محكمة الشعب 4 – حسنين المصري: كنت عند جان قهوجي وقلتلو ما بأمّنك عَ غنمتين.. خرجو يحطّ مريول ويجلّي لمَرتو (Audio)

– نشالله المصريات اللي قبضوها يحطوها عَ ولادن..
– ما تفكريني انو عم احكي، عَ الوزرا، في عندك نبيه بري…

إصرار موقع “Agoraleaks.com” على نقل كلام الشعب المتألم والعفوي، ليس غايته التشفي والتجريح بأي شخصية سياسة وعسكرية قبل صدور حكم القضاء، سيما وأن موقعنا يستسيغ المثل اللبناني “العفّة عند المقدرة”، وبرأيه أن العدالة البشرية عاجزة عن بلسمة جرح يطال الكينونة البشرية، وإن نَفذّت بعض المجتمعات منطوق إعدام أخساء أذلاء وخونة في ظروف معينة…

ولأن التوبة الحقيقة الصادقة – التي هي أبعد من مراجعة نقدية ظرفية- وحدها بإمكانها بلسمة جراح المفجوع المتألم من جهة، ومعالجة أناس مرضى أدنى من البهائم الحيوانية من جهة أخرى، ننقل بأمانة وتركيز ما تقوله عائلات أهالي العسكريين.. 

ولأن التوبة الحقيقية والصادقة من منفذي الجريمة بحق العسكريين (بالمباشر وغير المباشر) مستبعدة، من أمثال: أبو عجينة – أبو طاقية – قهوجي –  الحريري – سلام – المشنوق – ريفي – مقبل –  فريق 14  شباط بأكمله مع إعلامييه.. موقعنا ينقل باصرار حكم الشعب الناطق من أفواه أهالي العسكريين.. ليُسجلها التاريخ بصمة عار على المتآمرين والمتخاذلين والمحرضين.. علّ أبنائهم والأجيال تتعظ… 

واليكم ما قاله شقيق الشهيد علي المصري – السيد حسنين المصري: (7 أيلول 2017)

• منشكر فخامة الرئيس ميشال عون،
  منشكر حضرة العماد جوزيف عون، اللي جبلنا شهدائنا ورفعلنا راسنا.
  نحنا منتشكر سماحة السيّد قائد المقاومة حين نصرالله، اللي سعى وساهم بهيدا الإنجاز.
  وشكر خاص مدير عام الأمن العام اللواء عباس ابراهيم، اللي تعب معنا، وبكي معنا، والدمعة ما مننساها، كما دمعة القائد جوزيف عون..
• هالجرح متل ما سمعت قبل، من الأخ الحاج حسن،
  أنا مش رح أعطيها كجرح، رح أعطيكي ياها كيف صارت معنا.
  الجرح إذا بدي احكي كلو، بدي وقت كتير،
  الخيانة للعماد جان قهوجي ولتمام سلام، اللي عطاه أمر بوقف اطلاق النار.. وفللو العسكريي من عرسال للجرود.. شو كان المقابل؟؟
  ما بدنا نعرف شو المقابل، القائد جوزيف عون حكانا، والدمعة عَ خدودو، وهوي ما الو علاقة بشي، وهوي خلصنا ولادنا..

يسأل، ولكن الا تستبقون الأحكام، لأنو بعد ما صار تحقيق شفاف وصريح، حتى نلقي المسؤولية، وعم تخونو ناس..؟؟؟

يقول المصري:

• انا من الأساس، طلعت ع التلفزيون (ع أخبار طرابلس) وبتقدر تشوفوها،
  انا كنت عند جان قهوجي، وقلتلو بالمباشر: 
  والله، والله، والله ما بأمّن عليك تسرح بغنمتين، أنا قايلو ياها.
• تمام سلام، الله لا يتممها عليه بخير،
  نشالله المصريات اللي بيقبضوها (اللي قبضوها) نشالله يحطوها عَ ولادن، 
  انا بدي قول شغلة: إذا عم ياخدو أمر من أمراء الدول العربية، لحتى يقتلو الشعب اللبناني، طويلة عَ رقبتن.
  يحطوها براسن: كل صباط بيلبسو الشهيد اللي سقط من 9 عسكريين لليوم، بشرّف أكبر أمراء العرب.
  بشرّف لحية اللي خلفن، من تاريخ تمام سلام لليوم.
  من خالد الضاهر، للمرعبي، ولكل عهد تمام سلام.
• ما تفكريني انو عم احكي، وانو خلص ع الوزرا،
  في عندك نبيه بري، اللي طلع قال: عنا عسكريين اسرى..
  الاّ ما يكون مشارك معن..
  أنا ما بيعنلي الاّ قائد الجيش جوزيف عون،
  ورئيس الجمهورية عون فقط لا غير..
• كل واحد اجا على عهد تمام سلام نذل، ابن نذل، عَ مسؤولتي عم احكي…
  بيتحملو مسؤولية..
  وردة الفعل من أبو طاقية، ومن أبو عجينة، ومن ولادن، ومن أحفادن، ومن كلشي بقولو الحجيري..
  وبكرا منشوف.. كلب إبن كلب جان قهوجي.. وإذا ما بتطلع مباشرة، كل حادث الو حديث..

تعلّق الإعلامية سمر أبو خليل: ما انتا مباشر، وبتفهّم جرحك، ولكن سمعني شوي، خلينا نحترم الشهادة، ودماء أبطالنا، ونحدّ عليون، ونحزن عليون.. وفخامة الرئيس بفتح تحقيق.

التمديد الثالث لقهوجي لإبقائه حصاناً في سباق رئاسة الجمهورية…!! 

• خرج قهوجي يلبس مريول ويجلّي لمرتو.
  سعد الحريري كان عليه يجيبن أحياء، راح اخد بندر بن سلطان، ونقلع فلْ، ومليونين $ حطن بجيبتو.
• عندك شرف، بتنقلع عن الكرسي..
  أنا أوّل ما اجو، قلتلو، ان شالله تلحق بيك….

تُعقّب أبو خليل: منفهم هالحرقة، بالنهاية الجمرة ما بتحرق الاّ محلها، بس..

رصد Agoraleaks.com