أمل أبوزيد يردّ عَ كل شائعات إنتخابات جزين والكلام عن زياد أسود وجان عزيز.. (Audio)

– جاد صوايا يُبلّغ الـ”LBC”: أنا من كفرحونة وجدّي من كفرحونة (التفاصيل)

***

مقتطف من حديث النائب أمل أبو زيد لقناة الـ”LBC” ضمن برنامج “نهاركم سعيد”: (2 تشرين 2 – 2017)

يسأل أمل أبو زيد عن وضع التيار الوطني الحرّ في جزين، وعن الخلافات المثارة إعلامياً.. يردّ:

• بالحقيقة، كتير ع ينحكا بهيدا الموضوع بالإعلام،
• بس ما عم يعكس شي صحيح مزبوط 100% على الأرض.
• وين مكان في مشاكل، المرا والرجال بيختلفو مع بعضن.
  بس ما بيعني هيدا الشي، أنو يدمرو البيت القاعدين تحت سقفو

التيار الوطني الحرّ بمنطقة جزين وقضاء جزين، من دون مبالغة هوي الأقوى، وشي واقعي على الأرض ملموس

• يمكن أوقات بصير في نوع من الخلافات بطريقة التعاطي والتعامل.. برأيي شي طبيعي، ما بمسّ بالجوهر الأساسي..

يسأل الإعلامي بسام أبو زيد: هل الخلاف له علاقة ببقاء أمل بلائحة التيار، وزياد أسود خارج اللائحة، وانه يتمّ التفتيش على شخص كاتوليكي ثالث، يُقال عن جاد صوايا، او غيره.. ويُقال أن صوايا من خارج منطقة جزين.. يردّ أمل أبو زيد:

• فيما يعنيني انا..
  الي حق ردّ بيللي بيعنيني.
  ما بحب كتير إعمل سجالات..
• أنا مُلتزم بالتيار الوطني الحر… شو بقرّر التيار الوطني الحرّ، كنت أنا أو ما كنت، سأنفّذ سياسة التيار ترشيحاً وإقتراعاً

أنا قريت وسمعت انو بشكل مباشر، إنو أمل أبو زيد عم يسعى جاهداً، يُستبدل صديقه وزميله زياد أسود بشخص آخر..

• 1) بدي قولها على العلن، (وعم قولا وين مكان)
  هيدا الإتهام الموجّه لالي.. أنا إذا بدّي إعمل شغلة بعملا علناً..
  2) الخيار منّو عندي بالأساس،
  الخيار موجود عند رئاسة التيار الوطني الحر، وفي آلية معينة التيار بدّو يعتمدها، وبالنهاية شو بقرّر التيار بحسب مصلحتو بأي أشخاص ليمثلوه بالإنتخابات عام 2018.

يسأل: ولكن فخامة الرئيس عندو رغبة بترشيح الإستاذ جان عزيز… يقول أمل أبو زيد:

• ممكن،
  عم ينحكا بالموضوع.
  انا جان عزيز صديقي الشخصي من فترة زمنية طويلة.
• وفي صداقة الها علاقة بالمهنية، كوني عضو مجلس إدارة الـ”OTV”، وجان عزيز مدير الأخبار بالـ”OTV”. ومنشوف بعضنا بفترات..

ولكن

• العلاقة الشخصية شيء، والموضوع بالسياسة شيء آخر
• مين أمل أبو زيد تيقدر يقنع جبران باسيل، (مع حفظ الألقاب) وفخامة الرئيس، أنو أناّ بدّي فلان..

هل تبقى ساكت، في طُلب رأيك بمصلحة التيار؟؟

• ما بضل ساكت.
  بعطي رأيي بشكل موضوعي جداً لمصلحة منطقة جزين ومصلحة التيار الوطني الحر 100%،وبعطيها بشكل علني..
• ما فيشي شخصي لا مع جان عزيز ولا ضدّو ولا مع زياد أسود لا معو ولا ضدو.. انطلق من مصلحة جزين والتيار
• بذهني وبقناعتي، الإلتزام في القرارات الحزبية والاّ لشو يكون حزبي.. لنفترض انو قرّر التيار انو أمل أبو زيد انت مكانك منو كتير بساعد التيار.. قرار حزبي ألتزم به.
  

  ما حدا أكبر من حزبو

• ونحنا عم نحكي بحزب على مساحة الوطن، يعني بيقدر يشوف الصورة كتير كبيري، مش انو بدنا نعمل Focus على قضاء جزين.
• أي قرار حزبي، وما بدك تلتزم، مافي لزوم تكون بالحزب.. حتى لو كان الخيار سلبي لالي، وممكن إمتعض بيني وبين حالي، بالنهاية في خيار بدّ, يمشي..

ماذا ستفعل الأصوات الشيعية، يردّ أبو زيد:

• أولا حركة أمل في عندا مرشّح اسمو إبراهيم عازار.
  في مرشحين كمان غيرو..
• الموضوع بصبّ بخانة كيف انتا قبل كلشي، تحدّد:
  – مرشحيك
  – كيف التحالفات
  – والخيارات الكبيري اللي بدك تعملها
  – وكل منطقة عندا خصوصيتها

الإستاذ ايلي رزق، بقول: إذا صار نائب، ما بدّو ياخود معاش، وما بدّو يحط النمرة الزرقا.. يقول أبو زيد:

• هيدا حقو.
  مش الهدف وضع نمرة الزرقا
• الهدف الأساسي حتى يفوت بالحقل العام، بالدرجة الأولى بلبنان، الناس بدّن:
  – يشوفو الشخص حدّن، ومعن
  – قادرين يوصلو لالو، إن كان بالإتصال او بالزيارة، أو بالعلاقة الإجتماعية، بالحفلات
  – كمان بالتشريع والخدمات على الصعيد الشخصي او بالصعيد المنطقة ككل بكل ضيعة بضيعتها

نحنا على الصعيد الشخصي، منو كتير جوهري لأنو التيار، اللي قدر أنجزو بالفترة الماضية، من سنة 2009 لليوم بمنطقة جزين، صدقني إذا بقلك، بواقعية، اشيا كتير كبيري.. وبقول شكراً لفخامة الرئيس على ال 65 مليون $ وعلى مستشفى جزين.. وإشيا كتيري نعملت من وزارة الطاقة وغيرا…

***

وقبل إنتهاء البرنامج، السيد جاد صوايا يتصل بالقناة ليبلغها أنّه من “كفرحونة” وجدّو من كفرحونة، وهوي مقيم في كفرحونة من 10 سنين، ومعو ورقة من المختار بتأكد هالشي…

رصد Agoraleaks.com