها.. لأنو بدنا حدن يتبناها..

ساعتها منقول: عفا الله عما مضى، في 140 الف موظّف، متقاعدين.. منلاقيلن حلول.

• قسم منهم بينعمل مباريات،
  الكفوء بيتثبّت، واللي مش كفوء بياخود حقوقو
  منفوّت دم جديد..

اليوم ثلاث ارباع اللبنانيين مش لبنانيين.. انا أبونا، بضطّر أوقات ابكي بس يجي شبْ عندو 43 سنة من الأشرفية وما معو ياكول؟؟

يمكن هوّي تخصّص غلط.. ما عرف اشتغل.. بس ما فيني ما شوف هيك حالة؟؟ في حلول.. وإذا همنا لبنان والتوازن، فلنذهب الى حلول…

• وقت تأسست “لابورا” ما كنا عارفين الوضع هالقد مأساوي،
  والمسؤوليين السياسيين والكنسيين كانو يحكو عليّي: كانو يقولو مخترع الأرقام.. (مطارين وبطاركة ووزراء، يتشكو عليّي) وانو بيعملو احسن من “لابورا” بس ما منحكي بذات الطريقة.. طيّب عملو…!
• وقت كنت ببكركي ب 6 حزيران (اللقاء الماروني الموسّع) حكيت ساعة وثلث ساعة، كانو عاطييني نص ساعة. وكان البطريرك الراعي موجود، وعون وجعجع والجميل وفرنجية مع حفظ الألقاب.. وكل نواب الموارنة.. لما انتهيت النص ساعة، كلهم طلبو من البطريرك كمّل… وبعد ساعة وربع ما حدن عمل مداخلة، بس رئيس حزب طلب cd معلومات..
• اليوم اللي تغيّر انو بس يصير في كتلة متل التيار الوطني الحر أو القوات أو الكتائب أو المردة.. استحقوها بس وصلو على السلطة.. ولقيو انو الوضع كارثي..

الجامعة اللبنانية

طلعنا عند الوزير باسيل والدكتور جعجع، ولعند النائب سامي الجميل، وناطرين موعد من سليمان فرنجية، لَ نحكي بموضوع الجامعة اللبنانية…

نحن نطالب بتجمّع جامعي كبير بمنطقة جبيل كسروان – المتن، انو ما فيهم شبيبتنا يروحو على الحدث.. كان الجواب من المرجعيات انو ما في مصاري..

رحنا عملنا دراسة بالجامعة اللبنانية فقط، قديش في إيجارات للجامعة اللبنانية.. الرقم هوي 33 مليار ليرة لبنانية. يعني ما يعادل 20 مليون $.. حلّو الإيجارات ع سنة وبتعمرو مجمعيّن بالمصريات..

بس إذا بدنا نسرق وننهب البلد، وفي ناس عايشة زعما عَ حساب البلد.. أكيد مش لصالحها هيدا الخطاب.. ومش لصالحا نزبّط البلد..

الجمعيات

• في جمعيات ما بيطلعلا ليرة بالسنة.. وفي جمعيات رؤسائها زوجات رؤسا حكومة أو رؤسا مجلس، ونافذين بياخدو مليار ليرة من وزارة..
• في وظائف موقفتها طائفة غير مسيحية:
  من اصل 39 وظيفة، النص كانو مسيحيين
  12 شيعي، 5 دروز، و3 سنة.. وقفا رئيس الحكومة؟؟ ما كان يمضي لأنو ما توازن مع السنة..

مفروض نروح لعند النائب مش لَ نعترض، بدنا ناخدلو مشروع قانون، ونقلو مضيّ 10 من زملائك حتى نغيّر… وهيك بيحصل التغيير…

رصد Agoraleaks.com

الموقع الإلكتروني لموقع لابورا ( Labora )