Agoraleaks Agoraleaks
– ليشعر اللبنانيون بأنّهم متآلفون ومتحابون، فيتذكّرون أرضهم الأمّ التي ربّتهم… (Audio+Video)
***
رئيس الجمهورية العماد ميشال عون أمام الجالية اللبنانية في نيويورك:
- أخواني وأحبائي، أكيد اليوم، يوم سعيد انو نلتقى بنيويورك، اللقاءات هيدي عم تتكرّر، إذا مش من خلالي أنا، من خلال وزير الخارجية. بالتأكيد صار النشاط واسع كتير.
- صارو اللبنانيي حول العالم عم يلتقو، بمؤتمرات متعددة، في أميركا وأفريقيا، وفي كل القارات الخمس. الغاية من اللقاءات، انو نحنا نجمع الشمل، ويكونو حاسين على انو رجعو مع بعضن، متآلفين ومتحابين، ويتذكروا الأرض الأم، اللي ربتهم واللي بعتتهم على الإنتشار في العالم.
- أكيد لبنان، بعد ما مرق بهزت مختلفة، صارت من 2011 لليوم بعد ما زالت، قدرنا في الداخل اللبناني نحافظ على استقرار لبنان، لأنو الكل أدركوا أنّو المشاكل الداخلية هيي اللي بتضرب الأوطان، وعرفو اللبنانيي انو الوحدة لا تتجزأ.
- صحيح كانو مختلفين بالسياسة، وكانت الخطابات نارية توصل للسما، ولكن لم يندلع أي حريق.. لذلك كان لمّ الشمل ضمن الأراضي اللبنانية كتير سهل علين، لأنو كلنا متفهمين الأوضاع، وعارفين انو هيدي الحقيقة الثابتة، انو نرجع نشتغل حتى نعمّر لبنان، بهالظروف هيدي.
- برجع بقلكم، اهلا وسهلاً. ومنحب نشوفكم بالأراضي اللبنانية، ترجعو تقضو الصيفية، وفرصتكم هونيك.
- كل العالم اليوم، بينتقل من بلد لبلد، حتى يروح يشمّ الهوا، ويقضي الفرصة السنوية، انتو اللي اشتقتو كتير للبنان، ما فيشي بيمنع تقضو الفرصة السنوية بلبنان مع اهلكم أو مع اصدقاؤكم، ونحنا ناطرينكم حتى نرجع نشوفكم.
- بتأمل تكونو كتار، بالصيف اللي جايي، حتى نحتفل بلبنان كلنا سوا. وعشتم وعاش لبنان.
