الحريري لأهل الوفا: هيدي لحظة صدق وتاريخ وجغرافيا واللي الو عيون يشوف يشوف… (Audio)

– أنا باقي معكم لندافع عن لبنان زنحن أهل الإعتدال وشعار لبنان أولاً
– جيتو تقولي الحمد الله عَ السلامة وأنا بقلكم الحمد الله عَ سلامة لبنان

***

كلمة رئيس الحكومة سعد الحريري في بيت الوسط أمام المحتشدين من أنصار تيار المستقبل: (22 ت2 – 2017)

• هيدي لحظة ما ممكن انساها.
  هيدي لحظة اللقاء مع الأحباب،
  مع الرفاق.
  مع الأهل الحقيقيين..
  هيدي لحظة الوفا معكن انتو، يللي بتعلمو العالم الوفا…

هي هيدي لحظة الصدق، معكن إنتو،
يللي بتعلمو العالم الصدق.
هيدي لحظة للتاريخ وللجغرافيا،
ولحتى يللي الو عيون تشوف… تشوف..
يللي الو دينتين تسمع تسمع…!!

• هيدي لحظة القلب، قلب سعد رفيق الحريري.
  يللي واقف بيناتكم.
  واحد بيناتكم.
  هوي الكم، لحتى اختصر كلشي بكلمة واحدة: “شكراً – شكراً – شكراً “

شكراً لكل واحد فيكن، ولكل واحد لبناني ولبنانية، فهم بلحظة واحدة، شو أهمية:
– الحفاظ على بلدنا،
– وعلى استقرار بلدنا،
– وعلى امن بلدنا،
– وعلى الأمان لأهلنا بكل لبنان.

انتو جيتو من كل لبنان، لتقولولي: “الحمد اللي عَ السلامة”، وأنا جايي قلكم: الحمدلله عَ سلامة لبنان، وعلى لبنان واللبنانيين… 

• أنا باقي معكم.
  ومكمّل معكم.
  باقيين سوا، ومكملين سوا..
  لَ نكون خط الدفاع عن لبنان، وعن استقرار لبنان وعن عروبة لبنان.
• هيدا اللقاء اليوم، رح يتكرّر معكم، مش بس هون، رح تشوفوني عندكم:
  – بعكار
  – بالمنية
  – بالضنية
  – بطرابلس
  – بالقلمون
  – بكل الشمال
  – بالبقاع، بكل البقاع
  – بصيدا
  – بالجنوب وكل الجنوب
  – بالإقليم
  – بالشوف
  – جبل لبنان وكل جبل لبنان
  لندافع سوا عن بلدنا، وحرية بلدنا وعروبة بلدنا وساتقرار بلدنا…

انتو اليوم ببيروت مع أهلي ببيروت، ونحنا كلنا اليوم ببيتكم.. جميعاً بالوسط.. لنقول كلنا سوا: “نحنا أهل الوسط” واهل الإعتدال، واهل الإستقرار، جايين كلنا بعيد الإستقلال لَ نقول: “ما عنا أغلى من بلدنا، وما عنا الاّ بلدنا، ومبدأنا ما بيتغيّر، وشعارنا رح يبقا “لبنان أولاً – لبنان أولاً – لبنان أولاً “.

عشتم وعاش لبنان

وبدي انزل سلّم عَ الشباب، وانتو ببيتكم…

رصد Agoraleaks.com