أخبار عاجلة

عَ مدار الساعة


خاص – سامر موسى: زياد حواط عامل حالو عم يخدم الناس وبلدية جبيل مديونة 12 مليار ليرة (Audio)

– 80 شخص عَ جداول البلدية بمعاشات والشباب ببيوتن.
–  لجنة الأشغال التيار استطاعت تخصيص 64 مليون $
– حواط يريد دفع 5 ملايين $ بالإنتخابات.. من وين المصريات!!

***

مقتطف من حديث منسّق مدينة جبيل في التيار الوطني جبيل سامر موسى لموقع “Agoraleaks”: (14 أيلول 2017)

  • نسعى نعمل انتخابات نيابية عَ أساس برامج انتخابية، وعلى أساس تطوير لبنان بالإنماء.
  • بدنا نروح لمرحلة انتخابات وفق أساس برامج سياسية،
    ما بدنا نرجع لمرشحين من طراز الستينات والسبعينات، ومرشح جايب كميون زفت، أو مرشح جايب بقرة عَ ضيعة، او مرشح عم يدفع قسط مدرسة، او مرشح عم يدفع فاتورة مستشفى.

رسالة التيار 

  • نحنا بعهد الرئيس عون، عم نسعى يكون في:
    – ضمان شيخوخة
    – طبابة اجتماعية
    – مدارس وجامعات وطنية قوية
    – مستشفيات حكومية قوية، لحتى كل مواطن لبنان يتحكّم من دون ما يربح جميلة حدا، ومن دون ما يزحف عَ باب زعيم، تَ يدفعلو فاتورة المستشفى. او يروح عند زعيم حتى يدفعلو قسم مدرسة ابنو.
    وهيدي الإشيا اللي عم يسعى لالها الرئيس عون، والتيار الوطني الحر.
  • إذا بدنا نرجع لَ سياسة مرشح بجبلنا رخصة “فيميه” (عازل للرؤية) أو رخصة فرد (مسدس)، أو نمرة من 3 أحرف، منكون عم نرجع لورا.
  • التيار الوطني الحر والشعب اللبناني بدو مرشحين مثقفين واعيين، لنتطوّر المجتمع، هيدي رسالتنا. لأنو مسائل متل: نمر 3 أحرف وقزاز “فوميه” هينة كتير بالنسبة لالنا، في عنا رئيس جمهورية بقصر بعبدا، منقدر نعملن.. بس مش هيدا الهدف تبعنا، نحنا ما تبهدلنا 30 سنة وناضلنا، تنوصل لمطرح نعمل نمر وخيم ورخص سلاح.

baladiyat-zol-Jbeil

  • بطلب من الناس والمواطنين يعملو مصلحتن.
    ومصلحتن الحقيقية هيي بمصلحة ولادن ومستقبلن.
    بدل ما جيب كميون زفت وحطو قدام باب مواطن، التيار الوطني الحر، ولجنة الأشغال بالتيار سعيت بمجلس الوزرا، حتى بالقريب العاجل يتخصّص 64 مليون $ لقضاء جبيل:
    – طرقات
    – حفافي،
    – إعادة تأهيل،
    – انارة،
    هيدي الخدمة اللي بتوصّل كل شخص عَ طريق بيتو بشكل محترم ومرتّب، هيدي الخدمة الكبيري بتخدم كل الناس، وبتضل الناس راسا مرفوع، وما بتنذل وما بتحط راسا تحت رحمة حدا.

حواط والمخالفات 

Hawatt-Zift
زفت حواط الإنتخابي… للرشوة وتربيح الجميلة!!

  • خدمة تشريع المخالفات للأسف جعلت مدينة جبيل كلها مخالفات.
    بلدية جبيل مش تاركة مخالفة مش مشرعتا، إذا هيدا النموذج بدن يقدمو بالقضاء يعطيون الف عافية.
  • نحنا كتيار ولَ نكون واقعيين، وعم نحط الإصبع على الجرح، وحضاريين، دعمنا انشاء بلدية ظل، لنتابع كل الملفات الإنمائية، وحتى بس نكون عم نحكي إنماء ما نكون عم نحكي سياسة، نكون عم نحكي أرقام ووقايع.
  • بلدية الظل بلشت بملف الشط بجبيل، ورح تتابع ملفات أخرى.
    ورغم مدّ اليد، لَ بلدية جبيل ما عم تتجاوب. وما عم تعطي موعد. ولا عم تقبل تستقبل بلدية الظل. بوقت بلدية الظل عم تحكي مشاكل انمائية، ومشاكل موجودة على الأرض، وواقع شايفتا كل الناس.
  • يُقال انو بلدية جبيل عليا دين 13 مليار ليرة لبنانية.
    رح نطلب كشف مالي بموجب التعميم اللي بعتو وزيرالداخلية (نهاد المشنوق) من اسبوع تقريباً لكل بلديات لبنان، ورح نشوف بلدية جبيل قديش عليا مصاري.
  • إذا مزبوط بلدية جبيل عليا 12 مليار ليرة ، وبدن ينقلولنا هيدا النموذج عَ قضاء جبيل، على الدنيا السلام، 12 مليار ليرة كلها محسوبيات، وزياد حواط عامل حالو عم يخدم الناس، وهوي عم يسحب مصريات البلدية ويوزعا على العالم غير المستحقين. والناس المستحقة متل شرطة البلدية عم يعطو 800 الف ليرة ل. وبيوقف كل النهار بالشمس، وبقلك ما فينا نجيب جبيليين لأنو ما بيشتغلو بِ 800 الف ليرة، ايه اكيد الجبيلي بدو يشتغل بمليونين ليرة ابن الجبيل، بس بالوقت انتا عم توزع مصريات البلدية وتوزعن يمين وشمال، وعم تهدر المال العام. أكيد ما رح تقدر تدفع لشرطة البلدية.
  • 90 % من شرطة البلدية مش جبيلية، جايبين شركات خاصة وناس من برات جبيل ويقال في من جنسيات مختلفة. أكيد بس يكون حاطط 70-80 شخص عللى جداول بلدية جبيل، بيقبضو معاشات وهني قاعدين ببيوتن.
  • هودي 70 شخص، عبارة عن 70 – 80 مليون ليرة شهرياً، يعني عم مليار ليرة بالسنة. يعني بالـ 7 سنين اللي قطعو مع بلدية زياد حواط، صارو هادرين 7 مليار ليرة كرمال يرضو فلان وعلتان، وكرمال الناس تنتخبن.
  • بروح بأجّرأرصفة ببلاش، ومحلات بيقبض،ومحلات ما بيقبض.
    في ناس فاتحة “Night Clubs” بنص الطريق العام، وما بيدفعو ليرة. وكل هالإشيا لأغراض إنتخابية. وهون عم يصير في هدر للمال العام.
  • نحنا مع تنظيم الأرصفة، ومع تأجيرها لولاد جبيل، بنفس السعر، وبنفس الشروط.
    متل الشطوط بجبيل، في عنا 10 شطوط، مفروض يتأجرو لولاد المدينة ضمن نفس الشروط ونفس المعايير.
  • المواطن بجبيل في عليه حقوق وواجبات. يتعاملو كل الناس متل بعض. مش انو هيدا مش من جماعتنا منفرض عليه خوّة، ومناخود منو ضريبة وأجار، وهيداك روح عمال البدك ياه، وما تدفع ولا ليرة.

مشكلة حواط

Ziad-hawattt
حواط نقل مدينة “جبيل – بيبلوس” للعالمية..!!

  • سوء العلاقة بين التيار الوطني الحر والسيد زياد حواط، بلشت من يوم ما ربح بلدية جبيل. وقرر باليوم التاني ينزل صورة العماد عون عن مكتب التيار. وهيدا عمل ما تجرأ يعملو أي رئيس بلدية او أي نائب أو مسؤول حزبي على امتداد لبنان. وما قدر يومتا، لأنو صار مشكل كبير ووقف التيار بوجو.

aoun-jbeil-amchit

  • بفترة ولايتو الست سنين، اهانات بحق التيار، ورئيس التيار، وبحق نواب التيار يللي هني بمثلو 60% من جبيل. وهيدا الشي بيرجع لشخصيتو يللي هيي:
    – متعالية
    – متكبرة،
    – متسلطة. وبرأيي بتشكل نقطة ضعف كبيري بمسيرتو السياسية. ورح تكون احدى أسباب سقوطو بالمعركة الانتخابية. لأنو شخصيتو متعالية واجريه منن على الأرض، وبالحقيقة ما بتعرف حجما، وما بتعرف أحجام الآخرين.
  • حواط اليوم عم يواجه التيار، ولكن التيار الوطني الحر أكيد مش عم يواجه زياد حواط، التيار عم يواجه نهج بكل لبنان، ومعركة التحرر مستمرة، وعمرا 30 سنة، ونحنا بهمنا نعرف التيار قديه بياخود حجم، بغض النظر مين بكون المنافس.
  • نحا عملنا قانون نسبي، وقبلنا نخسر بمناطقنا، بكسروان وبجبيل، ورح نخسر مقاعد. لكن زياد ينتمي الى نهج اقطاعي، ورجعي. وهيدا مش نهج بلاد مدينة جبيل ولا قضاء جبيل.

زفت حواط

Samer Mousa (2)

  • هوي عم يقول ويجاهر، انو محضّر 5 مليون $، وبدي اعمل إنتخابات،
    وما بيستحي يزفّت بضيعة وحاطط صورتو عَ كميون الزفت.
    يعني ما بعرف بأي عصر نحنا عايشين.. بعد شوي منروح نلم زبالة، ومنحط صور على كميون الزبالة!!
    وبوقت مدينة جبيل طرقاتا الفرعية وأطرافا مكسرة، ومحفرة، كأنك ماشي من طريق من سنة الستين. يزفّت مدينتو بالأول. عامل حالو ناجح، وانو نقل جبيل للعالمية.
  • قديه البخار ضارب، لعندو هيدا الفكر، مصدّق ومقتنع وبجاهر انو هوي نقل جبيل من مطرح لمطرح.
    جبيل مدينة عمرا 7000 سنة. قطعت كل الحضارات عليا.
    جبيل مدينة الحرف.. مين زياد حواط تنقلا من مطرح لمطرح.
    هوي عمل السور او القلعة، او مينا جبيل…!!!
    السيد فرنسوا باسيل ومشكور، من خلال بنك بيبلوس، بلّط سوق جبيل، وغيرلو واجهتو.
    قطاع مفرق المينا، بتحس حالك متلي وين صرت.
  • كل الأعمال اللي بقوم فيا زياد حواط، هيي اعمال إعلامية بامتياز،
    وصلت الوقاحة يقول انو نقلنا جبيل  الى العالمية. وحطينا جبيل بمصاف الدول والمدن الأوروبية.
    بيبلوس مشهورة، لأنو مطرح ما تكون بالعالم، بتقلو بيبلوس: بقلك السايح ايه.
  • قال بدو يعمل قضاء جبيل متل مدينة جبيل، كتّر خيرو، بدو يعملو كلو جُوَر وكلّو مخالفات، وكلو محسوبيات، ومكسور عليه 12 مليار ليرة!!!
    لاق هيدي سياسة اقطاعية رجعية.