agora-PeMg-Ka3

الأب الياس مارون غاريوس: حابب كون خادم ممحي من الوجود.. واذا في جماعة ثابتة بالمحبة، الشر بصير قهر ذاتي للشرير (Audio)

– يا شباب نحنا اهل معركة على الشر وثورة على الذات، والصمود منو كلمة بالتمْ هوي عمل روحاني

***

مقتطف من حديث الأب الياس مارون غاريوس لقناة الـ”OTV” إثر انتصار لبنان من ساحة مار الياس في القاع، مع الإعلاميين ميلفين خوري وجورج عقل:

  • القلب بضخّ بالدم ليعطي الحياة لكل الناس،
    والقلب اسمو يسوع المسيح، قلب الدنيي، وقلبو نزف على الصليب، حتى يكون شفاء لكل الأمم.

عن صمود شباب القاع

  • هودي الشباب ما بقيو هون عبثاً،
    بقيو على شعلة القاع، شباب من عيلة: عاد – الأحمر – فارس – ليوس – وهبه 
    فـعاد الأحمر الدم، ليكون فارساً يصل بأرضنا الى مينا الخلاص، فيكون ليثاً يزمجر مجداً لبنان، فيكون هبة للعالم

kaa5

  • مجد لبنان رح يكون هبة للعالم، ودمن زمجر بوج كل العالم ليعطي السلام من أرضنا..
    واليوم شباب القاع هني ولاد دم يسوع، ورفقات دم يسوع اللي تركو هالأرض، حتى يعطونا أرض اخرى، اسما مجد السما عَ ارض البشر.

الصمود

  • ما بيوقف بوجو أي شي.
    الصمود منو كلمة بالتم، أو كلمة سياسية أو اجتماعية.
    الصمود هوي عمل روحاني بامتياز، وكل ما تنمى فيك الروح، بينمى فيك الصمود.
    الصمود كلمة حياة، لأنو بتخلق من خلالا الثبات في ارض احتاجتْ، انو تخلق شعب.
    وأرض القاع احتاجت لهالشباب الطيبين، حتى تخلق عالم البطولة.
  • الثبات ما بيجي من انفعالات حماسية، بيجي من انفعال ايماني، وروحاني، وراسخ رسوخ الأبطال والقديسين، يللي عطيونا بشهادتن هيدي الأرض..
  • قلبي بينبض دقة وحدي، وهوي ساكت.
    شباب القاع، هني البطولة، وهني شجرة الأرز من أرض لبنان.
    لأنو الأرز خالد، والحب خالد. واللي بحب ارضو خالد من خلود الأرز.
  • شباب القاع الصامدة، مستقرين، وعندن استقرار، ويعني راسخين، وما بخافو..
    والبطولة بتنبت من أرض الشهادة، خاصة من دم يسوع المسيح، اللي عطانا من دفق شهادتو على أرضنا، شفاء لنفوسنا وأجسادنا، وقلنا: “لا تخافوا، أنا غلبت العالم، وانتم لستم من هذا العالم” وشباب القاع الصامدة ليست من هذا العالم، هم من عالم الله، وعالم الروح والبطولة، وعالم القاع وشعلة القاع، تيضلو صخر القاع بأرض لبنان، وفخر لبنان بأرض العالم كلّو.

الإنتصار

Pere-Elias-Maroun-Gharios-Ka3_3

  • هيدا الإنتصار ما تحقق، الإنتصار نعاش. وهيدا الإنتصار أُخِذ.
    هيدا الإنتصار أخد كل الحقد من قلب داعش، وزرع حب بأرض القاع، والوطن.
    وهيدا الحب العظيم اللي زرعو الجيش اللبناني، هوي حب، لأنو حياة فقدت ذاتا حتى عطيت الحياة للآخر. وهيدا هوي يسوع البطل اللي عطانا ذاتو.
  • ابن الجيش اللبناني، هوي شلش الأرزة بأرض لبنان. هيدا فرّخ على كعبو “بخور مريم” حتى يقلنا “هيدا عنبر الطهارة، اللي اسمو دم من جسد يسوع، لجسد الجيش اللبناني، يللي هوي نهر لبنان بأرض القاع بدم القديسين، حتى يحرّر العالم ويقلن: هيدا هوي لبنان والقاع زند منو، والشر تكتّف.. وهيا بنا نأخذ السلام من ارض السلام من لبنان، الذي يعطي الحياة من اسم الهو، يللي اسمو يسوع.

عن التجارب

Pere-Elias-Maroun-Gharios-Ka3_2

  • قلنا يسوع، حتى تخلصو من التجارب، اثبتو بالمحبة.
    اذا في جماعة صغيري ثابتة بالمحبة. الشر بالبلد ويللي عَ البلد، ومن قلب البلد، ومن قلب ولادو، ما بضل شر، بصير قهر ذاتي من قلب الشرير.
  • قلنا مار بولس، تتقدرو تقاومو ابليس ومكايدو، بدكم تثبتو بالحب.
    لأنو هيدا المجد العظيم يللي اسمو لبنان. من 30 سنة لليوم وهوي وعم ياكول ضربات، ولكن ولا مرة تدمّر لبنان.
  • لبنان اسمو بلد الرب.
    ما بيتدمر، وحتى لو كانو البياعين والتجار ولادو..
    ما بيتدمر، لأنو البي بيرجع يحضنو.. ولبنان بيْ محبّ، مستعد يحتضن كل ولادو:
    – اللي خانو،
    – واللي باعوه،
    واللي حبوه..

حلم الأب غاريوس

  • الأب غاريوس بيحلم بكتير اشيا بالقاع.
    وربنا رازق القاع كهنة عم يهتمو فيها اهتمام مطلق،
    ابونا اليان نصرالله، وابونا بولس رياشي، هني فعلاً خير دليل لمصلحة القاع، وخير حب.
  • اهم شي حابب اعملو، هوي كون خادم ممحي من الوجود، حتى كون بقلب الرب، لأزرع حب الرب بقلب العالم.
  • مصرّ اني ما انوجد.
    لأنو كل مرة بنوجد، بصير حس ع حالي انو في وجود ناقص…
  • ولاد القاع هني اللي علمونا، انو نكون شرسين بالحب.
    وقادرين بالبطولة، وفعلاً نقدر نتحدّى كل لحظة، لنعيش مع اهل القاع الحاضر بحضور المستقبل.
  • شباب القاع صارت اجسادن، خشبة صليب بترعب شياطين هيدا الدهر.
    وصارت سواعدن، شلش أرز لبنان، وشلش لبنان بأرض العالم ليعلنوا (هالشباب والرجال والأمهات) انن سواعد يسوع المسيح بأرض الكون كلو سوا.. وانا بدي كون خشبة صليب بأرض القاع. واحمل معن كل المشقات.
  • انتبهو يا شباب، نحنا أهل معركة.
    ونحنا أهل ثورة. ثورة على الذات. تنكون قديسين. 
    ومعركة على الشر، حتى نطرد مملكة الظلمة من أرضنا ومن كل العالم.

OTV

Milvine-Georges-Ka3

  • انتو صفر O للشر،
    وانتو V انتصار دائم،
    واللي بيجمعكم T فتح اليدين، حتى تلقطو قدرة البطولة V وتلقطو O وتجمعوهن لتخلقو وطن عظيم، اسمو لبنان الشاهد والأرزة اللي بتظلّل الخلود، ع كل البشر ولكل العالم.. واحملو ترابات القاع معكم..

رصد Agoraleaks.com