أخبار عاجلة

عَ مدار الساعة


وليد الأشقر: التضامن مع حزب الله أبسط الأمور ونتمنى ع القوى السياسية يحطوا عَ جنب خلافاتن (Audio)

– المعركة تحدد مصير الوطن، والمنطقة بكاملها

مقتطف من حديث منسق مجالس الأقضية في التيار الوطني الحر وليد الأشقر، لإذاعة النور:

  • انتصار لبنان على الإرهاب من خلال المقاومة، لا يمكن توصيفه.
    شو ما نحكي بكلمات قليلي، ما منقدر نوصّف اللي عم يصير…
    باسمي وباسم زملائي بالتيار الوطني الحر، جينا تنعبّر عن امتناننا وشكرنا للمقاومين
  • عملياً المقاومة اللي عم تعملو اليوم بجرود عرسال، عم تسطّر ملحمة باسم الشعب اللبناني كلو سوا.
    ونحنا شو ما نحكي اليوم، ما منقدر نوفي المقاومين حقن…
    اليوم نحنا جايين نساعدن بكياس حلوى، لنقدملن ياها، وهني عم يقدمو دمن للشعب اللبناني كلو سوا، فداء للبنان كلّو سوا
  • الله يرحم الشهدا اللي سقطو،
    أكيد مش رح ننساهم أبداً لأنو دماؤن ما راحت سدى، اجت في سبيل انتصار الشعب اللبناني بوجه التكفيريين
  • اقل الإيمان انو يكون كل الشعب اللبناني متضامن مع المقاومين.
    نحنا منعتبر انو الموقف المتضامن مع المقاومين هوي أبسط الأمور، لأنو المعركة مصيرية بوجه الإرهاب والتكفيريين، ونتمنى على القوى السياسية اللي عندا خلافات مع حزب الله، يحطوهم عَ جنب. لأنو المعركة أكبر من هيك بكير. هيي مصير وطن، ومصير منطقة بكاملها
  • اليوم نحنا جزء من الشعب.
    المقاومة عم تعمل دورا بجرود عرسال.
    الجيش عم يساهم بمنع المسلحين من التسلل داخل المناطق الآمنة السكنية
    بالتالي نحنا اليوم عم نجسّد شعار: “شعب – جيش – مقاومة”  على الأرض، وعم يبيّن اليوم بكل النشاطات اللي عم تصير

رصد Agoraleaks.com