Agoraleaks Agoraleaks
– مش مسموح يتوطن شخص، لَ يفل شخص بدالو…
***
مقتطف من حديث عضو المجلس السياسي في التيار الوطني الحرّ، الدكتور ناجي حايك: (أيلول 2017)
- لبنان عم يستقبل لاجئين وعم يفلو أبنائو،
ما بقا عنا أصحاب بلبنان، فلوااا
ما بقي بلبنان الاّ المجنون الحابب يبقى، لو شو مكان. - الحقيقة انو لبنان استقبل بسنة 1948 : 200 ألف لاجئ فلسطيني،
وسنة 1967 وسنة 1970: عشرات الآلاف..
وبعد حرب سورية سنة 2011: نبعت الكم الأكبر من المهجرين السوريين الى لبنان، ولكن هلق في قسم كبير من سورية وقفت العمليات الحربية، ويللي بيقدر يقعد بجزين، بيقدر يروح يقعد بحلب، اقرب، سيما الأشخاص اللي جايين من المحافظات شمال سورية. - وبعد حلب ودير الزور، عَ قبال ما تتحرّر كل سورية، لازم يبلش مشروع عودة المهجرين السوريين. وحضرات دول العالم، يللي بتخّبر انو مستعدة تدفع، لازم تدفع المبالغ الكبرى والطائلة،
– أولاً لأنو هيي مسؤولة عن الحرب والتهجير اللي صارت بسورية،
– تانياً لأنو كل بلد بيتهجرو الناس فيه، وبعيشو في مخيمات وبؤر تعتير وبهدلة، بصيرو عرضة يصيرو إرهابيين.
- الدولة اللبنانية مش لازم تتعامل بطريقة مبسطة مع اللاجئين، يعني لازم تحط مهل.
وموضوع الكلام مع الدولة السورية هوي واجب،
في الدولة السورية هيي الدولة الي معترفة فيا أكثرية دول العالم. وخلينا نوقف الحكي الطالع النازل، انو منحكي معن أو ما منحكي معن.. هدفنا انهاء وجود اللاجئ السوري، وكلشي بساعدنا لإنهائو نحنا اللبنانيين لازم نعملو،
– الكلام مع الأمم المتحدة لازم نعملو
– الكلام مع الدولة السورية لازم نعملو - فاتو اللاجئين السوريين من دون ما ينحكى مع الدولة اللبنانية، وفاتو بواسطة مؤسسات أممية، مين بيعرف شو هيي؟
– فيا سرقة مصاري
– فيا أجهزة مخابرات بتشغلن..
هيدا الأمر لازم يتقونن بشكل سريع
ورداً على سؤال دعوة الرئيس الأميركي ترامب لتوطينهم في أماكن تواجدهم، ردّ ناجي حايك:
- يروح يوطنن بإسرائيل عند اصحابو، أو بمحل تاني، بلبنان ما في محل لتوطين حدا.
مش مسموح يتوطن شخص، لَ يفل شخص بدالو - المشكلة انو صار في لجوء إقتصادي، لأنو الحوافز اللي عم تعطيها المؤسسات الدولية، هيي اللي عم تخليون يلجأوا للبنان، وكلشي الو علاقة بموضوع الاهتمام باللاجئين لازم يمرق بالدولة اللبنانية، سيما الأموال اللي بتدفعا المنظمات الدولية، مفروض تدخل الأموال من خلال الموازنة العامة.
- حسن الجوار مع سورية مفروض علينا، واللي ما بدو يحكي مع سورية منقلو، عنو لجنة عسكرية نحناواسرائيل وان كان بطريقة غير مباشرة.
رصد Agoraleaks.com
