أخبار عاجلة

عَ مدار الساعة


جان عزيز لسمر أبو خليل: أزمة جزين مش أسماء بل تراجع، ونمط سبّ وشتم… (Audio)

– سمر أبو خليل تفتح أزمة التيار في جزين والنائب زياد أسود: الإحصاءات، الفبركات الإعلامية…
– جان عزيز: صديقي زياد اسود بالنضال، وأنا مني بحاجة لنمرة زرقا…

***

مقتطف من حديث المستشار الإعلامي لرئيس الجمهورية العماد ميشال عون جان عزيز لقناة “الجديد”: (16 أيلول 2017 – الجزء 1)

عن ترشيح جان عزيز في جزين

  • ترشيحي في جزين، قلتا وبرجع بكررها، يخضع لإعتبارات:
    – عملية، وأخلاقية ومبدئية،
    كوني مرتبط بفخامة رئيس الجمهوري
    1) أنا عملياً موجود بواقع العمل، حد فخامة الرئيس.
    2) ما ممكن قوم بأي خطوة، أخلاقياً من دون انو يكون هيدا قرارو
    3) لناحية المبادئ الذي يحملها هذا الترشيح، بدها تكون مستندة الى تطلعاتو
    ميشان هيك، هيدا الأمر أخد بعض الوقت، لحسمو.. وما بخفيكي، وما تأكدّت وما سألت حدا، انو اسمي ضمن المرشحين المحتملين ضمن آلية إختيار التيار الوطني الحرّ، وما سألت حدا من التيار، ولا تعاطيت بالموضوع.
  • سبق قلت، وأريد أن أكرره، وأتوجّه لأبناء جزين:
    نعم أنا تمنّى عليّ فخامة الرئيس، ان أكون الى جانب أولاد جزين، وأهل جزين (أقصد منطقة جزين) لمساعدتهم على تأمين خيرهم، ومصالحهم وإنمائهم، لأن جزين تحتاج الكثير، وجزين تعني الكثير في الجغرافيا السياسية اللبنانية.

يُسأل: هل أنت عايش بجزين، يقول:

  • انا عشت بجزين حتى الإجتياح الإسرائيلي سنة 1982

يسأل: يعني ما بتعرف كتير منيح شو أحتياجات وطلبات أهل جزين.. يردّ:

  • بالعكس بعرف بشكل كتير منيح، وبقدر هلق فصّلك كل مشاكل جزين، وكل معاناة أهل جزين.
  • اليوم في تعمية كبيري على معاناتا لجزين،
    مثلاً بالأسابيع الأخيرة،
    1) سألي الأجهزة الأمنية، في اكتر من 14 حالة سرقة بجزين، وكلها تناولت بنادق (صيد وغيرا)، وطرحت علامات استفهام حول الجهة اللي عم تقوم بهذه السرقة، علماً انو هذه السرقات حصلت في فصل الصيف، وعلماً بفصل الشتاء في عدد كبير من ضيعنا، عدد النازحين فيا اكثر من عدد اهاليها.
    2) في مشكلة بجزين على مستوى فرص العمل، وعلى مستوى الاقتصاد اللي بحاجة الى تكبير.
    3) في مشكلة القطاع العام بجزين…

نعم تمنى فخامة الرئيس انو كون حدّ ابنائها، وسلطاتها المنتخبة والنواب، لنحاول نأمّن لجزين كل ما تحتاج اليه من مقومات، وهيدا الأمر سأفعله إن كنت مرشحاً أو لا. وهذا الأمر ملتزم به كواجب كإبن جزين، وكموجود حد فخامة الرئيس.

تسأل الإعلامية سمر أبو خليل: خلينا نشلح الكفوف انا واياك، ونحكي الكلام اللي منسمعو بالشارع، من الناس، ومن يللي عم نقراه، مش على مواقع التواصل الإجتماعي، بمقالات، وبدنا نطلع شوي من الحدود، ونحكي (وبدك تتقبل، وأنا عم انقل).. جان عزيز مرشح أمل أبو زيد أو جاد صوايا، جمهوريتا المال.

Samar-bou-khalil

يقول جان عزيز: أول شي فيّي اسألك مين كتب هيدا المقال، طالما عم تحكي عن المال..؟
تقول سمر أبو خليل: في مقالات انكتبت، وفيشي نكتب بموقع “النشرة”..
يقول جان عزيز: طالما عم تحكي عن المال، مين كتب هذا المقال.
تقول سمر أبو خليل: شو قصدك، يعني قديه قابض حقو هالمقال!!

يقول جان عزيز:

  • أنا مني مرشّح أحد، لدي أصدقاء في كل المنطقة، وكل نواب المنطقة وفعالياتها أصدقاء لالي..

سمر أبو خليل: بمن فيهم النائب زياد أسود!

  • طبعاً بما فيهم زياد أسود، مع زياد ترافقنا سنين طويلة بالنضال، والمقاومة، وخضنا انتخابات بجزين سوا، وقت ما كان حدا يسترجي يحكي بجزين بانتخابات البلدية، سنة 2004، والكل بيعرف كيف خضناها..
  • صداقاتي تشمل كل الفرقاء في جزين، وكل عائلاتها، واطلاقاً ما عندي مشكل مع حدن، بس أنا مني مرشّح أحد.
  • أنا بفهم بالسياسة في تنافس، وهذا مشروع وضروري،
    انا بفهم انو في الديمقراطية نحكي عن البرامج، ونحكي عن الأفكار،
    بس بالتخلّف منحكي عن الأشخاص.
    قريت كل هودي، أنو أنا مرشّح أمل أبو زيد، (صديقي أمل) بس أمل أبو زيد بدّو يرشحني.. !!!

يُسأل جان عزيز: لماذا هذه الحرب الشعواء المشنونة على النائب زياد أسود؟

  • وين في حرب؟ ما هلق عم تقولي الحرب عليّي؟

سمر أبو خليل: هلق في حرب عليكم، وحرب ضدكم، وفي كلام عن حرب شعواء تشنّ على النائب زياد أسود، باستبداله بجان عزيز. واسمح لي ان أعطيك هذه المعادلة وفسرلي ياها على رواق، وخلاصة ما كُتب: في وقائع على الأرض، وإحصاءات نعملت، بتقول انو زياد اسود 73% ارقامو، والإستاذ زياد اسود صديقي وصديقك اكتر مني، بس عم نحكي وقائع ظهرت.. والمعادلة بتقول: انو أمل أبو زيد مع حفظ الألقاب مع زياد اسود على لائحة وحدي، لا أمل لأمل أبو زيد بالصوت التفضيلي، وأمل أبو زيد وجان عزيز على لائحة وحدي، هذا يعطي الأمل لأمل أبو زيد بالصوت التفضيلي؟

يقول جان عزيز:

Jean-Aziz

  • أولاً: طالما الحكي صار هيك، وبهذا التوجيه المُسبق عم تتفضلي فيه،
    هذا الكلام توجيه مسبق، لم يصدر بأي صحيفة،
    اتحداك الآن ان تأتي بصحيفة وحدي طلع فيا هذا الكلام.
    هذا الكلام صدر بمواقع، وكلنا منعرف لعبة المواقع اليوم.
  • ثانياً: حتى كون صريح، الإستطلاعات كلنا منعرفا، وهناك استطلاعات معاكسة تماماً، لِ يللي تفضلتي فيه.

سمر أبو خليل: صحيح.

  • ثالثاً: الأزمة بجزين مش أزمة اسماء، الأزمة بجزين أزمة 8 – 9 سنوات من التراجع التدريجي، وهودي مش استطلاعات مواقع، هودي أرقام جامدة.. وسجليهم عندك بليز:
    سنة 2009، لم يكن العماد عون يملك ولا أي نائب بجزين، ولا أي بلدية. خاض الانتخابات وخصمو الإنتخابي حصل على 3500 صوت مسيحي.
    – بعد 8 سنوات، العماد عون والتيار الوطني الحرّ،
    – 1) يملكون كل مواقع جزين النيابية،
    – 2) كل المواقع على السلطات الأهلية،
    – 3) خصومن كانو اضعف، ولم يخوضو المعارك الشرسة ضدن، قديش خصمن المسيحي أخد؟ 5100 صوت مسيحي.
    – 4) من بعد 8 سنوات من هذا العمل، وزنات ميشال عون تراجعت 50 % لصالح خصومو.

سمر أبو خليل: من المسؤول في تراجع التيار الوطني الحر؟ يقول جان عزيز:

  • انا ما كنت عم اتعاطى بهذه الفترة.
    لم اكن اتعاطى نظراً لمسؤولياتي المركزية مع العماد عون.
  • اعرف انو هناك نمط من التعاطي ساد في جزين خلال هذه السنوات، واتكّل على امر واحد: إنو الناس تسبّ بعضا والناس تهشّم بعضا، والناس تعتمد الكلام يللي هلق عم تنقلي، وتكرريه، وأكيد من دون ما تتبنيه.
  • 8 سنوات وكل يللي نعمل بجزين، الناس تسبّ بعضا،
    واللي عم نشوفو بمواقع التواصل الاجتماعي، هذا هو الأمر اللي اعتمد.
    ولسوء الحظ البعض اليوم عم يرجع يحاول يعتمدو معي، ويللي أنا أرفض أن أدخل به، وأناشد كل أبناء جزين والأهل والأحباء انو اوعا تفوتو بهيدي السجالات، حتى اليوم الصبح، بعدا عم تنبعت ويوصلي الكلام المعتمد ذات اللغة، لغة المسبات والشتائم من دون أي نتيجة.
  • انا قلت وأكرّر، لأنو فخامة الرئيس تمنى عليّ كون حد ولاد جزين، وحد نواب جزين، وكل الهيئات المنتخبة لتأمين مصالح وحقوق جزين لما تعنيه في الجغرافية السياسية اللبنانية.

يطلب عزيز من سمر أبو خليل، ان تكون معو بالحديث وترك الرسائل، فتقول سمر أبو خليل: لاق مش رسائل، ارجوك، هيدي أخبار عاجلة مضطرة تشوف إذا فيشي ضروري اسألك ياه، يضيف جان عزيز:

Samar-Abou-Khalil2

  • قلنا لكل المعنيين بجزين، تعو نقعد نشوف شو اللي بأمّن مصالح جزين والجزينيين، 
    تعو نشوف هذه الوزنات، اللي اعطاكم ياها العماد عون، منذ 8 سنوات، لماذا تراجعت واستفاد الخصوم.
    تعو نشوف شو يللي بينعمل لمصلحة جزين، فكان الجواب بهذه التسريبات، يللي لا تليق بأبناء منطقة جزين، ولا تليق بمن يمثل جزين، ولا تليق خصوصاً بالفريق السياسي والحزبي يللي نحنا مننتمي اليه، ولا يليق بمن يمكن أن يحمل اسم العماد عون الرئيس.

تقول سمر أبو خليل: شفت الإستفزاز ضروري، لَ يصير هيدا الكلام، يقول عزيز:

  • لاق كلامك موجّه،
    لما بتقولولي إستناداً لمواقع..
    سمر، انتي اليوم فيكي تعملي موقع، وتطلعي تسبي مين مكان، بصير خبر صحفي؟
  • الشتائم منا خبر.
    مجافاة الحقيقة حتى عكسا، هوي نوع من الشتيمة الأخلاقية.
    نقض الحقيقة حتى تزويرا هو جرم يعاقب عليه المبدأ والأخلاق والقانون.

سمر أبو خليل: خلص نحنا عم نسمع توضيح مقابيلا… أنا حصلت عَ الجواب اللي بدي ياه. يكمل جان عزيز حديثه:

  • لما تزوّر الحقيقة، بالمفهوم الأخلاقي هذه شتيمة،
    ليش بحاسب القانون عليا؟؟
    لسوء الحظ الكل عم يستدرج عليا، وينزلقو عليا.. 
  • ما بعرف في بعض الأشخاص (ما بعرف إذا وهميين) يعتمدون هذا النمط بشكل يومي، جزين أكبر من هيك.. خلينا نحط جزين على مستوى الأفكار والبرامج، المشكلة جزين تفرغ من أبنائها…
  • جزين مع ادمون رزق كان فيا 34 مدرسة، اليوم فيا اقل من 10 وبعضهم وهميين.
    جزين اليوم بعد فيا حوالي 130 عيلة موجودين بيشتغلو بالأرض والصخر، وعم نهدد بتتهجيرن نهائياً، نتيجة بعض الإجراءات.
    جزين بحاجة لتضافر كل اللي حواليها، من قوى أمنية وسياسية في صيدا والجنوب والشوف لدعمها..
    جزين يجب ان تكون ضمانة للتفاعل بين كل الطوائف، وبين البقاع والجنوب والجبل والساحل…
    جزين المنطقة النموذجية هي بحالة نزع ومعاناة، ولسوء الحظ البعض آخد العملية على مسبات وشتائم….

من السبب، هل كان التيار منهمك؟

  • أنا كنت منهمك كلياً بمسؤولياتي المركزية مع العماد عون
    التيار الوطني الحر والوزير جبران باسيل كان عم يحاول،
    انا اللي لفتني نتيجة انتخابات جزين الفرعية اللي أظهرت انو وزنات العماد عون اللي أعطيت لجزين ولمنطقة جزين، تمّ التفريط فيها، بدليل الأرقام، (لا هيي قراءة سياسية، ولا تجنّي، ولا تطاول)
  • في أرقام واضحة، حدا يجي يقلنا،
    هل هناك دائرة انتخابية في لبنان، (إنتي قوليلي) خصوم العماد عون ارتفعت شعبيتن المسيحية 50% بعد 8 سنوات؟؟؟ 

ماذا عن عصام صوايا؟؟ هذا الوضع يعطي قوة لخصومكم، اسم الإستاذ إبراهيم عازار حضربقوة؟ يقول جان عزيز:

  • عم تاخدي الكلام، ليللي عم قولو،
    بدك تشوفي يللي زكّى هؤلاء..؟ ولأي أسباب تمّ تزكيتهم؟؟؟
  • انا عم احكي، عن الإستاذ إبراهيم عازار.
    نحن والسيد عازار على خصومة سياسية، وولكن مع ودّ شخصي، واحترام كامل.
    هو انسان لائق، ووابن بيت جزيني، ومع خصومتنا السياسية قدر حقّق هذا التقدم، ما منسأل ليه؟؟
  • ما منسأل إذا ممارسة معينة على مدى 8 سنوات، أدّت لهون.
    كيف بدنا نعالج الموضوع..
  • اللي عم قولو، ما رح نسمح لمنطقة جزين ان يتمّ تفريغا من اهلا.

    ممنوع حتى أي منشار صخر مرخّص يشتغل بجزين؟ ليه؟
    ممنوع لأي جزيني يقوم بأي شغل؟؟
    شوفي بالجنوب النهش اللي عم يصير للبيئة بشكل متفلّت، وبشكل جعل المنطقة كارثة.
    طلعي على “ميدون” عن جد بعتو كاميرا، اذا ما تكسرّت، تتشوفو شو عم يصير؟؟؟

  • ابن جزين المرخّص ممنوع يطلّع لقمة عيشو؟
    وهون مندعي كل القوى بجزين تتضافر بالجهود للمحافظة لدعم أبناء جزين.
    يبعتو مسؤولين أمنيين، بيحترمو أبناء جزين. وبيحترمو منطقة جزين، وبيحرصو على بقاء الجزينيين، مش على تهجيرن.
  • ما يجيبو واحد تابع لمِدري مين، وواحد تابع لمدري مين؟؟
    ويقضي لتغيير العلاقة بين أبناء منطقة جزين والقوى المعنية..
    في حالة خاصة اسما جزين، لازم كل المعنيين وبكل المحيط يتساعدو لمساعدتها.. لأنو إذا جزين إذا ما ضلّت هذا الصمام القادريأمّن التفاعل بين المناطق والمذاهب والطوائف، هناك أزمة على مستوى الجغرافيا السياسية لكل لبنان.

هل أخطأ التيار الوطني الحر (كقيادة) بإدارة وضعو وحالتو بجزين، يقول عزيز:

  • ما بدي فوت بتحميل المسؤوليات،
    بعلم المنهج، نحنا عم نحكي بخلاصة: انو في أزمة..
    تعو تنقعد كلنا سوا، نشوف شو أسبابا وكيف بتتعالج، قبل الانتخابات بِ 6 أشهر.
  • بتمنى الكل يسمعني:
    مني بحاجة لنمرة زرقا
    – مني بحاجة للقب،
    – مني بحاجة لشرعية
    كتّر خيرالله وجودي آخر شخص حدّ هذا الرجل (الرئيس عون) يعطيني كفاية ذاتية، ومعنوية، وعملية، لتأمين ما أطمح عليه من مبادئ وقيم، اكتر بكتير من كل المشاريع اللي عم تنطرح.. 

لكن 

  • بالمقابل جزين بحاجة لعناية، وهذه العناية ما بتنعمل بتفليت شخصين على وسائل التواصل الإجتماعي، شغلتن وعملتن، يسبّو الناس ويجرحو فيا، ويتطاولو.. وبدليل اللي حصل آخر شي على المستوى التنظيمي.
  • روحو نبحث كيف منأمّن مصلحة منطقة جزين.
    ومن موقعي حدّ الرئيس عون، عليّ أن أدعو.. وعمل مبادرة ودعي كل بلديات والمخاتير، واجتمع مع كل نواب جزين، ليشوف شو ممكن ينعمل؟؟ لأنو المسألة مش مسألة انتخابات؟؟؟ آخر همنا هذه الإنتخابات؟ نحنا بيت سياسي زهق النمر الزرقا من 50 سنة. مش هلق وقت نجيّر مبادئنا وقيمنا من اجل نمرة ما حدا عم يطلّع فيا..

*** Agoraleaks = جرأة + دقة + مسؤولية ***