أخبار عاجلة

عَ مدار الساعة


زوادة شبْ وبنتْ (كانو) يحبو بعضن حب كتير.. (Audio)

الله معكم

بخَبْرو عن شبْ وبنت كانو يحبو بعضن حب كتير كبير ،

بس مع الأسف كان الشبْ أعمى ، وكان يشوف كل الدنيْ من خلال عيون هالبنت..

بيوم من الإيام ،
بيتلقَى الشبْ اتصال عبر الهاتف بقول فيه المُتصّل: في حدا بدّو يقدّملك عيونو حتى تصير تشوفْ ، وهيك صار..

بس بعد فترة لما صار يشوف ،
اكتشف انو البنت اللي بحبها ،
ما بتشوف ..
ووقع بصراع…

  • بيتركها
    أو ،
  • بضل معها

بعد تفكير طويل ، راح لعندا وقلها.. انا مُبضر.. أنتي غير مبصرة.. مش قادر كمّل معك الدربْ، لازم نفترق.. بس قبل ما اتركك: شو آخر طلب بتحبي تطلبي منّي.. ؟؟

قالتلو بلا تردّد: بترجاك ، انتبهلي على عيوني….

الزوادة ، بتذكرني وبتذكرك..

بعطاءات الرب لإلنا..
وكم وكم من المرات،
نحنا عن نكون عميان،
ومش عم نقدّر هالعطاءات ونتنكّر الها..

حذار انو نكون أصحاب عيون وغير مُبصرين…

والله معكم..

المصدر: صوت المحبة