agora-abir-tawm-bitar

خاص – عبير بيطار من ثكنة الجيش برأس بعلبك: شو ما قدمنا للجيش قليل، عم يقدم دمو لتحرير أرضنا من آفة داعش (Audio)

– شعب وجيش ومقاومة ايقونة ثلاثية منفتخر فيا، ومنقدرها ومنقدسها…

***

مقتطف من حديث الناشطة الاجتماعية عبير الطوم بيطار (جمعية النهضة النسائية) لموقعنا، من داخل ثكنة للجيش اللبناني في رأس بعلبك – تحضير وجبات غذائية لعناصر الجيش اللبناني عَ الجبهات: (22 آب 2017)

Abir Tawm bitar

  • نحنا كلنا ايد وحدي، ورا الجيش اللبناني، دعم لالو،
    لأنو أرضنا محتلة من الدواعش الإرهابيين.
  • أقلّ شي انو نقدمو قدام تضحياتن، وجهودن الجبارة، لكل واحد عم يساعد وعم يقوم بتحرير هيدي الأرض وتنضيفا من الإرهابيين، ومن الفكر الإرهابي اللي مش نضيف.
  • نحنا باقيين بأرضنا، وبمساعدتنا للجيش، معناتو نحنا متجذرين بأرضنا.
    ولازم نحمي الأرض سوا نحنا والجيش
  • من كل المناطق عم تجي الناس لتساعد.
    من الضيع الأساسية يللي هيي معنية بالتحرير (القاع – رأس بعلبك – جديدة الفاكهة) وأقرب شي لعمليات التحرير، كما الناس من عرسال ومن كل المناطق عم تجي تساعد، كما عدد كبير من الجمعيات
  • اليوم في تجمّع للنهضة النسائية موجودين، اجو من بيروت وكل المناطق..
    كل الجمعيات عم تساعد الجيش، لأنو عم يحررلنا ارضنا من ناس اغتصبوها، واغتصبو حتى اقتصادنا
  • بدنا نشكر الأم انياس مريم الصليب، الداعمة الرئيسية لهالتحرك، ويومياً عم ينعمل حوالي 5000 ساندويش. وبأقل تقدير في حوالي 100 شخص متطوع عم يساعد لتأمين الحصص الغذائية.

abir2

  • الشباب والصبايا كما الشَيب، والأولاد، كلن عم يساعدو مجاناً، وهيدا اقل شي نعملو.
    نحنا دقيقتين ما منقدر نقعد بالشمس، كيف هني بالجرود، وعم يتحملو كل هالمصاعب
  • نحنا داعمين للجيش لأنو السلطة الرئيسية للدفاع عن لبنان.
    بس ما فينا ننكر عمل المقاومة، والشغل اللي نعمل بجرود عرسال، تمهيداً لهيدي المعركة، إضافة لجهود المقاومة بالجهة المقابلة من القلمون، فتحية اكبار ليللي عم يقدموه، لأنن عم يساعدو لتحرير الوطن من آفة إرهاب داعش.
  • شعب وجيش ومقاومة هيي ايقونة ثلاثية اللي منفتخر فيا، ومنقدرها ومنقدسها.

abir33

abir44